سؤال فى الفزياء ارجو المساعدة ضرورى

[.MOHAMED SAMY.]

انا عندى سؤال وارجو مساعدتى فيه :

فى الفيزياء الفصل السادس قوانين الغازات ..

تجربة جهاز جولى اولا ليه بنرفع الفرع الحر عند التسخين مش مفروض نحركه لاسفل علشان يتساوى مع x ???

وليه بنحركه لاسفل عند التبريد مش مفروض نرفعه لاعلى علشان يتساوى مع x ؟؟؟

وليه حطينا ف الدورق 1/7 زئبق ؟؟ ارجو المساعدة

[مصراوى 4]

حطينا ف الدورق 1/7 زئبق لمعادله لتمدد الحجمى لزجاج الدورق ويصبح حجم الغاز ثابت لان معامل التمدد الحجمى للزئبق سبعه امثال معامل التمدد الحجمى للزجاج

[زكريا مختار]

نحرك لاعلي عند التسخين للمحافظة علي تبوت الحجم ويكون ذلك بزيادة الضغط
حيث ان الضغط الجديد علي الغلز هو الضغط الجوي + h

والعكس عن اللتحرك لاسفل

اما الزئبق فان معامل تمدد الزجاج سبع امثال تمدد الزئبق فيظل حجم الغاز ثابت فيتساوي تمدد الزجاج مع الزئبق

[.MOHAMED SAMY.]

مش عند التسخين بيرتفع الزئبق فى الفرع الحر ؟؟ يبقى ننزله علشان الزئبق يرتفع ف الانبوبة الثابتة؟؟؟ والعكس عند التبريد ؟؟ انا مش فاهم الحتة دى خالص وخصوصا بيقولك لازم تنزل الفرع قبل ماتسخن غلشان الزئبق مايندفعش يعنى ايه برضو؟؟

[زكريا مختار]

لا نزل الفرع قبل ما تبردهوذلك بسبب انكماش الغاز يعني نقص حجمة

[nada allam]

بترفع الفرع الحر عشان:
ارتفاع الزئبق فيه يزيد فيزيد الضغط فى الفرع الثابت ايضا فيقل الحجم بعد ان تمدد بالتسخين

بتنزل الفرع الحر عشان:
ارتفاع الزئبق فيه يقل فيقل الضغط فى الفرع الثابت ايضا فيزيد الحجم بعد ان انكمش بالتبريد


قبل ما تبرد:
لازم تنزل الفرع عشان الضغط يقل و حجم الغاز يكون كبير قابل للانكماش دون اندفاع زئبق فى الدورق
مش بدل ما يكون الحجم صغير واول ما تيجي تبرد .. الزئبق يسقط فى الدورق