علوم اصعب من طب وصيدله

[sala]

علوم اصعب من طب وصيدله ..>> مقوله بيقولوهالى ناس وتيجى ناس تانيه تنفيها وتقول (ايه الهبل ده لا طبعا احنا ارحم منهم ) ..بجد انا اتشتت خالص ..

ماهو بصراحه بقى لو كانت المقوله صح مينفعش نذاكر ويطلع عينا اكتر من بتوع الطب والصيدله وفى الاخر اما تيجى تشتغل معاهم ..تتعامل على انك اقل منهم (تحت الدكتور ) حاااااااااااجه صعبه جدااا ..وحتى لو اخدت كيميا حيويه وبقيت دكتور تحاليل >> ..هتلاقى بعض الناس المستفزة اللى تقولك .{ انا مش معترف بيك انك دكتور اصلاااا } ..


وبساااااااااطه كده بتوع طب وصيدله اوقات دراستهم فى الجامعه ..اما بيجوا يتعبوا ويزهئوا من المذاكرة ..يفتكروا مستقبلهم هيبقى عامل ازاى والناس هتعاملهم ازاى ..فبيكون مستقبلهم حافز ليهم وهما لسه فى الدراسه ..

لكن اما اكون فى علوم وازهق من المذاكرة واجى افتكر مستقبلى انى هابقى اقل من الدكاتر اللى انا اصلا بذاكر اكتر منهم ...يبقى عمر ما الواحد يفكر يدخل كليه زى دى ابدااااااااااااا


.... قولوا لى رأيكوا فى الكلام ده ...
ويبقى السؤال ..(هل علوم اصعب من طب وصيدله ) ....

[عمر ندا]

السلام عليكم ........ وكل سنة وانت طيب ....... اولا : كل واحد بياخد نصيبه وربنا مخصص لكل واحد فينا عمله وبتاع علوم عمره ما كان اقل من بتاع طب او هندسة لأن المجالات والتخصصات مختلفة والشطارة بقى انك ازاى تقدر تبدع ف مجالك
ثانيا : اللى بيقولولك ان بتاع علوم اقل من بتاع طب ماتسمعش ليهم دول بيهبطوا معنويات بس ومش فاهمين حاجة لأن احنا كلنا بنخدم بعض يعنى انا مقدرش اعيش من غير دكتور تحاليل مثلا وانت متقدرش تعيش من غير دكتور فكلنا بنكمل بعض ومفيش افضلية وبالعكس عمل الدكتور البشرى مش هايتم الا بوجود دكتور التحاليل
وانت ممكن ربنا يوفقك ولما تجتهد يكون مكانتك ورزقك احسن مليون مرة من الدكتور البشرى فالكلام ده مش مقياس
فكر ف الامور بعقل وتدبر كده وهاتلاقى كل حاجة موزونة وربنا يوفقك ويعينك
ومن ناحية المذاكرة كتير اخلص النية لله وحط ف دماغك انك كل ما هاتذاكر اكتر كل ما ربنا يكرمك اكتر ويعلى شأنك ومكانتك بين الناس
ولو ع كلام الناس : الناس مفيش حاجة بتعجبها والدليل ع التخلف اللى احنا فيه ان بعض الناس بتحترم الغنى أكتر من العالم
اتمنى اكون افدتك وسعيد بسؤالك ويارب اكون وفقت ف الرد وشكرررررررررا

[sala]

