حرااام والله كده ... دمرتونااااااا

[Ahmed_17]

فعلاً والله حرام اللى بيتعمل فينا ده . طول السنة دروس وجرى على السكك ويجيلنا أخ فاضل يضع الإمتحان وكأنه بينتقم مننا . طب ليه كل ده عشان ايه والله أنا بعد ما انتهيت من الامتحان وطلعت بره اللجان وروحت بيتى واتغديت ونمت افتكرت اننى نسيت سؤال القصة أكمل . والله بقيت هموت نفسى . قسماً بالله كنت هبكى دم بدل الدموع من اللى حصلى . وطول اليوم أفكر وعيط وادعى ان ربنى يصبرنى لأن الحكاية مش سهلة . هو السؤال أنا كنت عارفه كويس جداً ولقيته سهل بعد ما بصيت عليه . أنا مش عارف أنا نسيته ازاى وده كل من طول الامتحان وطبعاً والوقت قصير جداً . وبالنسبة للأسئلة فى بعض المدرسين هنا على الموقع مع كامل احترامى لهم بيقولوا أن الامتحان فى مستوى الطالب المتوسط . لأ أنا طبعاً منش معاك فى النقطة دى ... يا أستاذنا يا فاضل احنا اخدنا فى الامتحان 3 ساعات وحلينا كطلاب . طيب المدرسين المفروض يكونوا عارفين الاجابة طبعا ومتأكدين منها ولو غير كده يبقى الله يعوض على التعليم فى مصر . حضراتكم كمدرسين طوال اليوم 24 ساعة تقولون (( الإجابات المحتملة - الإجابات المتوقعة )) وكأنها مراجعة ليلة الإمتحان . طيب الطلبة يعملواا ايه . بالله عليكم ده تعليم ولا تعقيد ولا إيه .... والله فى ناس سابت ورقة الإمتحان وجالها حالة يأس وإحباط ... ده كله ليييه .... أوعوا تقولولى مبنزاكرشى ... مه ده اللى ناقص .. مه كل سنة بيجبوها على الطلاب ... والله أنا من ساعة ما دخلت ثانوية عامة مرحلة أولى ولحد الان حاسس أن الثانوية العامة دى إعدااام وليست أسلوب تعليييم . على الأقل المفروض كان إمتحان صعب زى ده يجي فى اواخر الايام مش يجيبه هو والعربى فى الأول عشان الناس تتعقد ومتعرفش تركز فى الامتحانات القادمة وتعد تفكر طول الوقت على مستقبلها اللى هيضيع بسبب هذه الامتحانات التى معظمها يعنى لا يعتمد على المهنج الذى ندرسه طوال العام . فى ناس بتقول ان اسئلة القصة كات سهلة ومن القصة . أمال انتم عايزين أسئلة القصة كمان تيجى من بره المنهج ؟! ... لأ والأغرب من كده إن الوزارة و المدرسين بيقولوا إن الامتحانات جاية صعبة السنادى عشان تقلل المجاميع ؟! ياسلاااااام . طيب مجبتوش السنة اللى فاتت امتحان متوافق مع السنادى وهيبقى نفس الموضوع ... بدل متجيب سنة سهل والسنة التانية صعب ؟!!!! بصراااااااحة حاجة تخلى الطالب ينتحر .. مش عارفين إن فى ناس محطمة نفسها عشان ولادها وفى الاخر الطالب يطلع لأمه أو أبوه يبكى ويصرخ من صعوبة و عقدة الإمتحااان . على فكرة والله أنا جايب العام الماضى 25 طبعاً السنادى بتمنى أجيب حتى 22 ؟! شوفتوا دا كله وصلنا لأيه ................. كان الله فى عون الأسر المصرية والطلاب المصريين اللذين سيدمروا وستحطم مشاعرهم لو إستمر الحال كما هو عليه .... أسأل العظيم رب العرس العظيم أن يوفقنى وزلائى فى الإمتحانات القادمه وأن لا يتكرر هذا السيناريو فى هذا العام فى الامتحانات القادمة أو فى الأعوااا م القادمة . وأسألكم أن تدعو لى بالتوفيق
ويا ريت يا جماعة اللى عنده تعليق يتفضل يكتبه >>>>>>>

~~~~ والسلام عليكم ورحمة الله تعالى وبركاته ~~~~~~

[sou-so]

يااااه دى صعبه اوى انك تنسي سؤال و كمان تكون عارف الاجابه
بس انت ليه مش بتعلم على السؤال الى كتبته يعنى كل سؤال يتحل تعمل عليه صح
