|
#1
05-09-2012, 07:03 PM
|
|||
|
|||
أتجوز أجنبيه وخليها تسلم احسن ما تتجوز مصريه وتخليك تكفر
مقوله بتتناولها الشباب المصرى على الفيس بوك
اتجوز أجنبيه وخليها تسلم أحسن ما تتجوز مصريه وتخليك تكفر ـــــــــــــــــــــــــــــــــــــــــ لما توصل للشباب بالشكل ده . بيعنى اننا قدام كارثه حقيقيه والاغرب انها بدون معالجه بل وبتذداد بشكل مرعب يوميا ونسب الطلاق وصلت للسماوات بين حتى المتجوزين حديثا يعنى بتشيل الشوال بعد شهر العسل وبتفشل فشل زريع وبتترمى جمب امها . تفشت قوى الحكايات دى بشكل مثير للدهشه الحقيقه ياترى ايه الاسباب والدوافع ____________________ الطبيعى ان واحد يرد يقول ان سببه سقوط الوازع الدينى . ده كلام عبيط وكده بيسوق الهبل فى الجبل وخلاص . لان الاجانب الكفرة جوازاتهم ناجحه بشكل رائع جدا . وحتى جوازات المصريين انفسهم من اجنبيات أثبت نجاحه بشكل مبهر جدا . والسؤال هنا ليه الاجنبيه بتحافظ على بيتها واولادها وبتهتم بيهم بشكل جميل قوى وبطلعهم فى اجمل الصور وانقاها ؟ عكس المصريه تماما . ممكن ترميلك العيال وتمشى والناس تصفق ليها . وكل شويه تترك البيت وتمشى واهلها يفتحولها المجال لده . ونجيب رجاله ونصلح ونرجع لنقطه الصفر وهكذا ممكن يكون السبب لفرعنه المصريه هى قوانين الهانم ؟ بالطبع احنا قدام فرعنه مصريات ليس لها مثيل فى العالم باثره واعتقد انها وصلت للكل دلوقتى وكتير من الناس هجرت فكرة او تراجعت عن انها تتزوج مصريه وبالفعل اتجوزوا اجانب وناجحين جدا وعايشه معاه على الحلوة والمرة ومبسوطه وعشرين قراط كمان وعشان نحل المشكله دى من الاخر يعنى يبقى الاتجاه للسفارات هو البديل وهو الحل هتلاقى الصينيه بباكوا . تدفع الباكو وتشيل ياريس . ولو دفعت باكو ونص ممكن تاخد اتنين وعليهم كمان واحده هديه او عليهم خلاط او مكوة بخاريه ناس عاوزة تعيش بجد . مش ناس عاوزة تندب ومدربه على الندب بصور واشكال اضرب غطس على السفارة الصوماليه هتجيب منها ما لذ وطاب وفوكك ونفض يعنى نصيحه لوجه الله للشباب من اخوكو حـيرم لان الامل معدوم والحلول نفذت معاهم اتجوز اجنبيه وخليها تسلم أفضل ما تتجوز مصريه تخليك تكفر 
|
|
#2
05-09-2012, 08:43 PM
|
|||
|
|||
|
ههههههههههههههههههههههههههه
|
|
#3
05-09-2012, 08:43 PM
|
|||
|
|||
|
اقتباس:
|
|
#4
05-09-2012, 08:47 PM
|
||||
|
||||
|
مش كل الناس كده يعنى
فى ناس متزوجة وسعيدة بس برضو دول مش كتير الايام دى بس المشكلة فى الاول والاخر هى مشكلة تربية وفكر وثقافة يعنى لو البنت اتربت صح واهلها فهموها الحاية الزوجية تبقى ازاى وكذلك الولد لو اتربى صح وطلع متحمل المسئولية من صغره هيعرف يدير بيته ازاى مش يكون بتاع بابا وماما وهى تفتكر نفسها هتعيش زى ما كانت عايشة فى بيت اهلها وفى نقطة تاينة انت لما بتجوز اجنبيه مش بتدفع دم قلبك علشان تجوزها بالعكس باقل شئ لان ده زواج مش رايح اشترى حاجة لكن هنا فى مصر لازم يطلع عينك لحد ما توصل ليوم الفرح ومشاكل والمهر والقايمة وحاجات كتير وربنا يهدى شكررا على الموضوع الجميل
__________________
|
|
#5
05-09-2012, 08:59 PM
|
||||
|
||||
|
اقتباس:
ولا أقولك شوف حد من الكفرة شكلك معجب بيهم ((( لان الاجانب الكفرة جوازاتهم ناجحه بشكل رائع جدا .))) دا كلامك . .
