لو شاطر... تعرف تعيش فى مصر بـ 1000 جنيه ! ! !

[احبك ربي]

لو شاطر... تعرف تعيش فى مصر بـ 1000 جنيه ! ! !

البيان مصروف يومي مصروف شهري ملاحظات
عيش بلدي 1 30 بس لازم تلحق دورك فى طابور الفرن وتلحق شغلك فى نفس الوقت ربنا معاك
حليب 4 120 عدد واحد لتر يومياً ويارب ميطلعش بودرة سيراميك ويكفى العيال
فول 8 32 كيلو فول اسبوعيا يعنى 125 جرام يوميا رضا والحمد لله
جبنة بيضاء 20 80 كيلو في الأسبوع 125 جرام يوميا انت عايش
بيض 5 20 عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة
خضار 10 40 عبارة عن صنف واحد بس + كيلو طماطم + لمونه وحزمة جرجير اسبوعيا
فواكهه 5 20 عبارة عن كيلو برتقال أو قشر موز مرة اسبوعيا علشان العيال تفتكر اسمة
شاى 10 لزوم الكيف اللى بيذل والضيوف الرزلين
سكر 4 16 عدد واحد كيلو اسبوعيا مش بقولكم الكييف يذل وضيوف معندهمش دم
ارز 4 16 عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام
زيت 10 40 لتر اسبوعيا علشان تشرب بق على الريق يزيت معدتك 000 يستعمل كبديل للخضروات
مكرونه 8 32 عبارة عن عدد 4 كيس 400 جرام اسبوعيا 0000 خلى العيال تنبسط
دجاج 20 80 عدد واحد دجاجة اسبوعيا للعائله 000000 اظن معقول
لحم 30 120 عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا
بقوليات 10 عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا )
توابل 10 عبارة عن دقيق + ملح + كمون + فلفل + كسبرة + وممكن تديها خل براحتك
صابون 15 عبارة عن صابونه واحدة للحمام + صابون مواعين + مسحوق للملابس ( النظافة عموما )
مواصلات 2 60 طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا
حلاق 10 عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )
مدرسة 10 40 عبارة عن مصروفات المدرسة + مصروف العيال اليومى + كراسات واقلام وجلاد 00ألخ
دكتور 30 نمرض بالدور طبعا عدد اربع افراد مرة واحدة للفرد كل 4 اشهر وربنا يستر
ادوية 50 أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه
تليفون 10 اشتراك الهيئة هنرد بس ومش هنتكلم معدش ينفع كلام
مياة 10 للاسف لازم نشرب مياة ملوسة بالمجارى
غاز 5 الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية
نور 20 لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع
قمامة 10 اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين
بواب 15 مهو من حقه يعيش هو كمان لو عشر شقق يبقى 150 جنية شهريا خليه يهيس
صيانة 30 لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ
ملابس 100 عبارة عن الصيفى والشتوى داخلى وخارجى واحذية وشربت وكلونات واتصرف بقى


الاجمالى 1081 اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض


ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة

عيد الام ربنا يخليها ويديها الصحه 0 كل سنة وهى طيبة
عيد الكحك مضر وملهوش لزمة 0 كل سنة وانتم طيبين
عيد اللحمة مضر وملهوش لزمة 0 كل سنة وانتم طيبين
حلاوة المولد السكر مضر وملهوش لزمة 0 كل سنة وانتم طيبين
ورمضان كريم وخيره كتير
أخ خ خ نسيت احسب زكاة الفطر بس مش عارف هدفع ولا هأخد ؟
عموما هقولكم على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر

ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا )

المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع

اوعى قلبك يحن لعيل من العيال وتجيبله شيبسى ولا ببسى أو كراتيه ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى

ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضه وهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ

خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك

وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو

عموما لو على الكلام مش هيخلص روح الحق طابوووووووووووووووووووووووووور العيش تبقى نصيبة لو عطلتك ورحت لقيت الفرن شطب


وانت عامل ايه دلوقتى

معلش طولت عليكم بس هو ده الحال
ربنا معانا

[اللهم ادخلني الفردوس]

لا طبعا بس بالله عليك بلاش احباط وسيبوها لله

[زهرة الاسلام]

فعلا هو ده الحال بس لازم التغيير مش ينفع السكووووووووووووووووووووووووووووووووووووت!

[عاشقـــ الانمى ـــة]

فعلا الحال ا معدش ينفع

[مروج البحر]

ربنا معانا ويصبرنا

[احبك ربي]

المشاركة الأصلية كتبت بواسطة اللهم ادخلني الفردوس

لا طبعا بس بالله عليك بلاش احباط وسيبوها لله

مفيش احباط ولا حاجة هى دى الحقيقة

[الامبراطورةالفارسة]

عندك حق الشعب المصرى كلة تحت خط الفقر لازم يبقى فى حل ؟؟ يام أنور اما حب يغلى الاسعار الشعب عمل ثورة والحكومات افلت لكن دلوقتى الحاجة غليت ضعف تمنها ومستسلمين لامتة هنكون كدة؟

[اللهم ادخلني الفردوس]

انا مش عارفه لحد امتي بس يا جماعه عايزين واقعين وحد يرد علي سؤالي .............ايه المفروض اننا نعمله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mR . mOstafa Fathi]

http://www.thanwya.com/vb/showthread.php?t=40377

مكرر للاسف