ساعدونى عشان مش عارفه حاجه من فضلكم هموت بجد

[noor2013]

انا عايزه اعرف معاهد العلوم الحاسب اللى تقبلنى او اى حاجه اقدر منها ابقى مصممه انا بحب الفوتوشوب اوى وبعرف عليه كتير من زمان بس المشكله ان مجموعى 55% علمي رياضه وانا لعبت كتير مش عارفه اعمل ايه وبجد هموت لو دخلت حاجه غير مجال الكمبيوتر "علوم حاسب" ياريت تنصحوني اعمل ايه فى ناس بتقولي ادخل ثانوية تاني واذاكر بس مش عارفه ينفع ولا لا ومش عارفه اى معاهد ولا اى حاجه ارجوكم محتاجه حد يحط نفسه مكانى ويساعدني بكل التفاصيل وهفضل معاه لحد مانوصل لحل

اى حد هيساعدنى هكون مشكوره ليه اوى وجزاكم الله خيرا

[محجدى]

حبيبتى تابعتى المتاح ليكى على موقع اليوم السابع ادخلى اى حاجه قريبة وخدى كورسات ولا داعى للموت ما دام نقدر نعوض

[miss shado]

لا طبعا مفيش حاجه اسمها تدخلي الثانوية وتذاكري تاني ,,,, بيتهيألي اتلغى الموضوع ده

وانا بصراحة مشوفتش معهد علوم حاسب بياخد من 55%

بس ممكن تشوفي الجامعات اللي هيا برا التنسيق زي البريطانية والكندية

اعتقد دول مش بيركزوا مع المجاميع اوي ,,\

وربنا معاكي ,, مفيش داعي بقا لليأس ده ,, ان شاء الله ربنا يكتبلك الخير

[Eng.Mo'men]

ماينفعش تخشي علوم حاسب بالمجموع دا
عندك 3 حلول:-
1-تعيدي الثانوية العامة بس دا حل صعب اوي .
2-تدخلي نظم معلومات ادارية بس دي حاجة تانية غير علوم حاسب خالص بس فيها كمبيوتر .
3-تدخلي جامعة خاصة خارج التنسيق .
وبالتوفيق يا نور ان شاء الله

[دكتورة/نورهان]

متالئيش كدة محلولة عندك جامعة 6 اكتوبر ومصر من 55 فى المية بلظبط علوم حاسب واعتقد فى حدود 10 الاف وكمان ساعات بياخدوا طلبة تحت النسب يعنى متقلقيش خالص يا جميل دة رقم الجامعة 16704 دى اكتوبر ومصر للعلوم 16111 دى واتصلى وهتعرفى ومتنسيش تطمنينى فى اماكن فيهم ان شاء الله ماشى يا قمر اطمنى كدة

[noor2013]

بجد مش عارفه مش عارفه :'(
miss shado
طب اعمل ايه مفهمتش

Eng.Mo'men
طب ممكن توضحلي تفاصيل شوية معلش معنديش صاحبات كتير يفهموا فى ده اعرف منهم


دكتورة/نورهان
شكرا بجد انتى ريحتيني شوية ياريت تخليكي معايا انا هتصل بيهم بكره عشان اكيد دلوقتى محدش هيرد
بكره هرد باللى عملتو شكرا كتير :'(

[Eng.Mo'men]

انسب حل ليكي الجامعة الخاصة زي ما دكتورة نورهان قالت .

[noor2013]

اتصلت بجامعة اكتوبر المجموع 65 والعدد مكتمل

[noor2013]

مفيش
انا قررت انتحر محدش يرد وياريت الموضوع يتقفل عشان هكسر الكمبيوتر بعد الرد ده
ياريت يتحذف كمان

[miss shado]

جربي جامعة مصر ,,,

او زي ما قلتلك شوفي الجامعات اللي برا التنسيق

وكمان شوفي جامعة الاهرام الكندية دي على حسب معلوماتي ملهاش مجموع

[دكتورة/نورهان]

المشاركة الأصلية كتبت بواسطة noor2013

مفيش
انا قررت انتحر محدش يرد وياريت الموضوع يتقفل عشان هكسر الكمبيوتر بعد الرد ده
ياريت يتحذف كمان

نور حبيبتى هل انتى عايزو تنتحرى لمجررد انك ملقتيش كلية عيب هتسيبى الم الدنيا علشان تروحى لالم الاخرة بصى انتى حاولى روحى كذا جامعة واسالى فى جامعات ملهاش تنسيق شوفى اتعبى هتلاقى وبعدين وعسى ان تكرهوا شيئا وهو خيرا لكم وعسى ان تحبوا شيئا وهو شرا لكم يعنى الخيرة فيما اختارة الله انتى متعرفيش ربنا مخبيى اية ولنفترض انك ملقتيش جامعة ودخلتى اى حاجة ملهاش اى علاقة بلكمبيوتر عادى فى كورسات بتتاخد كفيلة انها تشغلك فى افضل مراكز زى دبلومة الجرافيك من المركز الثقافى الروسى واشياء كتير تفائلوا بلخير تجدوة حاولى حاولى هتلاقى ان شاء الله ارجوكى طمنينى عليكى وقليلى هتعملى اية يمكن اققدر اساعدك انا هتصلك بكرة بكذة جامعة وهعرفلك كل حاجة وهقلك وان شاء الله الاقى ليكى حاجة اطمنى وصلى وادهى وثقى وقولى يارب عارفة انك مش هتخذلنى ولو خذلتنى فى رغبتى فانت هتتدينى الافضل والخير ربنا يوفقك يارب

[aplayer]

أنا نفس نظامك بالضبط جبت %62 وكان نفسي ادخل علوم حاسب بس مجموعي مجبهاش

كلمت كل الجامعات الخاصة في مصر كلهم بيقبلوا من 65-70% حتي المعاهد والاكاديميات نفس النظام.

لحد امبارح قدمت في Information System وهي باختصار انكي بتدرس 60% مواد ليها علاقة بالكمبيوتر والبرمجة الخاصة بقواعد البيانات والانترنت تصميم وبرمجة المواقع والـ 40% مواد ادارية.

اي سؤال انا جاهز

[noor2013]

..................

[أبو الدكتور]

فى حاسبات خاص فى عين شمس الى هيا الجامعة المصرية للتعليم الالكترونى ب 11 الف

[أبو الدكتور]

•مركزعين شمس: جامعة عين شمس، المقر الرئيسي لجامعة عين شمس، كلية الحاسبات والمعلومات، بجوار كلية العلوم