جامعة أكتوبر للعلوم الحديثة و الآداب msa

[faress666666]

بسم الله الرحمن الرحيم
ـــــــــــــــــــــــــــــــــــــ

أولا :- لقد قمت بعمل هذا الموضوع لما رأيته من تهميش واضح من قبل أعضاء المنتدى لهذه الجامعة المحترمة دراسيا و علميا , فجامعة اكتوبر للعلوم الحديثة و الآداب من أفضل الجامعات الخاصة في مصر و أقدمها فأنشئت عام 1996 أي من أكثر من 15 عام , و هي تحت أشراف و إدارة الدكتورة نوال الدجوي .

ثانيا :- جامعة MSA جامعة معترف بها من قبل المجلس الأعلى للجامعات المصرية و من وزارة التعليم العالي , و تم اعتمادها و التصديق عليها من قبل الجامعات البريطانية , بتوفير شهادتين بكالوريوس معتدمين احداهما مصرية و الأخرى معتمدة من بريطانيا , و التي تتيج لك فرصة استكمال دراستك في بريطانيا او في اي دولة أوروبيه , و هما شهادتين من جامعة جرينتش او ميدلسكيس البريطانية , حيث تم أنشاء مجلس أكاديمي من هاتين الجامعتين حتى تتحققا من جودة العملية التعليمية و تحقيق معايير الجودة و الكفاءة بما يلائم الجامعات البريطانية و قد كان .

ثالثا :-تتبع الجامعة سياسة التبادل التعليمي بينها و بين الجامعات البريطانية من حيث تبادل للطلاب او تبادل لأساتذة الجامعات , مما يتيح لها فرصة التمييز الدراسي و المنهجي و التعليمي , و كذالك فرصة الطلاب في تلقي خبرات و مستجدات جديدة في تعليمهم .

رابعا :- أولى الجامعات التي أستحدثت قسم التكنولوجيا الحيوية و هو من الأقسام النادرة في مصر , و كذالك توفير معامل و مستشفى خاص لطلاب القسم الطبي من صيدلة و طب أسنان أي توفير التدريب العملي و الكلينيكلي الخاص بها , كما توفر مركز بالبحوث الرائدة في المجال العملي الخاص بكليات القطاع الطبي و كلية التكنولوجيا الحيوية و معتمدة من قبل وزارة الصحة التي تعتبرها الأولى بين الجامعات الخاصة في مصر .

خامسا :- الكليات التي تم التصديق عليها من قبل جامعة ميدلسكيس هي:
كلية العلوم الإدارية
كلية الإعلام
كلية علوم الحاسب الآلي
الكليات التي تم التصديق عليها من قبل جامعة غرينيتش هي:
كلية الهندسة
كلية الصيدلة
كلية التكنولوجيا الحيوية

سادسا :-مستقبل العمل و الفرص في ايجاد فرص عمل فوفقا للجهاز المركزي للتعبئة العامة والإحصاء، جامعة MSA تعد الأولى بين الجامعات من حيث أعلى معدل العمالة بنسبة 95٪. حيث توفر الجامعة مجالا واسعا للتفاعل بين الطلاب و وزارة الشؤون الإجتماعية وشركات ضخمة وذلك لاطلاعهم على السوق ، وتهيئتهم لفرص العمل في المستقبل .

أخيرا :- من زار الجامعة و تجول فيها سيري أجمل الجامعات المصرية معماريا و هندسيا , حيث أنشئت الجامعة على مساحة 50 فدان و يحيط بها مساحة كبيرة من المساحات الخضراء , التصميم الداخلي للجامعة يجعل منها ايقونة فريدة في النظام و التصميم .

أود أيضا في ختام كلامي أن انبه على أن ليس معنى كلامي ان باقي الجامعات الخاصة ليست متميزة او لا تقدم تعليم جيد , لا لكني اردت أن أوضح نظام جامعة محترمة جدا علميا و ثقافيا و اجتماعيا , و هناك ايضا بعض الجامعات المحترمة الأخرى , لكن ما زلت أرى أن جامعة MSA من أفضل الجامعات الخاصة في مصر بل و أفضل من الكثير من الجامعات الحكومية .

و هذا هو رابط الجامعة لمن يريد أن يتعرف عليها جيدا :- http://www.msa.edu.eg

[MoazGamal]

لو سمحت هل ممكن الحق اقدم فيها ولا خلاص قفلت

[typing]

من فضلك هو تنسيقها بتاخد من كام فى كلية ادارة الاعمال وهل لسه فيه اماكن متاحة

[faress666666]

المشاركة الأصلية كتبت بواسطة moazgamal

لو سمحت هل ممكن الحق اقدم فيها ولا خلاص قفلت

أن شاء الله تلحق بس لازم تروح بكره الصبح بدري تملي الأبليكيشن هناك و نفس السوم هتمتحن انجليزي و أن شاء الله أول ما تظهر النتيجة في نفس اليوم بليل تروح الادمنيشن عشان تدفع الفلوس يعني هي يومين بالظبط و تكون موجود بس التقديم على حسب المجموع و الأولوية للمجموع الأعلى

المشاركة الأصلية كتبت بواسطة typing

من فضلك هو تنسيقها بتاخد من كام فى كلية ادارة الاعمال وهل لسه فيه اماكن متاحة

بصراحة معرفش بتاخد من كام بس أظن 60% و أظن بردو ان لسه فيه اماكن لأدارة أعمال و اعلام بس يا ريت تلحق تقدم بسرعة عشان متبقاش ويتنج .

