الغش حلال

[مسلمة22]

فتوي استغربت جدا لما سمعتها من الشيخ كشك رحمه الله

( نصيحة للمراقبين في الامتحانات للشيخ كشك )






بس بعدين صدقتها
لما عرفت الفرق بين فرض العين و فرض الكفاية في طلب العلم
و ان مش موجود في اي دين ان الواحد يخسر سنة من عمره عشان مش حافظ السنة اللي حصل فيها العدوان الثلاثي ، و لا يخسر سنة من عمره عشان مش عارف سعد زغلول اتولد سنة كام
ولا فرض علينا نحفظ التواريخ و الاسامي و الاماكن
كل ده مش فرض
من غشنا فليس منا لا تنطبق علي التعليم الحالي


امتي الواحد يخسر سنة من عمره دي لما يكون في التعليم المتخصص يعني التعليم من اجل الوظيفة ، يعني لو الواحد بقي جاهل حيضر غيره ، لكن التعليم اللي لا يهدف الي تعليم مهنة معينة فده باك جراوند او معلومات عامة مفروض يثاب علي فعلها ولا يعاقب تاركها


فرض الكفاية في العلم


http://184.173.178.250/library/67/3362.html

[ابونرمين]

المشاركة الأصلية كتبت بواسطة مسلمة22

فتوي استغربت جدا لما سمعتها من الشيخ كشك رحمه الله

( نصيحة للمراقبين في الامتحانات للشيخ كشك )






بس بعدين صدقتها
لما عرفت الفرق بين فرض العين و فرض الكفاية في طلب العلم
و ان مش موجود في اي دين ان الواحد يخسر سنة من عمره عشان مش حافظ السنة اللي حصل فيها العدوان الثلاثي ، و لا يخسر سنة من عمره عشان مش عارف سعد زغلول اتولد سنة كام
ولا فرض علينا نحفظ التواريخ و الاسامي و الاماكن
كل ده مش فرض
من غشنا فليس منا لا تنطبق علي التعليم الحالي


امتي الواحد يخسر سنة من عمره دي لما يكون في التعليم المتخصص يعني التعليم من اجل الوظيفة ، يعني لو الواحد بقي جاهل حيضر غيره ، لكن التعليم اللي لا يهدف الي تعليم مهنة معينة فده باك جراوند او معلومات عامة مفروض يثاب علي فعلها ولا يعاقب تاركها


فرض الكفاية في العلم


http://184.173.178.250/library/67/3362.html

ولماذا لا ننظر من الجانب الايجابي (أن الاهمال وعدم الاهتمام والجهل بالامور مدعاة لضياع فرص النجاح ) وعليه يستعد الانسان مهما كان مطلبه الي العمل والجد والبعد عن الكسل واللامبالاة ورفقاء السوء ,........ألخ من المعوقات ،

[مسلمة22]

ما هو الانسان مش جهاز تخزين ، المفروض ان الطالب يحفظ بس المواد اللي حيستخدمها في وظيفته ، اما بقية المواد فمفروض تتقري قراية من باب العلم بالشئ ، و يستخدم اسلوب التقييم البديل بدلا من رعب الامتحانات


طيب ما نوع من النجاح برضو ان الطفل يلعب عشان دى وظيفة الطفل في الدنيا انه يلعب ، وزارة التعليم مش بتعترف بالمووضع ده ، ممكن يبقي في تعليم داخل اللعب و ممارسة الرياضة المفيدة

[ابونرمين]

المشاركة الأصلية كتبت بواسطة مسلمة22

ما هو الانسان مش جهاز تخزين ، المفروض ان الطالب يحفظ بس المواد اللي حيستخدمها في وظيفته ، اما بقية المواد فمفروض تتقري قراية من باب العلم بالشئ ، و يستخدم اسلوب التقييم البديل بدلا من رعب الامتحانات


طيب ما نوع من النجاح برضو ان الطفل يلعب عشان دى وظيفة الطفل في الدنيا انه يلعب ، وزارة التعليم مش بتعترف بالمووضع ده ، ممكن يبقي في تعليم داخل اللعب و ممارسة الرياضة المفيدة

ليس باللعب وحدة ينجح الانسان ،انما تتعدد وسائل العمل ليعيش الانسان مثال (لاعب الكرة أضحي عمره في اللعب وعندما يوشك علي الاعتزال يسرع التفكير في مرحلة تأمين الحياة والمعيشة ،من أجبره علي هذا التوجه أنها خبرات التعلم السابقة

