كل ما تحتاجه بخصوص موضوع التحويل

[omarinos]

أولا: تحويل من كلية الى كلية مناظرة:

{لا يشترط بلوغ الحد الأدنى }

يعني طالما انت جبت مجموع الكلية تقدر تحول من الكلية اللي ترشحت فيها الى أي كلية زيها في مصر

مثال:

لو جبت هندسة قنا ( 393.54875 ) وعاوز تحول لهندسة طنطا ( 399.2375 )

مفيش أي مشاكل عادي جدا

ثانيا: متطلبات التحويل:

1- بطاقة الترشيح ( اللي طبعتها من النت )

2- صورة البطاقة الشخصية أو صورة من الجواز

3- صورة ايصال مكتب التنسيق ( اللي مكتوب فيها المجموع الاعتباري )

4- مبلغ ؟؟؟؟؟ جنيه

ثالثا: خطوات التحويل ( للكليات المناظرة فقط ):

التحويل عند مكتب التنسيق اللي موجود في المدينة الجامعية بجامعة القاهرة بالجيزة

1- اذهب الى مبنى رقم 2 ( مش مبنى رقم 9 كالعادة انت هتروحه بس بعدين ) .

2- هتصف حضرتك طابور وتستنى دورك وهيطلب منك بطاقة الترشيح ومبلغ ؟؟؟؟؟ جنيه .

3- هيديك ورقة تملي بياناتها ( المجموع الاعتباري, الاسم , نوع الشهادة......الخ )

ومن البيانات هتلاقي 3 رغبات فقط للتحويل ولازم تختار كويس على حسب طبعا مجموعك

( طبعا هوا ينفع أي كلية مناظرة انت عايزها بس انا قصدي الواحد يستغل ال3 رغبات بحكمة

عشان يقدر يجيب اللي عايزه ان شاء الله, لأنك لازم تحط في الاعتبار انك مش انت الوحيد اللي

في البلد فيه ناس كتير عايزه تحول وفرص التحويل اذا كانت هتيجي ولا لا مبنية على عدد المحولين

للكلية اللي انت عايزها ومجاميعهم وكمان عدد الأماكن الشاغرة ) .

4- تروح مبنى رقم 9 عشان تسلملهم الأوراق ( صورة من البطاقة أو الجواز, ورقة طلب التحويل,

صورة من ايصال مكتب التنسيق ) .

رابعا: مبروك عليك التحويل!!!!!!!!!!!!!!!!!!!!! وبالقبول ان شاء الله
ملحوظه
قد تكون هذه الطريقه بعد لا قدر الله التحويل لم يقبل عن طريق موقع التنسيق
وأى استفسار أنا فى الخدمة

[shadaya]

طيب الى يحول من دمنهور الى اسكندريه مع العلم انى من البحيره اعمل اييييييييييييييييه و ايه المطلوب ناس بيقولوا التماس و ناس بيقولوا الاقامه و انا ولا عارفه حاجه و مش عارفه اروح امته حد يساعدنى

[yasorty]

Tayeb 7adretak ana Gatly saydalet Cairo w ana 3awz a7wel ain shams ....elmfrod aro7 3shan a7wel aro7 Cairo walla ain shams?

[totacapello]

طب حضرتك انا روحت مكتب التنسيق بس سألت فى مبنى 4 قولتله انا جايلى اداب القاهره بس مجموعى يجيب السن المنيا ينفع احول من القاهره للمنيا قالى لا مينفعش لانك بكده هتبقى مغتربه وكمان مكنتيش كتباها فى الرغبات قولتله انا عايزه ابقى مغتربه قالى بردو مينفعش اختارى اى كليه يكون مجموعك جايبها بس تكون فى القاهره الكبرى....ارجوك الكلام ده صح ولا غلط؟؟؟

[جمــ الروح ـال]

طيب انا كاتبه الرغبات فى البيت ومطبعتش حاجه لازم صورة الايصال دى ولا ايه مش فاهمه؟

وهل انا ينفع احول من البيت برده من جهازى يعنى؟

[زوووم ان]

طيب ممكن اسال حضرتك عن التحويل من السن المنيا لعين شمس مع مراعاه اني من المنيا فهل لازم اقضي اول سنه ف المنيا و بعدين احول عشان التوزيع الجغرافي و لا ايه ؟؟؟؟؟؟ و شكراااا

[mariam allam]

طيب التحويل من اداب عين شمس لاداب القاهره فيه مشكله ؟؟؟
لأن ناش بتقول مينفعش من عين شمس للقاهره ؟؟
انا اصلا ساكنه في حلوان

[ahmed.abotrika]

- صورة ايصال مكتب التنسيق ( اللي مكتوب فيها المجموع الاعتباري )

4- مبلغ ؟؟؟؟؟ جنيه


ممكن اعرف الايصال ده اللى هو ايه ؟
والمبلغ مش جاى كام بالظبط ؟ ظاهر 5 علامات استفهام لو هنعتبر كل علامة برقم يبقي روحنا في داهيه xd

[ahmed.abotrika]

خلاص شكرا عرفت الايصال مكتب التنسيق للتوضبح اسمه ايصال تسليم الرغبات الكترونيا ^__^
بالنسبة للمبلغ بقي ياريت توضحهولنا انا اللى اعرفه انه 200 جنية والله اعلم