عشان لما في الاخر تبص في ورقه الاسئله تعرف ايه اللى ناقص

بس هو عموما التعليم في مصر فاشل مش الامتحان ده بس
و المصيبه ان في الاخر ممكن تفرق على الكليه اللى عايزنها بدرجه و لا اتنين
و ندخل خاص و لا مفتوح
بجد ربنا ينتقم منهم الواحد كان حاطط امل يدخل كليه انجليش
دلوقتى بنقول يارب ننجح فيه

[Mr Mohamed Barakat]

لا تحزن وقل قدر الله وما شاء فعل لان الامتحان كان صعب على كل الطلبة زمايلك انا مدرس انجليش وفية طلبة زيك كدة العام الماضى جابو 24.5 وبيتمنو انهم يجيبو 23 او 22 هذا العام فلا تقلق وقل قدر الله وما شاء فعل لان الوضع على الجميع لم يصبك وحدك

[محسن لبيب حنين]

على فكرة انت عجبتني جدا بكلامك و انا بقول معاك ونفسي تحصل وينفذوها: عايزين كم أقل للطالب وبالتالي امتحان أقصر ومدته أقصر وأهم من ده كله نمتحن كما درّسنا
In methodology, professors taught us (concerning tests) to test as (as as as as as ) we have taught
بمعنى ان نختبر طلابنا بنفس الطريقة التى علمناهم بها مش نعلم بطريقة ونمتحن بطريقة

[XxAmRxX]

انت مش مكفيك 3 ساعات !!!

[mr mor]

Another problem is that parents find out the students' marks are excellent in all subjects but English and as result they blame bad English marks on English teachers , then what to do and that nearly what happens every year . Vainly do E teachers try to have a good comparison with others .specially when students go out of the exam room happily in all subjects but English . Moreover we should admit that
many English teachers teach for two or three years and they teach second stage .I don't think it's fair , is it? I think many points should be discussed with students and teachers.

[doha94]

ربنا هيعوضك ان شاء الله
ركز فى اللى جاى وانت هتبقى تمام
انا جبت 23 السنه اللى فاتت ربنا يستر السنه دى

[basma 2010]

ربنا يستر:::::::::::::::::::::::::::::::::ويساعدنا كلنا ان شاء الله

[hope205]

بجد مظبوط اللى قلته وفى الاخر يقولوا الامتحان سهل وانى العيب فى الطالب والله العظيم حرام علشان يقللوا المجاميع وكل واحد ياخد حقه طيب مش قبل متحاسب الطالب شوف الناس اللى غشت

[usama el said]

قدر الله وما شاء فعل
لا تندم على ما فات وانظر للقادم و ان شاء الله تعوض فى المواد التالية

[mark magdy]

بصوا يا جماعة احسن تعليق علي الامتحان انة
1-هذا الامتحان امتحان عشوائي يعني اللي حاطة لم يراعي فية اي شئ و اكبر دليل جملة 6 في find the mistake

2-موضوع الpharagraphعشوائي لان دة مش موضوع منطقي يتجاب عشان احنا نكتب فية 100 كلمة لانة فعلا موضوع فقير وراس الموضوع لا يعطيك اي افكار

3-اما عن الcomprehension طبعا كلنا لاحظنا distinctionوانها اصلا مجلوبة في مكانها دة مش عشان معني انما عشان القصد بيها لخبطة الطالب لان هي اصلا في مكانها دة لا تعني الا التمييز و الجملة كدة مالهاش اي معني (يعني اية التمييز بين عوامل الجذب والطرد)

4- اخيرا انا اسف علي اللي هقولة بس لازم تعرفوا ان امتحانات السنة دي كلها هيبقي منظرها كدة لان دة التوجة و التفكير العقيم في وزارة البية اللي ماسك دلوقت لانها ماشية بمزاجة ولا كاننا عملنا ثورة ولا حاجة