[مسلمة22]

على فكرة نفس الوظايف اللي كانت الحكومة بتطلب فيها بكالوريوس دلوقتي زمان كانوا بيشتغلوا بالثانوية العامة في نفس الوظايف و قبل كدة نفس الوظايف كانوا بيشتغلوها بالاعدادية و قبلها كانوا بيشتغلوا بالابتدائية


بس اهي الحكومة بتزود سنوات تعليم علي الطالب عشان تقرفه و خلاص

[عبود سعيد]

ومانيل المطالب بالتمنى ولكن تؤخذ الدنيا غلابا

[مسلمة22]

طيب و لما تكون المطالب دي سهل الحصول عليها ، و بعدين تيجي الحكومة تحط ليك 1000 عقبة و تقولك عدي كل الحواجز دي عشان توصل لأمنيتك ، يبقي هي الحكومة بقي عايزة تقرف الطلبة


يعني موظف في البنك شغلته تديله الشيك و بعدين يصرفلك الفلوس ايه دخل ده بدراسة و حفظ 4 سنين و قبلهم دراسة 14 سنة كمان ، ده كمان اذا لقي شغل في بنك لو مشتغلش سواق ميكروباص ولا بياع ، خريج الاثار بيشتغل مرافق للمجموعات السياحية يدلهم حيروحوا فين و يسمع ليهم الكلمتين اللي حافظهم عن الكام معبد ، ايه دخل ده بحفظ 4 سنين

[ابونرمين]

طيب والحكومة هتعمل أيه ولا أيه دا 90 مليون منهم 17 مليون طالب وطالبة كل صباح يخرجون للذهاب لمدارسهم ، في الدول الاجنبية البناء يبدأ من الاسرة وينتهي عند الحكومةوهي تقوم بالباقي ، وعندنا عاوزين الحكومة تعمل كل شيء وأحنا فقط ننقد ونعيب ،والعيب فينا

[مسلمة22]

و هو مين اصلا عايز من وش الحكومة حاجة هي اللي فارضة سلطتها بالعافية علي الطلبة و علي اولياء الامور


الحكومة لو سمحت بقانون يبيح التعليم المنزلي محدش حيعتب المدارس بتاعتها


الحكومة لو سمحت بمدارس خاصة لها حرية اختيار المناهج و عدد سنوات الدراسة ، حنلاقي عباقرة و علماء و في زمن وجيز ممكن اقل من تلت سنوات الدراسة في التعليم الحالي

[مسلمة22]

و بعدين في قانون غريب من ضمن حزمة قوانين قراقوش بتاعة وزارة التعليم


ان الطالب لو سقط في مادة يعيد السنة كلها بكل المواد ، ده عين الظلم


و لا القانون ده ضوء اخضر لأدراة المدرسة ان عليكم انكم تنجحوا طلبة الملاحق بأي طريقة و كفاية عليهم ان خدوا فترة تأديب شهر مذاكرة في وقت الاجازة

[MR.Ahmed Abd Allah]

لالالالالالالالالالالالالا المووضوووع كبيييييييييييييييير

[مسلمة22]

هو فعلا المووضع كبير و المووضع في منتهي الخطورة


اتمني تغييير اسم الموضوع الي


الغش حلال ( في ظل النظام الحالي )


عشان متبقاش الكلمة كدة علي اطلاقها ، طيب ما المشكلة ان الطالب ده في سن تكوين و بناء شخصيته و هو لو اتعود علي الغش عشان النظام التعليمي فاسد خلاص ما هو بعد كدة ممكن مش يفرق و يبقي الغش ده خلاص صفة من صفاته



اكبر دليل بس علي ان الغش حلال لو ادينا ورقة الاسئلة للملاحظ اللي قاعد بيراقب الطالب ، يا تري المراقب ده حيعرف يحل الورقة ، حيعرف ينجح فيها ، بالتأكيد لأ ، عشان كل واحد مفروض يفهم في شغله و بس ، الا الطالب اللي مفروض يفهم و يحفظ 10 مواد في السنة و محدش يعرف المواد دي ايه صلتها بحياة الطالب حتفيده بأيه في مستقبله ، لو ادينا ورقة الاسئلة نفسها لخبراء التعليم و لواضعي الاسئلة بس ميكونش في تخصصهم يا تري حيعرفوا يجاولوا ، لو ادينها لوزير التعليم نفسه يا تري حيعرف يجاوب و حيبقي حافظ الاجابات