المشاركة الأصلية كتبت بواسطة عمر ندا

السلام عليكم ........ وكل سنة وانت طيب ....... اولا : كل واحد بياخد نصيبه وربنا مخصص لكل واحد فينا عمله وبتاع علوم عمره ما كان اقل من بتاع طب او هندسة لأن المجالات والتخصصات مختلفة والشطارة بقى انك ازاى تقدر تبدع ف مجالك
ثانيا : اللى بيقولولك ان بتاع علوم اقل من بتاع طب ماتسمعش ليهم دول بيهبطوا معنويات بس ومش فاهمين حاجة لأن احنا كلنا بنخدم بعض يعنى انا مقدرش اعيش من غير دكتور تحاليل مثلا وانت متقدرش تعيش من غير دكتور فكلنا بنكمل بعض ومفيش افضلية وبالعكس عمل الدكتور البشرى مش هايتم الا بوجود دكتور التحاليل
وانت ممكن ربنا يوفقك ولما تجتهد يكون مكانتك ورزقك احسن مليون مرة من الدكتور البشرى فالكلام ده مش مقياس
فكر ف الامور بعقل وتدبر كده وهاتلاقى كل حاجة موزونة وربنا يوفقك ويعينك
ومن ناحية المذاكرة كتير اخلص النية لله وحط ف دماغك انك كل ما هاتذاكر اكتر كل ما ربنا يكرمك اكتر ويعلى شأنك ومكانتك بين الناس
ولو ع كلام الناس : الناس مفيش حاجة بتعجبها والدليل ع التخلف اللى احنا فيه ان بعض الناس بتحترم الغنى أكتر من العالم
اتمنى اكون افدتك وسعيد بسؤالك ويارب اكون وفقت ف الرد وشكرررررررررا

شكرا يا عمر على رأيك وعلى فكرة( انا بنت مش ولد) بس مش ده الموضوع

انا شايفه ان كلامك صح بس اللى قالتلى موضوع انك فى الشغل مش هاتتعملى زى الدكتور هى اصلا

خريجه علوم وبقت دكتورة تحاليل و قبل ما تفتح معملها كانت بتشتغل مع دكاترة وفى معامل ..واول

حاجه عرفتها انها اقل من الدكاترة (المرتب ) ..وكتير مش بيقولولها يا دكتورة ..وانا واثقه فيها وهى مش

من النوع اللى بيحبط ..وده اللى خلانى استغرب اكتر (اومال لو كانت من الناس اللى بتحبط كانت قالتلى ايه ؟!) ..
بس برضه حضرتك مريحتش قلبى وجاوبتنى علوم اصعب من طب وصيدله ؟

[عمر ندا]

معلش آسف بحسبك ولد ........ بصى يا ستى من ناحية المرتب ع رأى المثل دى ارزاق ومقسمها الخلاق ومش قاعده ان بتاع علوم بيبقى اقل ف المرتب من بتاع طب دى حاجة بتاعة ربنا
ومن ناحية ان الناس مش بتقولها يا دكتورة اعتقد ان الموضوع ده بيفرق مع ناس وناس ممكن هى تكون بتزعل وممكن انا مثلا مش بتفرق معايا واهم حاجة اعمل شغلى وخلاص واحنا مش هانقدر نتحكم ف معاملة الناس فأنا من رأيى انها تكبر دماغها
وحكاية صعوبة الكلية دى طبعا مقدرش احكم فيها عشان انا مجربتش صيدلة ولا علوم بس بسمع الناس اللى اكبر منى ان الطب صعوبته ف طول السنين وكتر المناهج وان المادة العلمية ف صيدلة وعلوم اصعب من طب ده الكلام اللى بسمعه واعتقد ان مش هايفرق معاكى كتير حكاية الصعوبة دى عشان انا رأيى تركزى ف كليتك وسيبك من الكليات التانية عشان كل كلية لها مجالها ونظامها وماينفعش المقارنة بينهم

وربنا معاكى ويوفقك ونشوفك دكتورة كبيرة كده ان شاء الله
ع فكرة انتى دكتورة واللى يقول غير كدع يبقى مابيفهمش (نرفع معنوياتك شويه)

[جمــ الروح ـال]

والله عمر قال كل حاجه ومعاه حق انتى ركزى فى دراستك وفى ايدى تحققى نجاح اللى فى طب وصيدله مقدرش يحققه اما الشغل والمرتبات فدى ارزاق
توكلى على الله والله الموفق

ربنا يكرمك ياحبيبتى ويكرمنا جميعا

[اسلام اسو]

الموضوع حلو قوى بس انا عندى رأى

[اسلام اسو]

