معا ضد جشع التجار والحكومه

[amr_2010]

ياجماعة الميل ده وصلنى وحبيت إنى ابعتهولكم وياريت فعلا كلنا نتفاعل معاه الميل ده بخصوص الغلاء فى مصر

حملة " معا ضد جشع التجار و الحكومه




الموضوع بإختصار غلا الأسعار وغياب الشباب المثقف اللى يواجه هذه الأزمة صح مش بالشغب ولكن بالفكر

الأزمة دى وإن كان معظمنا مش مكسور فيها ولكن أكيد كل بيت فى مصر شايل همها خاصة إنهاعمالة تزيد وتكبر وعشان الناس مبتتحركش عمالة تتضاعف وبعدين صدقونى هنحس بيها يوم ما ربنا يكرمنا كلنا ونفتح بيوت والواحد إذا كان أهله هيساعدوه فاكيد مش هيصرفوله على بيته عشان كده أنا عندى إقتراح

إحنا عوزين ننظم حملات إضراب عن شراء السلع لمدد محدودة زى ما لما فودافون غلت تعريفة الإتصال الناس يومين ماتصلوش خسرت جامد وإضطرت إنها ترجع الاسعار زى ماكانت.. هوه ده اللى أنا بقصده نحدد إسبوع محدش يشترى فيه خضار لمدة 4 أيام ومن خلال علاقتنا بالناس فى الشغل والقرايب والمعارف وع النت وعلى المواقع وعلى الجروبات نحفز الناس وفعلا نحاول ننجح الموضوع صدقونى الخضار هيبوظ عند الخضرية وهيتربوا ومن بعدهم الجزارين و... إلخ

الناس بتتشتر على بعضيها عشان يواجهوا الغلا يعنى الحاجة اللى بتزيد 1/2 جنيه البياع بيزودها 2 جنيه صدقونى إحنا لو ضغطنا عليهم هيضغطوا على اللى فوقيهم لغاية لما الاسعار تنزل



بصوا هى فكرة ووجهة نظر كانت جوايا وحبيت أعرضها ومش عشانى ولا عشانكوا عشان خاطر الناس الغلابة المغلوبة على أمرها اللى مش لاقية تاكل ولسه عاوزين يخللوا ليهم العيش 3 رغيف للفرد فى اليوم يصرفهم بالبطاقة حتى العيش مش هيلاقوه والفول اللى كان بيمثل أكل ناس غلابة فطار وغدا وعشا 'وأظن فى حملات التطعيم ومعسكرات التنمية اللى كانت فى العشوائيات والمحافظات شوفنا بنفسنا ده حتى ده مش هيلاقوه'



عشان كده أنا عن نفسى حددت فترة الأسبوع الثانى من مارس ( من 14/3/2008 وحتى 21/3/2008 ) لعمل مقاطعة عن شراء الخضار نهائيا

والدور بعد كده على الباقى بس الاول حملة مقاطعة الخضار فى الفترة من 14 وحتى 21 -3 2008 والله الموفق



أرجوا بحث هذا الموضوع وتفعيله .. ومستنى الردود .. ومستعد أن أكون أول البادئين

الموضوع ده يا جماعه منقول وعايزين ننشره في كل المنتديات و في كل الاماكن الي نقدر نوصلها

[اللهم ادخلني الفردوس]

جزاك الله خيرا ولكن انتو اتكلمتو متاخر اووووووووووووي..ز يا جماعه دول كاتو عايزين حد يوقف لهم من الاول

[amr_2010]

النهارده كانو جايبين في صباح الخير يا مصر وزير الصناعه
وكانو بيتكلمو عن ارتفاع الارز والمكرونات والدقيق
فهو بيقول التجار لما عرفو ان الحاجه هتغلي فاشترو بكمية كبيرة جدا وخزنوها عندهم
ومستنيين لما تغلي كمان ويبيعوها والحكومه مش عارفه تعمل ايه معاهم والحاجه كمان بتغلي
وهو قاعد يقول الارز سعره هيوصل لاربعه جنيه واكتر

انا بقي من رايي ان الحكومه دي غبيه جدا وعندها عتهه
لان لو الحكومه بتفكر يطلعو اشاعه
ويقولو ان الحاجه هترخص واحنا هنستورد كميات كبيرة
فيروح التاجر يلحق يبيع الي عنده بسرعه وبسعر رخيص وبكده يبقي انتهت المشكله

[الاسطورة]

تم النقل لقسم انا مصرى

[mR . mOstafa Fathi]

والله ياعمرو
مهما عملت
خلاص
انزل اشترى اى حاجة من السوبر ماركت
هتلاقى الاسعار بقيت فووق

_______________

فالكلام مات ولا هينفع معاهم نقاطعهم ولا يحزنون
لان لو كنت هتاطعم كان من بدايه رفع الاسعار

_____________

وربنا بيعمل اللى فيه الخير

[حبيبي يا رسول الله]

بسم الله الرحمن الرحيم , والصلاة والسلام على أشرف المرسلين سيدنا محمد خير الخلق أجمعين , أخي لم نعد نملك أي سلطة في بلدنا وكل ما علينا هو فعل ما يملى علينا فعله . وارتفاع الاسعار أصبح شئ وارد , حسبي الله ونعم الوكيل في هؤلاء الذين يملكون السلطة و ييسروها في ضرر الناس . أشكرك على موضوعك .