عندى مشكله

[*(amera)*]

سلام عليكم
انا طالبه فى تانيه ثانوى
عندى مشكله فى الرياضه هى كويسه وكل حاجه
مشكلتى ان انا كنت باخد مع مدرس فى اولى كان كويس جداااا
فى تانيه كويس بس بطىء اوى
يعنى مثلا احنا فى المدرسه حسب توزيعه المنهج فى كتاب المعاصر
خلصنا الحاجات بتاعت شهر 11 عدا درس واحد بس
اما مع المدرس ده فاحنا لسه فاضلنا 3 دروس فى منهج شهر 10
بحاول الحق المدرسه بس مش بعرف خصوصا ان مدرس الفصل شرحه مش حلو
وطبعا المدرسه والدروس بتاخد الوقت مش بيبقى فيه وقت كتير فاضى انى اذاكر فيه عشان الاحق المدرسه
يعنى الوقت ع اد انى اللى اخده فى الدرس ارجع احل اسئله عليه
وفيه اعمال سنه والمدرس بتاع المدرسه ربنا يكرمه معروف ان امتحناته بتبقى صعبه
فلو جابلى امتحان فى منهج شهر 11 ده انا مش هعرف احل حاجه
وفكرت اسيب المدرس اللى باخدمعاه بس كان خلاص باقى المدرسين سبقوه بكتير
فهيبقى فيه لخبطه ....هوكده كده الترم التانى ان شاء الله هسيبه
بس بالنسبه للترم الاول ده مش عارفه امشى فيه ازاى ؟

[*تائبة فى رحاب الله*]

تم تجربى تاخدى درس خصوصى.
يعنى مدرس ييجى يكملك ع المنهج ويقدر ظروفك يعنى
وان مكنش بصى هو كتاب المعاصر شرحه حلو
او ممكن تنزلى المنهج باور بوينت هيفيدك
تب هو انتى لوحدك عند المدرس ده؟؟؟
تب متقولى له انكم متاخرين ولا هيرفض؟؟
وربنا يوفقك

[*(amera)*]

المشاركة الأصلية كتبت بواسطة *تائبة فى رحاب الله*

تم تجربى تاخدى درس خصوصى.
يعنى مدرس ييجى يكملك ع المنهج ويقدر ظروفك يعنى
وان مكنش بصى هو كتاب المعاصر شرحه حلو
او ممكن تنزلى المنهج باور بوينت هيفيدك
تب هو انتى لوحدك عند المدرس ده؟؟؟
تب متقولى له انكم متاخرين ولا هيرفض؟؟
وربنا يوفقك

ماهو للاسف جربت
بس المدرسين بيبقوا مججوزين
يعنى بتلاقى ان المدرس ما عندوش وقت فاضى لدرس جديد
بحاول اذاكر من المعاصر وهو فعلا شرحه كويس
بس الوقت يعنى مش بلاحق
هذاكر عشان الدروس ولا الاحق المدرسه

المدرس ده باخد معاه فى مركز فالعدد مهول
فكرت ادخل معاه مجموعه مميزه بتبقى زى الدرس كده مش بتعدى 15
بس ماهو برضو متاخر فى المجموعه
كلمناه قالنا ماليش دعوه بالمدرسه دول بيكروتكوا انا بفهمكم براحه

[*تائبة فى رحاب الله*]

المشاركة الأصلية كتبت بواسطة *(amera)*

ماهو للاسف جربت
بس المدرسين بيبقوا مججوزين
يعنى بتلاقى ان المدرس ما عندوش وقت فاضى لدرس جديد
بحاول اذاكر من المعاصر وهو فعلا شرحه كويس
بس الوقت يعنى مش بلاحق
هذاكر عشان الدروس ولا الاحق المدرسه

المدرس ده باخد معاه فى مركز فالعدد مهول
فكرت ادخل معاه مجموعه مميزه بتبقى زى الدرس كده مش بتعدى 15
بس ماهو برضو متاخر فى المجموعه
كلمناه قالنا ماليش دعوه بالمدرسه دول بيكروتكوا انا بفهمكم براحه

تب حاولى تاخدى فكرة بس عن الدروس بتاعة المدرسة
على الاقل تعرفى تحلى وللعلم هى مش تنقص كتير فى اعمال السنة دانا اعرف
ان كل 30 درجة او 25 بيعملوا درجتين ونص فى اخر السنة
هو انتى واقفة عند انهى درس فى المجموعة
اصل الجبر كله زى بعضه كلها حاجات زى الدرس الاول
والنهايات يعنى فى اختلاف بسيط
وحساب المثلثات هو قانون الجيب وجيب التمام
وجيب التمام ده مش فى سهر 11 لان احنا ماخدنهوش فى المدرسة
يعنى ان شاء الله هتعرفى تحلى بس اطلعى عليها بس كدة

[*(amera)*]

المشاركة الأصلية كتبت بواسطة *تائبة فى رحاب الله*

تب حاولى تاخدى فكرة بس عن الدروس بتاعة المدرسة
على الاقل تعرفى تحلى وللعلم هى مش تنقص كتير فى اعمال السنة دانا اعرف
ان كل 30 درجة او 25 بيعملوا درجتين ونص فى اخر السنة
هو انتى واقفة عند انهى درس فى المجموعة
اصل الجبر كله زى بعضه كلها حاجات زى الدرس الاول
والنهايات يعنى فى اختلاف بسيط
وحساب المثلثات هو قانون الجيب وجيب التمام
وجيب التمام ده مش فى سهر 11 لان احنا ماخدنهوش فى المدرسة
يعنى ان شاء الله هتعرفى تحلى بس اطلعى عليها بس كدة

هحاول ان شاء الله
الجبر فى المجموعه لسه هندخل فى داله المقياس الحصه الجايه
وفى حساب المثلثات باقيلنا نص قانون الجيب
والتفاضل لسه ما اخدناش النظريه الرابعه

فى المدرسه فخلصنا الداله الكسريه جبر
وخلصنا نهايه الدوال المثلثه تفاضل
المدرسه لسه ما دخلناش فى حل المثلث

لاهو حساب المثلثات تمام
التفاضل خلصت النظريه الرابعه لوحدى
وهشوف وقت اكمل باقى الدروس بتاعته
الجبر ان شاء الله اشوفه

ماهو مافيش حل للاسف الا انى احاول اضغط ع نفسى واذاكرهم لوحدى

معلش تعبتك معايا

[222ahmed222]

يانهار اسود
داحن تقريباً لما كنا ف تانيه ثانوي خلصنا المنهج كله ف شهر واحد اصلا وقعدنا 5 شهور بنمتحن بس انا ماعرفش طبعا النظام بتاعكم الجديد دا ايه نظامه فمش هفتي بقى
لا بصي هو كدا بطيء
انا اصلا مبحبش تغيير المدرسين لأي سبب كان وعمري ما غيرت أي مدرس اخدت عنه من اول اولى ثانوي لحد تالته ثانوي هم هم نفس المدرسين بل إن مدرس الرياضه بتاعي اخدت معاه من تانيه اعدادي لتالته ثانوي
بس لطالما الموضوع بالشكل دا ممكن تكملي مع المستر دا وتاخدي مع واحد غيره يكون كويس
وتكملي مع المستر دا لحد ما يلحق الحته ال بدأتي فيها مع المستر التاني
وبعد كدا تكملي مع الجديد بس لوحده

[aleman]

ربنا يقويكى يارب