انا اعرف صحابى كلهم منهم فى طب وهندسة وعلوم وصيدلة بس كلهم اجمعوا على ان علوم اصعب كلية فى المجموعة الطبية والهندسية وبالنسبة لموضوع لقب دكتوره بلدنا ديه دايما متعترفش ببعض الكليات والالقاب برده فانتى خليكى فى مستقبلك وملكيش دعوه بالمسمى الوظيفى عشان بلدنا مش متقدمه فى العلم عشان تعرف الفرق بين دكتور تحاليل ودكتور عادى وكمان انتى ممكن تخشى اى قسم تانى وممكن تشتغلى فى شركات ادوية ده كمان هما بيفضلوا خريج علوم عن صيدلة واسمك زيهم كيميائىة او احسن منهم كمان

[dr/nor pt]

من اخرها انا ان شاء الله علاج طبيعى وعلوم دراستها صعبة جدا اكتر من طب و علاج طبيعى وصيدلة واسنان وبيطرى احنا هنا الى مبنقدرش قيمة العلم والعلماء الكلية دى هى الوحيدة الى ممكن طلابها ينهضوا بمصر بعلمهم طب صعبة فى طول الدراسة وعلاج طبيعى صعبة ومرهقة جدا لانها عملى اوى وعلطول فى مستشفيات من سنة تانية وبتحسى انك دكتورة قبل متتخرجى صيدلة مفيهاش صعوبة راحة الراحة وملهاش اى التصاق بلمرضى واسنان سهلة ولذيذة جدا اما علوم فصعبة جدا جدا جدا ولازم الاجتهاد فيها وبعدين من غير التحاليل مفيش دكتور هيشخص تشخيص صحيح هو اهم حاجة طبعا يا دكتورة انتى دخلتى كلية العلماء والدكاترة بلتوفيق

[حب الاسلام]

السلام عليكم ورحمة الله وبركاتة أنا بقي من وجهة نظري أنا ان الحكمة مش الناس بيقولو أية او أية هي المرتبة عند الناس ممكن دكتور خريج طب وفاشل علشلن مش حاببها وباردة كيميائي نفس الكلام وكمان أنا لية نفسي أنا وانا شايفة نفسي هل أنا واثقة من نفسي لدرجة اني اقول للعالم اني احترم نفسي واقدر أفيد المجتمع وعاملة نفسي هدف اني اتفوق في الحاجة اللي دخلتها حتي لو كانت حقوق ومش معني كدة اني بقلل من الكلية ماشاء الله بيخرجو منها مستشارين مش هي دية القصة أنا عارفة بس الشاهد ان أنا اكون حاجة كويسة أفيد الاسلام والمسلمين والوطن اللي أنا فئة وبس واحب العمل دة حتي لو مظلومة مفيش حاجة بتيجي بساهل اتوكل علي ربنا واعمل اللي عالية وان الله لا يضيع اجر من أحسن عملا صح ولا أية يا جماعة وعلي فكرة أنا في كلية علوم سنة اولي ان شاء الله والكلام دة والله بتكملة لنفسي لان الكلام دة اتقالي لدرجة اني كنت حاسة اني داخلة علي جهنم وأرجو ان وجه نظر وضحت وربنا يوفق الجميع ان شاء الله .

[حب الاسلام]

معلش في حاجة كمان عايزة أقولها حتي لو علوم أصعب من غيرها أية المشكلة وعلي شغلهم عالي واللي ليركز فيها مرتبة اعلي من دكتور خاريج طب اوصيدلة أنا بابا والله بيدور علي واحد خاريج علوم حديث علشان يدربة تحت واحد ويسافر السعودية شغل كيميائي والله دة حقيقي وكمان مش سفر وخلاص هيشتغل في تخصصة وبصي بقي علي المرتب في الاول والآخر دية ارزاااااااق

[sala]

المشاركة الأصلية كتبت بواسطة عمر ندا

معلش آسف بحسبك ولد ........ بصى يا ستى من ناحية المرتب ع رأى المثل دى ارزاق ومقسمها الخلاق ومش قاعده ان بتاع علوم بيبقى اقل ف المرتب من بتاع طب دى حاجة بتاعة ربنا
ومن ناحية ان الناس مش بتقولها يا دكتورة اعتقد ان الموضوع ده بيفرق مع ناس وناس ممكن هى تكون بتزعل وممكن انا مثلا مش بتفرق معايا واهم حاجة اعمل شغلى وخلاص واحنا مش هانقدر نتحكم ف معاملة الناس فأنا من رأيى انها تكبر دماغها
وحكاية صعوبة الكلية دى طبعا مقدرش احكم فيها عشان انا مجربتش صيدلة ولا علوم بس بسمع الناس اللى اكبر منى ان الطب صعوبته ف طول السنين وكتر المناهج وان المادة العلمية ف صيدلة وعلوم اصعب من طب ده الكلام اللى بسمعه واعتقد ان مش هايفرق معاكى كتير حكاية الصعوبة دى عشان انا رأيى تركزى ف كليتك وسيبك من الكليات التانية عشان كل كلية لها مجالها ونظامها وماينفعش المقارنة بينهم