[MARRON-5]

نعم
الغش حلال!!!!!
اذن فال****** حلال
وال*** حلال
والسرقة حلال
والتحرش حلال

يا استاذة (مسلمة22)
شخص اجتهد وحفظ وفهم المعلومات طول السنة مذاكرة مع العلم ان ذاكرته ضعيفة وشخص تانى ذاكرته ضعيفة يتساوى الاثنان؟

حضرتك تقبلى تكونى تعبانة ف معلومة وفجاة ياخدها منك شخص لا ذاكر ولا تعب؟
اكيد مش حتكونى مبسوطة

بلاش يكون لكل حاجة غلط مبرر
لان كده يكون
ال*** حلال...........لان حرام نحكم ع شخص من لحظة غضب وانفعال؟!!!!!!!
والسرقة حلال............يعنى نعمل ايه لو مفيش شغل؟؟؟؟؟؟؟!!!!!
والتحرش وال****** حلال.............ظروف البلد وحالة الشباب

ليه مش بنفكر ف الطرف الاخر
اهل المقتول وحرق قلبهم وعياله اليتامى وزوجته الارملة وحالتهم بعد موته
ابوه وامه واصحابه
مستقبل عياله ياكلو منين؟

وقيسى ع كده باقى الامثلة
طبعا الغش حرام
مالنا احنا بتحديد المستقبل
ده اسمه توفيق ربنا


حضرتك انا حصل معايا موقف ف الثانوية العامة ونسيت 5 نقط ف امتحان الكيميا من التوتر
كان ممكن اغشهم
ادخل النار واسرق معلومة حد تانى
مش حكون راضية عن نفسى
واكون دكتورة غشاشة ما استحقش واسقط من نظر نفسى


اذا كنت نسيت معلومة ده قدر ماليش فيه دخل
وشخص تانى افتكرها برده قدر ربنا

(وما توفيقى الا بالله عليه توكلت واليه انيب)

[أ/رضا عطيه]

لماذا لاتناقش هذه الموضوعات بموضوعية

ولماذا تقتصر على عددقليل من الزملاء

العنوان فهم خطأ

والموضوع فى طياته عشرات الموضوعات الهامة

أولهما : المناهج التى تخاطب عقل ابن ارقى الأحياء كما تخاطب بن القرية المعزولة فى موضوع واحد

فكم من موضوعات تعرضها على أيهما فتجده فى ثبات تام لأنه مطالب أن تمده بالمجهول فكريا وبيئيا

ثانيهما : حين يضطر طفل العاشرة أن يحفظ لوغاريتمات غريبة مثل (منتوحتب الأول - حتشبسوت - سقنن رع - هيروغليفية -- حتحوت - حتحور - رع --- وغيرها )
يبث دين الفراعنة وعقائدهم فى قلوب أطفال على الدرجة الأولى من سلم تكوين العقيدة لديهم

والموضوعات كثيرة وأظن الموضوع الثانى إذا لم يفزعنا

فعفوا أيها السادة

نرجو إعادة النظر فى الأمر

فالغش لم يكن أبدا بمطلقه كما نعلمه أو المقصود بالغش فى الإمتحانات وفقط

ولكن أخطر أنواع الغش هو مافى مناهجنا

وها أنا اجتهدت على قدى فى مادتى

فليتنا نجتهد فى ابراز كل وسائل الغش المشابهة فى مناهج المواد الأخرى

ولنا عوده فى هذا الموضوع بأمر الله تعالى

جزاكم الله خيرا جميعا

[seeen]

فيه فرق بين الحكم وبين الفتوى
حكم الغش انه حرام قطعا بلا جدال فالنص فيها قاطع
أما فكرة الغش فى الامتحان فههنا تكون الفتوى فقد تجوز لظروف ما تقدر بقدرها لكن يبقى الحكم ان الغش حرام

اما مسالة الغش فى الامتحانات فلعل الأقرب للصواب انها فى المجمل حرام وقد يستثنى بعض الحالات كطالب مرض قبل الامتحانات أو مسافر رجع قريبا من الامتحانات أو اى ظروف تقدر بقدرها أما فتح الموضوع على المشاع فهذا يخل بمبدأ العدالة بين الطلاب والله أعلم