|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
05-09-2011, 09:57 AM
|
|||
|
|||
حوار حزين بين اب وابنه
الأب : انت هاتمشى و تسيبنى خلاص
الابن : امال يعنى هاقعد معاك هنا و اسيب مراتى و اولادى الأب : بس يا ابنى انا محتاجك جنبى الابن : يا سلام طب ما انا كمان كنت طول عمرى محتاجك جنبى و انت كنت على طول مسافر عموما ما تقلقش هنا فى مشرفين كتير يقدروا ياخدوا بالهم منك كويس لو احتجت حاجة الأب : مشرفين و هو انا كنت باخلفك علشان دلوقتى ترمينى للمشرفين الابن : طب ما انت زمان رميتنى لأمى و بعد موتها رميتنى لقرايبك كل واحد شوية سيبنى امشى بقى و اوعدك مصاريفك مش هاتتأخر هابعتها لك أول كل شهر الأب : و هو ده كل اللى هايبقى بينى و بينك مبلغ تيجى ترمية للإدارة اول كل شهر الابن : طب ما هو ده كل اللى كان بينى و بينك حواله بتوصلنى أول كل شهر الأب : يا ابنى حرام عليك داين تدان الابن : يا ريت يا سيدى و زى ما عملت معاك يتعمل معايا الأب : بقى بتتمنى ان ولادك يرموك فى دار للمسنين زى ما بتعمل معايا الابن : لأ بادعى ربنا أحصد اللى زرعته زى ما انت بتحصد اللى زرعته انت زرعت بذرة فلوس و روتها بالبعد و الجفا و القسوة و حصدت اللى زرعته فلوس و بعد و جفا و قسوة لكن انا بازرع فى ولادى الحب و بارويه بالعطف و الرعايه و ان شاء الله هاحصد اللى بازرعه فيهم اوعى يا والدى تزرع بذرة و تستنى المحصول من نوع تانى الأب : طب و كلام ربنا يا ابنى وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا الابن : شوفت ربنا سبحانه و تعالى قال ايه وَقُل رَّبِّ ارْحَمْهُمَا كَمَا رَبَّيَانِي صَغِيرًا اللى بينا ما كانش تربية و أبوة و بنوه اللى بينا كان مشروع كفاله مادية الابن يا والدى بيبقى مشروع العمر بالنسبة لابوه انت استثمرت فيا فلوس و انا مش هابخل عليك بالربح زى ما زمان دخلتنى احسن مدارس و عيشتنى فى أفخم شقه هادخلك دلوقتى احسن دار مسنين زى ما زمان لما كنت باتعب كنت بتبعت مصاريف علاجى فى احسن مستشفى لو حصلك حاجة هادخلك احسن مستشفى استثمارى فى البلد زى ما زمان بعت مصاريف جنازة أمى و خليتنا نعملها احسن صوان و سيبتنى أدفنها لوحدى أوعدك انى هاعمل لك أحسن جنازة و أفخم صوان لو كنت لقيتك جنبى فى فرحى و فى جرحى كنت هاتلاقينى جنبك لو كنت حسيت بحضنك زمان كنت خدتك فى حضنى دلوقتى اللى لقيته فلوسك و اللى هاتلاقيه فلوسى و اسمحى لى بقى زرعتى أولى بوقتى يمكن ربنا يعوضنى بيها عن اللى عملته فيا و احس معاهم بطعم البيت و الأسرة و الدفا اللى طول عمرك حارمنى منه الموضوع وجعنى اوى وحبت اخد رايكم مين هنا الغلطان ومين الظالم ومين المظلوم الموضوع منقول |
|
#2
05-09-2011, 11:08 AM
|
||||
|
||||
انا طبعا ليا الشرف انى اول واحده ارد ع الموضوع الرائع ده طبعا اللى غلطان الاب الولد عنده حق ف كل اللى قاله وبيعمل اللى ربنا قال عليه يبقى غلطان ف حاله واحده لما يقاطع ابوه خالص لكن هو بيعمله اللى هو عاوزه زى ما كان والده بيعمله اللى هو عاوزه بالفلوس
الاب شايف ان الابوه هى فلوس وبس وطبعا ده غلط وانا شايفه ان الاب هو اللى غلطان وبجد الولد صعب عليا جداااااا ومرسى ع الموضوع الجميل ده 
__________________
my only hope 
|
|
#3
05-09-2011, 11:15 AM
|
||||
|
||||
|
أولا شكرا ع الموضوع الرائع