وربنا معاكى ويوفقك ونشوفك دكتورة كبيرة كده ان شاء الله
ع فكرة انتى دكتورة واللى يقول غير كدع يبقى مابيفهمش (نرفع معنوياتك شويه)

بص ياعمر انا باقارن ليه ؟..لان كان نفسى اووى ادخل طب اسنان او صيدله او

علاج طبيعى (بس كنت مستبعده صيدله شويه )

عشان هى كيميا وانا باحب الاحياء ..وموضوع اللقب ده هيفرق معايا لانى من اعدادى ماما

شايفه انى هابقى دكتورة مافيش كلام والعيله عندى كلها كبيرها وضغيرها متبرمج انى دكتورة ..

فطبعا لما ملحقتش اى حاجه فى دول نهائى حسيت ان حلمى وحلم العيله كلها راااح .
.
بس بعدين سمعت عن موضوع انى ادخل علوم واتخرج دكتورة تحاليل ..

قلت يبقى الحلم مارحش اووى اهو .. وهابقى دكتورة

عرفت ان مستوايا مش هيبقى زى بتوع طب وصيدله ..

قلت وماله اكيد دول بيذاكروا اكتر وبيتعبوا اكتر ..فده حقهم ..

عرفت ان القسم اللى هيخرجنى دكتورة ..(كيميا )..رغم انى حابه احيااا جداا ..
قلت معلش استحمل ..

لكن بصراحه اتجننت اول ما ناس كتير اجمعتلى ان علووووووووم

اصعب كليه ممكن تشوفيها ومستواها ومستقبلها فى مصر مش قد كده ..

يعنى هى كليه محترمه بس مش واخده حقها فى مصر ..

فده كله عقدنى من الكليه جامد اووى ..انا اه باحب المجال العلمى جدااااااااا بس مش للدرجه دى
...طب بزمتكوا ده يعقد ولا لا ؟!!

[sala]

المشاركة الأصلية كتبت بواسطة جمــ الروح ـال

والله عمر قال كل حاجه ومعاه حق انتى ركزى فى دراستك وفى ايدى تحققى نجاح اللى فى طب وصيدله مقدرش يحققه اما الشغل والمرتبات فدى ارزاق
توكلى على الله والله الموفق

ربنا يكرمك ياحبيبتى ويكرمنا جميعا

انا عارفه انى الارزاق طبعا على ربنا بس برضه خلينا نتكلم فى الواقع اللى بيقول: ان ناس كتير خريجى علوم ومفيش شغل او اللى بيشتغل بمرتب قليل او اللى بقى مدرس! ..
يعنى مثلا عمرك سمعتى عن واحد خريج صيدله مش لاقى شغل ..لا طبعا لان كمان عندهم تكليف يعنى كل الكليات اللى فوق علوم ماعدا (طب بيطرى) ضامنين شغل ..وخريج صيدله ده بيفتح صيدليه ويقعد فى البيت ومرتبه يجيله لحد عنده كمااان ..فهو ده الواقع اللى انا شايفاه

[sala]

المشاركة الأصلية كتبت بواسطة اسلام اسو

انا اعرف صحابى كلهم منهم فى طب وهندسة وعلوم وصيدلة بس كلهم اجمعوا على ان علوم اصعب كلية فى المجموعة الطبية والهندسية وبالنسبة لموضوع لقب دكتوره بلدنا ديه دايما متعترفش ببعض الكليات والالقاب برده فانتى خليكى فى مستقبلك وملكيش دعوه بالمسمى الوظيفى عشان بلدنا مش متقدمه فى العلم عشان تعرف الفرق بين دكتور تحاليل ودكتور عادى وكمان انتى ممكن تخشى اى قسم تانى وممكن تشتغلى فى شركات ادوية ده كمان هما بيفضلوا خريج علوم عن صيدلة واسمك زيهم كيميائىة او احسن منهم كمان

