قصه سندريلا 2012

[ياسمين نصار]

قصه سندريلا 2012

تدخل مرات الاب على سيندريلا في الدولاب الي بتنام فيه
مرات الاب : بت يا سندريلا اصحى يا بت كاك خابط فى نفوخك ......
سندريلا : اييييه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش
مرات الاب : رايحين حفله الامييير اللى هيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى كتك القرف وتروحى فين يا ختي بلبسك المهرول ده انا عايزه ارجع الاقى البيت بيبرق من نضافته
ومشيت مرات الاب وبناتهاالخمسة وقعدت سندريلا تعيـط وتوأوأ وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتيليه بتاع مدام لولو يبعتو فستان وجزمه اخر موديـل فرحت سندريلا ولبست وحطت الايشادو و الجليتور ورشت البرفان بس الساحره قالتلها : قدامك للساعه 12 لازم ترجعى ........... انا صعيديه ودمى حامى ومعنديش بنات تتأخر و لو اتأخرتى هترجعى زى ما كنتى بلبسك القديم وسط الناس يامعفنة انتى بت بيئة صح
سندريلا : حاضر حاضر اما ساحره زبالة صحيح
سندريلا من البيت لقت الساحره مجهزة عربية هوندا ركبت سندريلا وراحت ع القصـر ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت نظرات ... همسات .... صمــت ........ حــــب ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12 وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام واكتب الى صاحبه هذه الجزمه التوجه للقصـر الملكــى فوراااااااااا

بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه ) وبعد كده شاهدت سندريلا الاعلان عن فرده الجزمه على ام بى سى تو مع انه معملش اعلان خالص على القناة دى وقامت بالتوجه الى القصر وتزوجت هى والامير وعاشو فى تبات ونبات و خلفو عشر توائم وشويه بنات والحياة بقت بمبى بمبى

[فيض خاطري]

قصة جميلة
اشكرك على الموضوع

[مريم السباعى.]

والله العظيم مت من الضحك بجد
تسلمى يا قمرررررررررى

[ياسمين نصار]

المشاركة الأصلية كتبت بواسطة salwakamal

قصة جميلة
اشكرك على الموضوع

الشكر لله...نورتى بمرورك العطر هذا

[ياسمين نصار]

المشاركة الأصلية كتبت بواسطة مريم السباعى.

والله العظيم مت من الضحك بجد
تسلمى يا قمرررررررررى

ربنا يخليكى...نورتى

[yasoo alaa]

هههههههههههههههههه
أجمل قصه قرأتها لسندريلا
شكرا على القصه الجامده دى

[~ Smile 4 Life ~]

عسل عسل يا ياسمينة
والله تهلك من الضحك
شكرا يا حبيبتي

[M..osama]

هههههههههههههههههههه

تداخلات ماضى فى حاضر مرح لطيف جدا

((خد الجزمه دى اسحبلى صورتها اسكانر و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام))

ونسى الوزير هيثم نشر الصورة على الفيس
وطالب أعضاء الفيس الأمير بخلع الوزير

سلمت يداك اختنا الفاضلة ياسمين ومحرمنا الله من مرحك اللطيف