|
|
#6
05-09-2012, 09:09 PM
|
||||
|
||||
|
اقتباس:
اعتقد مش شرط ان الاجنبية تكون من اوروبا ممكن تكون من دولة عربية تانية
__________________
|
|
#7
06-09-2012, 01:10 AM
|
|||
|
|||
|
اقتباس:
رآى محترم الحقيقه ومش مجامل بس انا عاوز اجيب من الدواسه اكتر . من الاخر يعنى هنضيف بقى المؤامرات ال هى من اول يوم يدخل فيه عريس الغفله زى ما بيسموه هما انفسهم الحكايه بتخش فى ايطار الاصطناع اكتر من ناحيه العروسه . بمعنى انها مش بتتعامل بطبيعتها ابدا واهلها كمان بيتعاملوا بنفس الشكل مع عريس الغفله . برده بمنظور اصطناعى عمها الللواء زعبله . وخالها العقيد شردوحه . وابن عمها رجل الاعمال نخنوخ . وقريبه كل من المهم بتخش فى مدخل ان البنت دى لقطه ومن عيله ودى ال بيركزوا عليه قوى الحقيقه وغالبيه الحركات دى بتكون كذب واذا صحت مبيكونشى ليهم اى علاقه بيهم اصلا بيتقدم للعريس احلى الوجبات بما فيها اللحوم باشكالها واطباق الفاكهه الطازه يعنى البرتقال مثلا يتقدم ليك بشكل زهرة اللوتس . بس لما بتكتب الكتاب انته ال بتقشره لانهم بيدوك سكينه تأشره بنفسك يومين كده ويختفى خالص من اساسه ومن ثم العزومات والحركات دى كلها بتختفى وممكن تقضيها جبنه قديمه مع شويه سريس بعد كده وبعدها بيبدء الوش التانى . عاوزين وعاوزين وهات وهات لما يجيبولك الهتهات وفى كتابه القايمه ام قرش بينكتب بعشرة . ده غير المؤخر غير الل والل وهكذا يعنى احنا داخليين على صيده مش جوازة بالله عليك هل ممكن تستمر الزيجه دى طالما بدأت بالشكل ده . بالطبع بتنتهى فى اسرع وقت . لانها بتموت بعد شهر العسل فى السيطره على الراجل بكل الصور والاشكال وده بيكون هدف من اهدافها ولا تتنازل عنه ابدا . منهم ال بيقبل مرغم عشان محاكم الهانم وقوانينها ومنهم ال بيرميها فى الشارع تروح تعد جمب امها . فى راجل بيقبل ينفض البطاطين فى الدور الرابع . وراجل بينفضها هى من الدور الرابع . ومن هنا بقى بتبدء مرحله اخرى فى البحث عن زيجه اخرى للطرفين وهكذا وياسلام بقى لو زعلت بتجيب من ليله الدخله عدل وتفرش الملايه فى ثانيه بعد ما كانت بتخر ادب واحترام وخجل . والنهايه معروفه بالطبع مش كل الناس كده . والتعميم خطأ فى اى مسئله ايا ان كانت . بس الغالبيه العظمى اصبحت بالشكل ده لدرجه انها اصبحت ظاهرة وصلت لفئه عريضه من المجتمع وكأننا داخليين على تربص مش داخليين على موده ورحمه وعيشه استقرار وده مش تحريض على المصريات بقدر ما هو ناقوس للخطر ال هما مش حاسيين بيه وإلا هتحل محلها الروسيات والصينيات والجوزات دى بالفعل ناجحه جدا الحقيقه وقد اعزر من فنشر
|
|
#8
06-09-2012, 01:16 AM
|
|||
|
|||
|
اقتباس:
ده مش كلامى انا ده كلام التيارات المتأسلمه ال على الساحه دائما يوصفوا الغرب انه كفره . وعلى النقيض بيتمنوا انهم يوصولوا ليهم وبيدفعوا دم قلبهم عشان يخدوا ***ياتهم او العمل عندهم . واعلب المصريين كده على فكرة يعنى واحد يقولك امريكا هى العدو . وحلم من احلامه الهجرة ليها مع الرغم انها كانت قبل الهجرة كانت اكبر عدو ناس لاسعه يعنى
|
|
#9
06-09-2012, 01:23 AM
|
|||
|
|||
|
