مساعده طالب مطحوووووون 2

[mohamed arafa]

بسم الله الرحمن الرحيم

يا جماعه انا علمى رياضه وجايب 380.5 والتنسيق ودانى تجاره بنى سويف وقدمت انجليزى وان شاء الله هقبل

المشكله انى مش حابب تجاره لانى كنت ناوى على هندسه وانا فى المواد العلميه درجاتى كويسه بس للاسف العربى نقصنى كتيـــــــــــــــر 12 درجه وهو ده الى خلانى ملحقش هندسه

دلوقتى انا امكانياتى الماديه متسمحش غير انى احول لمعهد ف حدود 8000 جنيه ف السنه وانا بفكر ف المعهد العالى للهندسه المعماريه ب 6 اكتوبر او ثقافه وعلوم والاثنين متسجلين ف النقابه وشهادتهم معادله

دلوقتى ايه ارائكم ؟؟ اكمل فى تجاره انجليزى بنى سويف ولا احول ولاحد من المعاهد دى ومين فيهم الاحسن ؟؟؟ وهل هلاقى فرص شغل كويسه لما اتخرج منهم بتقدير ميقلش عن جيد ؟؟؟

[المحب لله]

انا والله كنت نفس مشكلتك دى ورحت فعلا وحولت تجاره انجليزى بس تانى يوم من التحويل رجعت فى راى و رحت معهد فنى سنتين والحمد لله ربنا كرمنى ودخلت هندسه ودلوقت 2 قسم بص نصيحه منى لو بتحب تجازف خش معهد سنتين ولو ليك نصيب فيها حتجيلك ولو انى انصحك تجاره انجليزى جميله جدا وشغلها كويس والله ولو فى امكانيه للمعاهد التانيه بتاعه هندسه دى بس اغلبها مبيبقاش متسجل فى النقابه فروح اسال الاول عن المعهد فى النقابه فانت صلى استخاره وربنا يوفقك

[sameh mostafa]

ادخل معهد فنى صناعى وان شاء الله تدخل كلية الهندسة وليك ميزة انك لا قدر مجبتش مجموع هندسة فى المعهد بتعمل معادلة لمدة شهرين (رياضة_فيزياء) وبرضه تدخل كلية الهندسة وان شاء الله مش هتحتاج للمعادلة
.................... زى ما قال العضو القدير لو بتحب تجازف