ارجو النصيحة

[dreamerqueen]

السلام عليكم
ياريت تنصحونى اعمل ايه ؟؟
انا كنت محتاره بين كلية صيدلة وفنون تطبيقية
كنت جايبة السنة اللى فاتت 97
وكنت حاسبة لنفسى انى هجيب نفس المجموع السنه دى
بس لحكمة ربنا عايزها جبت 93,5
مش عارفة اعمل تظلم ولا لا
انا عندى الموهبه اللى تقهلنى لفنون تطبيقية
(بقول ممكن يكون ربنا قدر ان انزل جامد كده ف المجموع علشان ادخل فنون لانها احسن بالنسبالى )
(ولا مفروض انى برضو اسع واحاول اجيب درجات )

[Bent 3bdo]

الحمد لله قدر الله و ما شاء فعل
الفكرة ان التظلم مش مضمون و بيبقى تجميع درجات بس
يعنى لو كنتِ حالة صح و مشطوبلك ع الحل مش هتاخدي حاجه
انتي اهم حاجه صلي صلاة الاستخارة
و شوفي انتى حابه اكتر صيدلة و لا فنون تطبيقيه
لو فنون تطبيقه خلاص اتوكلي ع الله و الخيرة فيما اختاره الله
لو صيدلة ممكن تعطاي التظلم لو ليكي خير ف صيدلة ان شاء تاخدي الدرجات و تخشيها
لو فيها شر ربنا يبعدها عندك بس تبقى ريحتي نفسك عشان الشيطان ميفتحش عليكِ باب لو كنت عملت تظلم كان زماني و مزمانيش
و ربنا يوفقك و يعملك اللي فيه الخير

[مروه]

وعسى أن تكرهوا شيئا وهو خير لكم

أولا التظلم مش هيفيدك بحاجه لإنك إنتى محتاجه عشان تلحقى صيدلة

حوالى 10 درجات على الأقل وده مستحيييييييييييييل تاخديهم لو عملتى تظلم

لإنه غالبا مش مضمون .... وكده هتضيعى فلوس ومجهود ع الفاضى

وإنتى كده كده حابه فنون وعندك الموهبه لكده

متوجعيش دماغك بتظلمات مش هيبقى لها لازمه

ربنا يوفقك يارب