والله انت هتشلنى هههههههههههه يعنى هما الغرب مش كفرة وهيترموا فى نارؤ جهنم لا اله الا انت سبحانك انى كنت من الظالمين ربنا يهديك
|
|
#10
06-09-2012, 08:35 AM
|
|||
|
|||
|
يا أخى الكريم .....الموضوع يرجع فى أساسه لأختيار الرجل السليم فأغلب الشباب يبحثون عن شئ وااحد الجمال فقط
ويختار بنتا تسقيه المر بملعقه كما يقولون ........وأنا لست ضد الجمال ولكن لأبد أن يكون بجانب الأدب والأخلاق وبنات الأصول كما يقولون ..........وبعدنا عن المنهج الإسلامى فى الزواج هو السبب الرئيسى فى الطلاق ...فلو الرجل عامل زوجته كما يأمره الدين .وكذلك البنت وأهلها لو تعاملوا بالدين لأصبح الزواج مباركا ..أما اليوم فنحن نبدا أول أيام الزواج بمعصية الله دى جى ورقص وأمور ما أنزل الله بها من سلطان بحجة الفرحه وكده .ولذلك تكون النتيجة كما ترى
|
|
#11
06-09-2012, 10:15 AM
|
|||
|
|||
|
اقتباس:
حضرتك بتقول كل الطلبات اللى بتعجز الشباب و علشان كده بيتجهوا للزواج من اجنبية كل ده علشان احنا بعدنا عن الدين و الشرع و بقى همنا بس نعمل الاصول و الشكليات الدين ماقالشى ان البنت او العروسة تجيب حاجة فى بيت الزوجية و ان العريس ملزم يدفع لها مهر خاص بيها و ملكها نيجى للواقع العريس يدخل نافش ريشة انه راجل فى الاول و ناوى يعبر بنتكم و يتمنظر انه جايب شقة او يجيبها قانون جديد و ممكن يدبس اهل العروسة فى كل العفش و الجهاز و يمكن يساعدوه كمان فى توضيب الشقة و ان جاب شبكة يبقى فضل و نعمة و طبعا ما فيش حاجة اسمها مهر كفاية الشقة اللى جابها و طبعا اهل العروسة بيدفعوا دم قلبهم علشان يفرحوا ببنتهم و يجيبوا احسن حاجة ليها و يا ريت بتعجب العريس و لا اهله و طبعا بيطلبوا كتابة قايمة و مؤخر قصاد المهر اللى هو حق العروسة شرعا و الحاجات اللى دفعوا دم قلبهم فيها . اما بالنسبة للاجنبية اراهنك مابتجيب حاجة فى عش الزوجية و بتيجى بهدومها و طبعا العريس او الزوج فى الحالة دى بيبقى ملزم بمصاريفها من الالف للياء و يديها مصروف لكن لو متزوج مصرية هى ملزمة تشارك فى مصاريف البيت و انسى ان يكون لها مصروف و كمان لو قصرت يفرج عليها امة لا اله الا الله طيب مانمشى على الشرع من الاول و الرسول قال من استطاع منكم الباءة فليتززووج يعنى اللى معاه يقوم بكل اللى عليه و يحتسب اللى بيعمله انه لوجه الله بنية انه يعف نفسه و يعمل اسرة توحد الله و تعينه فى امر دينه و دنيته و ترعاه فى كبره و حقيقى لو بالنية دى ربنا بيعين و ييسر كل حاجة لكن للاسف العريس بيبقى داخل على انها تجارة و عايز يمص دم العروسة و اهلها لاخر قطرة و كمان العروسة و اهلها بيبقوا ساعات كده ربنا يهدينا للصالح بس صدقنى الزواج من اجنبية مش الحل و الطبع غلاب اللى طول عمرها متعودة على الانفتاح و السيبان صعب انها تتاقلم على الحياة الشرقية و الانفصال للاسف بيبقى هو النهاية المحتومة و الاولاد هما اللى بيتعبوا فى الاخر و و الله الكلام ده انا شفته فى واحد من قرايبى ربنا يرزقنا جميعا الازواج الصالحين و يرزق الشباب بالزوجات الصالحات
|
|
#12
06-09-2012, 10:20 AM
|
|||
|
|||
|
اهم سبب هو غياب الوازع الدينى عن الاسرة .. لان الدين الاسلامى بيربى اللى زيى حالاتك وزيى حالاتى ..!