[typing]

المشاركة الأصلية كتبت بواسطة faress666666

أن شاء الله تلحق بس لازم تروح بكره الصبح بدري تملي الأبليكيشن هناك و نفس السوم هتمتحن انجليزي و أن شاء الله أول ما تظهر النتيجة في نفس اليوم بليل تروح الادمنيشن عشان تدفع الفلوس يعني هي يومين بالظبط و تكون موجود بس التقديم على حسب المجموع و الأولوية للمجموع الأعلى




بصراحة معرفش بتاخد من كام بس أظن 60% و أظن بردو ان لسه فيه اماكن لأدارة أعمال و اعلام بس يا ريت تلحق تقدم بسرعة عشان متبقاش ويتنج .

شكرا جزيلا لك انا عاوز اروح احجز فعلا

[faress666666]

المشاركة الأصلية كتبت بواسطة typing

شكرا جزيلا لك انا عاوز اروح احجز فعلا

لا شكر على واجب أنت أن شاء الله هتكون زميلنا في الجامعة و انا تحت أمرك في أي أستفسار

[typing]

المشاركة الأصلية كتبت بواسطة faress666666

لا شكر على واجب أنت أن شاء الله هتكون زميلنا في الجامعة و انا تحت أمرك في أي أستفسار

طيب بعد اذنك ممكن تقولى كل الاجراءات اللى هتحصل
يعنى اروح معايا ايه
الابلاكيشن بكام
اروح معايا كام
همتحن امتى
لو مش نجحت فيه هيحصل ايه
لو لغتى ضعيفة اول تيرم هعرف اتعامل ؟

[faress666666]

المشاركة الأصلية كتبت بواسطة typing

طيب بعد اذنك ممكن تقولى كل الاجراءات اللى هتحصل
يعنى اروح معايا ايه
الابلاكيشن بكام
اروح معايا كام
همتحن امتى
لو مش نجحت فيه هيحصل ايه
لو لغتى ضعيفة اول تيرم هعرف اتعامل ؟

أول يوم هتروح تملى الأبليكيشن و تمتحن انجليزي في نفس اليوم و ده كل من غير ما تدفع ولا مليم و احد و تروح البيت , نتيجة الأمتحنا بتطلع بليل على موقع الجامعة و تاني يوم بتروح تدفع المصاريف و تعمل الكارنيه و لازم يبقاا معاك استمارة النجاح و بين الدرجات بتاعت الثانوي و شهادة ميلاد كمبيوتر و صورة البطاقة و 12 صورة شخصية و استمارة 2 جند من منطقة التجنيد , و الحاجات دي كلها ممكن تتأجل لأول يوم في الدراسة ما عدا استمارة النجاح و بيان الدرجات و شهادة الميلاد و البطاقة دي لازم عشان تدفع الفلوس اما الباقي مش مهمين , اما الامتحان فده بيحدد مستواك في اللغة ولازم تجيب في ليفيل وان عشان تخش كلية صيدلة او أسنان و لو جبت ليفيل تو ممكن تتقبل على حسب العدد و بتاخد كورس انجليزي اضافي للمواد بتاعتك , و ما تخفش الامتحان إلى حد ما سهل مش صعب اوي يعني , و أطمن من ناحية اللغة اول ترم ممكن شوية تكون الأمور مش متظبطة بس مع التعامل هتلاقي الدنيا سهلة خالص .

يا رب اكون اقدرت افيدك و اي أستفسار أنا موجود

[ranroOona]

ممكن اعرف معلش امتحان الانجليزى بيبقى ازاى
ايه الاسئلة الشفوى الممكن تتسأل

[faress666666]

المشاركة الأصلية كتبت بواسطة ranrooona

ممكن اعرف معلش امتحان الانجليزى بيبقى ازاى
ايه الاسئلة الشفوى الممكن تتسأل

أولا :- الأمتحان مفهوش شفوي
ثانيا :- الأمتحان بيبقاا أون لاين و كله اختيار ما عدا 10 قطع فهم وبردو بتبقى اختيارات و براجراف و نص استماع .
ثالثا :- الامحان بيبقاا متقسم كلمات و جرامر و فهم و كده بس اصعبهم نص الأستماع لانك بتقعد على الكمبيوتر و بتسمه نص و بتجاوب على الاسئلة من غير ما تتكلم كله على الكمبيوتر بالكتابة
رابعا :- النتيجة بتاعت الامتحان بتظهر في نفس اليوم بليل على الموقع الجامعة .