الف مبروك لمدرسى الحصه المنقطعين بالغربيه

[استاذه ساره 90]

عودة 7500 معلم للعمل بنظام المكافأة الشاملة بالغربية

وافق اليوم "الأحد" المستشار محمد عبد القادر محافظ الغربية على عودة 7500 معلم للعمل بنظام المكافأة الشاملة، وذلك اعتبارًا من أول نوفمبر المقبل.

يذكر أن هؤلاء المعملين كان قد تم فصلهم والاستغناء عنهم ثم تقدموا بطلبات للعودة مرة أخرى لعملهم فأصدر المحافظ قراره السابق.

وأوضح المحافظ أن العقد سيكون لمدة عام ويجدد تلقائيا لحين تدبير وزارة المالية الاعتمادات اللازمة للعقود المميزة مستقبلا، على أن يتم صرف المكافأة فى حدود الموارد المالية المتاحة ويتم تدبير أي عجز في الاعتمادات المدرجة لهذا الغرض بموازنة العام المالي 2011/2012 وفي ضوء ما تسفر عنه حالة الصرف الفعلي لتلك الاعتمادات قرب نهاية العام المالي.

كما وافق المحافظ على تعديل عقود 5740 من العاملين بالمكافأة الشاملة لعقود مميزة اعتبارا من أول أكتوبر المقبل، بحيث يتقاضى المتعاقد كل ما يتقاضاه الموظف المعين على درجة دائمة.

[العبد الفقير الى الله]

اولا مبروك وربنا يسهل ويتمها على خير

بس امتى تظهر الاسماء فى الاداره التعليميه الخاصه بكل مدينه لانها لسه منزلتش حتى الان

كمان هو العقد هيبقى كام 105 جنيه برضه لمده 3 سنوات ثم العقد المميز 560 جنيه لمده سنتين
ولا انا فاهم غلط

اللى عنده فكره ياريت يقولنا

[استاذه ساره 90]

ياريت حد يفيدنا

[biba200577]

ماهى باينة ياجماعة مؤقت ب120 جنيه على ماتفرج

[baridalalob]

يا جماعه الحمد لله علي الرجوع وواحده واحده تتظبط

[روتي حبي]

هما مش كانوا قالوا ان العقود المؤقته دي اتلغت حسبي الله و نعم الوكيل 105 جنيه دول اهانه ازاي نرضي بالزل ده تاني
و لا حتي عقد المكافاه الشامله ده

[مجاهد بدوى]

ألف مبروك يا جماعة وعقبال التعيين إن شاء الله

[استاذه ساره 90]

الحمد لله انهم رجعونا احنا كنا فين وبقينا فين وربنا يسهل

[استاذه ساره 90]

الله يبارك فيك احنا مستنيين الاسماء تنزل الاول عشان نطمن قرار المحافظ بس اللي نزل

[اسامةالسيدمحمد]

اهم حاجة فين الاسامى

[راجية رضي بي]

مبروك الرجوع ياجماعة بس هو احنا هنستلم الشغل امتي يعني في شهر 2 ولا امتي
وربنا يسهل ياااااااااااارب وعايزة افهم كدة هنبقي 3 سنين مكافاة وبعدها مميز وبعدها تثبيت ولا اية

[العبد الفقير الى الله]

ياريت لونزلت الاسماء فى اى اداره حد يبلغنا

المحله -طنطا - سمنود - قطور - السنطه - كفر الزيات - بسيون- زفتى

[مسز تاتشر]

الف مبروك يا جماعه و ربنا يتمها علي خير مع اني مش مقتنعه بالمرتب ال130 جنيه الي مش هيكفونا تمن كشاكيل التحضير و الاقلام بس مش مشكله اهم حاجه اننا نثبت اقدامنا في العمل و خلاص

[مسز تاتشر]

انا سمعنت ان الاسماء نزلت الادارة او المحافظة في طنطا ده صحيح؟؟؟؟؟؟؟؟؟؟؟؟؟؟؟؟؟؟

[مسز تاتشر]

لا حول و لا قوة الا بالله