فلو انت مش رزقك ربنا بتربية اسلامية صحيحة بتتطلع شخص متطرف الفكر .. ياخذ من الغرب الكافر دون النظر الى اصوله الحقيقية .. التى شرفت العالم وبنت اعظم الحضارات .. هل تعلم ان هناك حديث للرسول " اذا اتاكم من ترضون خلقه ودينه فزوجوه " .. ولم يقل من ترضون ماله ولا ارصدته .. لان الخلق باقى والمال راحل .. ولايمنع ان يكون العريس مقتدر ومستطيع لايتنافوا مع بعض .. ..وهل تعلم ان هناك من تزوج ببعض السور القصيرة ع عهد الرسول بدون اى شىء اخر .. .. وبتضرب امثلة باللى بيخلفوا قبل الجواز اصلا .. الغرب الكافر ..  آخر تعديل بواسطة عاشق البلانكو الابيض ، 06-09-2012 الساعة 12:25 PM
|
|
#13
06-09-2012, 10:35 AM
|
||||
|
||||
|
اقتباس:
فى الحديث " فاظفر بذات الدين تربت يداك " وايضا " اذا جاءكم من ترضون دينه وخلقه فزوجوه ..." ده كلام الرسول المعصوم من الخطأ يبقى لما واحد يقول ان اى مشكلة سببها ضعف الوازع الدينى لازم يكون كلامه صح بالاضافة الى اسباب اخرى سواء اجتماعية او اقتصادية او غيرها ___ أما الأجانب الكفرة اللى بتقول ان جوازاتهم ناجحة هنا لغة الارقام هى التى تثبت صحة أو خطأ هذا الكلام بريطانيا تحتل المركز الأول فى نسبة الطلاق بالعالم http://www.youm7.com/News.asp?NewsID=651310 مجلة الطلاق وهي مجلة متخصصة في شؤون الطلاق تعطي هذه الاحصائية حول اعلى نسب الطلاق في العالم مرتبة حسب الدولة في هذه الاحصائية تتربع روسيا البيضاء وروسيا و السويد وغيرها من الدول الغربية بالنسب الاعلى عالميا في تعداد حالات الطلاق … Belarus 68 % Russian Federation 65 % Sweden 64 % Latvia 63 % Ukraine 63 % Czech Republic 61 % Belgium 56 % Finland 56 % Lithuania 55 % United Kingdom 53 % Moldova 52 % United States 49 % Hungary 46 % Canada 45 % Norway 43 % France 43 % Germany 41 % Netherlands 41 % Switzerland 40 % ورغم تزايد معدل الطلاق فى مصر فى الفترة الأخيرة الا أن كل ذلك لم يصل الى مثل هذه النسب فى الدول الاجنبية رغم حرمة الطلاق عند بعضهم
__________________
 اللهم احفظ مصر من كل سوء
آخر تعديل بواسطة modym2020 ، 06-09-2012 الساعة 01:30 PM
|
|
#14
06-09-2012, 12:09 PM
|
|||
|
|||
|
اقتباس:
خلاص يبقى تقبلوا بامكانيات العريس و مش من حق البنت تجيب حاجه اصلا البنت بتجيب جهاز وبتكلف اهلها اكتر من طاقتهم على اساس ان ده عرف مش دين وال زى الناس مبيتعبشى . خلاص احنا ارتضينا العرف يبقى منكلمشى فيه وبصفه خاصه ان العريس لم يطلب منها الحجات دى خالص . هى ال بتجيبها اصلا . وبتجيبها على اساس انها رشوة او ظنا منها انها جايبه وجايبه وتكون فرصتها فى الجواز اكتر من غيرها . يبقى البنت جايبه الحجات دى ليها هى مش لحد . تماما كده السؤال هنا بقى وده الاهم هل البنت قدرت تعب اهلها فى الحصول على جهازها بالشكل ده عشان يستروها وممكن كمان اهلها تندين عشان تجوزها ويكون ليها بيت واولاد وتعيش حياتها بالشكل ال يرضى ربنا ويرضى جوزها . ؟ الغالبيه العظمى منهم مبيقدروش ده وبتبدء تتنطط على الزوج وتقرفه فى عيشته بالمساواة ال ابتلينا بيها دى ولازم كلامها ال يمشى ياكده يامحكمه الاسرة التهديد المستمر للزوج وفى النهايه بتفشل وبتلجىء الى المحاكم لتأديب الزوج وبتاخد قرشين ممكن ينصرفوا منها فى ساعتها وتعد جمب امها الى اجل غير مسمى وبتكون عبىء على البيت وعلى اهلها وفى ناس تانيه بتقدر ان الجواز موده ورحمه وتوافق واسرة وتربيه اولاد ورساله . فتعيش تحت اى ظرف واى امكانيات لكن نسبه الطلاق توصل للسماوات بالشكل ده يبقى اكيد فى حاجه غلط ولازم تراجع حسابتها يبقى الاجنبيه هنا تكسب
|
|
#15
06-09-2012, 12:12 PM
|
|||
|
|||
|
اقتباس:
كلام معقول وزى الفل . ومحدش يزعل من الاصول وال بيزعلوا من الاصول بيشيلوا الشوال
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 03:20 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