ثانيا أنا شايفه إن لو الأب كان دايما مسافر وبعيد عن ابنه فدا أكيد عشان يوفره الفلوس اللي محتاجها فامينفعش الإبن يعامل أبوه كده .. حتي لو كان أبوه ظلمه بالبعد عنه فلازم هو يعفو ويقرب هو .. لإن ماينفعش نعمل مع أبهاتنا وأمهتنا بمبدأ (البادي أظلم ) .. والاب ظلم ابنه برده لإن الفلوس مش كل حاجه بس للأسف اللي ماعندوش فلوس بيفتكر إن الفلوس هي كل حاجه ويبدأ يسعي وراها من غير مبدأ والله أعلم بقي السعي دا هايوصلوا لفين!! ()مجرد رأي()
__________________
Dr\KaRiMaN MaGdY |
|
#4
05-09-2011, 11:39 AM
|
||||
|
||||
|
إنه جحود الابن
وهل تكون غربة الأب وتجرعه مرارة العيش وكدره إلا من أجل اسعاد بنيه مشكورة على الموضوع .. جزاكِ الله خيراً
__________________
 استودعكم من لا تضيع ودائعه |
|
#5
05-09-2011, 02:18 PM
|
|||
|
|||
|
قصة مؤلمة وتصرف مؤلم من الابن لكن بتوضح جانب مهم وهو الاب و دوره ايه فحياتنا !! فيه ناس بابا عندها بنك الفلوس وماما هي حلقة الوصل ومش فيه اي نوع من التواصل الاسري بين القطبين وانا كابن لما انا مش عارف مين باابا دا ؟ ازاي هعامله بعدين ؟ او ايه ال جواايا من ناحيته هيخليني اعامله كويس من حقي عليه انه يراعيني فالبداية عشان اراعيه فالنهاية وعالناحية التانية الاب شايف انه بيعمل كدا عشان ابنه وفاكر انه كدا بيحقق ليه كل حاجة لكن بينسى فزخم الحياة ان الفلوس مش كل حاجة وان اهم من الفلوس اولادي وعاملين ايه وعلاقتي بيهم ازاي فيه خلل عندنا
والابن ادرك الخلل دا وبيعمل على اصلاحه مع اولاده لانه حس اد ايه كان محتاج لحضن باباه ومش لقيه وساعتها مش لقي غير شوية فلوس باردة ! |
|
#6
05-09-2011, 03:39 PM
|
|||
|
|||
|
فعلا حوار مؤلم
بس كل اللى اتقال مش شايفاه مبرر للأبن ان يعمل كده فى ابوه لأن الاب مهما عمل فى ابنه بردو هيفضل ابوه مينفعش الابن يعامل ابوه بالمثل وفعلا الابن عنده حق فى ان الاب غلط فى انه اتغرب عن ابنه مده طويله الفلوس مش كل حاجه اهم حاجه انك تكون جنب ولادك وقت ميكونوا محتجينك تصاحب اولادك ودى حاجه مهمه جدا لسه امبارح واحد صاحب اخويه رمى نفسه فى النيل من ضغط ابوه عليه من ضربه ليه من حاجات كتير اوى كانت مفقوده بين الاب والابن خسر ابنه عشان مصحبوش ربنا يصبر اهله يارب بس مش مبرر ابد ان الابن يعامل ابوه كده ربنا يتولنا برحمته شكرا مره تانيه على الحوار وتقبلى مرورى.. |
|
#7
05-09-2011, 05:21 PM
|
|||
|
|||
|
اقتباس:
|
|
#8
05-09-2011, 05:24 PM
|
|||
|
|||
|
اقتباس:
|
|
#10
05-09-2011, 05:27 PM
|
|||
|
|||
|
اقتباس:
|
|
#11
05-09-2011, 05:28 PM
|
|||
|
|||
|
اقتباس:
|
|
#12
05-09-2011, 07:53 PM
|
||||
|
||||
|
الأب مخطئ والابن مخطئ
لكن الابن خطأه أكبر من خطأ الأب الأب غلط لما ساب ابنه وسافر لكن دة كان علشان ابنه يعيش أحسن عيشة كان المفروض يوفق بين ابنه وشغله لكن الابن غلطه عظيم لأنه عاق أبوه ومن الواضح إنه مدرك فضل أبوه عليه وهو قال كدة: زى ما زمان دخلتنى احسن مدارس و عيشتنى فى أفخم شقه هادخلك دلوقتى احسن دار مسنين زى ما زمان لما كنت باتعب كنت بتبعت مصاريف علاجى فى احسن مستشفى لو حصلك حاجة هادخلك احسن مستشفى استثمارى فى البلد زى ما زمان بعت مصاريف جنازة أمى و خليتنا نعملها احسن صوان و سيبتنى أدفنها لوحدى أوعدك انى هاعمل لك أحسن جنازة و أفخم صوان واجب الابن إنه يقف جنب أبوه مهما أبوه كان بيعاملوا وحش شكراً على الموضوع |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 07:33 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