ههههههههههههههههه ..حقيقى يا اسلام طمنتنى اكتر !!
بس اعتقد فى شركات الادويه بتوع صيدله هما اللى ليهم الافضليه ..لانهم كمان بيبقى ليهم تكليف

[sala]

المشاركة الأصلية كتبت بواسطة dr/nor pt

من اخرها انا ان شاء الله علاج طبيعى وعلوم دراستها صعبة جدا اكتر من طب و علاج طبيعى وصيدلة واسنان وبيطرى احنا هنا الى مبنقدرش قيمة العلم والعلماء الكلية دى هى الوحيدة الى ممكن طلابها ينهضوا بمصر بعلمهم طب صعبة فى طول الدراسة وعلاج طبيعى صعبة ومرهقة جدا لانها عملى اوى وعلطول فى مستشفيات من سنة تانية وبتحسى انك دكتورة قبل متتخرجى صيدلة مفيهاش صعوبة راحة الراحة وملهاش اى التصاق بلمرضى واسنان سهلة ولذيذة جدا اما علوم فصعبة جدا جدا جدا ولازم الاجتهاد فيها وبعدين من غير التحاليل مفيش دكتور هيشخص تشخيص صحيح هو اهم حاجة طبعا يا دكتورة انتى دخلتى كلية العلماء والدكاترة بلتوفيق

الف الف مبروك يا دكتورة على الكليه الجامده دى ..متعرفيش انا قد ايه كان نفسى ادخلها ..بجد حسيت ان دراستها عجبااااااااانى اووى ..يعنى معظمها احياء كده (مش كيميا والقرف ده) ..وحتى لو العملى مرهق بس طالما مجال انتى حباه مش هتحسى بتعب ..وبعدين كمان ممكن تشتغلى فى الريجيم وده بقى مقولكيش على الراحه والفلوس !! مشاء الله يعنى ..
وانتى للاسف اكدتيلى على اللى بيتقالى على علووم ..
هى اه كليه علماء ودكاترة بس مش واخده احترامها فى مصر ,,,يبقى ملهاش لازمه ..
ومتنسيش ان العلماء اللى اتخرجوا منها ..عشان يبقوا علماء لازم يسافروا بره وياخدوا مكانتهم هناك ..
وطبعا السفر ده مستحيل بالنسبه لى ..

[sala]

المشاركة الأصلية كتبت بواسطة حب الاسلام

السلام عليكم ورحمة الله وبركاتة أنا بقي من وجهة نظري أنا ان الحكمة مش الناس بيقولو أية او أية هي المرتبة عند الناس ممكن دكتور خريج طب وفاشل علشلن مش حاببها وباردة كيميائي نفس الكلام وكمان أنا لية نفسي أنا وانا شايفة نفسي هل أنا واثقة من نفسي لدرجة اني اقول للعالم اني احترم نفسي واقدر أفيد المجتمع وعاملة نفسي هدف اني اتفوق في الحاجة اللي دخلتها حتي لو كانت حقوق ومش معني كدة اني بقلل من الكلية ماشاء الله بيخرجو منها مستشارين مش هي دية القصة أنا عارفة بس الشاهد ان أنا اكون حاجة كويسة أفيد الاسلام والمسلمين والوطن اللي أنا فئة وبس واحب العمل دة حتي لو مظلومة مفيش حاجة بتيجي بساهل اتوكل علي ربنا واعمل اللي عالية وان الله لا يضيع اجر من أحسن عملا صح ولا أية يا جماعة وعلي فكرة أنا في كلية علوم سنة اولي ان شاء الله والكلام دة والله بتكملة لنفسي لان الكلام دة اتقالي لدرجة اني كنت حاسة اني داخلة علي جهنم وأرجو ان وجه نظر وضحت وربنا يوفق الجميع ان شاء الله .

طبعا وضحت وجهه نظرك وكلامك مهم اووى ..

بس انتى ايه رأيك فى كليه علوووووووم ..عاما ؟