هام وعاجل الى محافظة الغربية

[ahmedzoer]

اليوم اخذت قرار التعين على وظيفة معلم
انا من كفر الزيات
دخلت اختبار كادر ابريل وتطبيق قرار 244
وجاء اليوم تنفيذ القرار بتوقيع المحافظ اللواء محمد مصطفى الفخرانى بقرار تنفيذى رقم 8961 بتاريخ 8/1 / 2011

[ايهاب90]

مبروك يا استاذ أحمد وعقبال الناس اللى مستلمتش جواب تعينها

[ahmedzoer]

الله يبارك فى حضرتك وعقبال الجميع ان شاء الله
وعقبال لما المرتبات تظبط باذن الله

[abu adhm]

ألف مبروك و مبروك لكل كفر الزيات و عقبال إدارة زفتى

[malkhamza]

الف مبروك ممكن ترفع لنا صورة الجواب بعد اذنك
وحضرتك من ادارة ايه بالظبط

[monaabdelaziz84]

حضرتك استلمت جواب التعيين ولا لاء ؟

[يارا العيسوى]

يعنى القرار دة يطبق على المحافظة كلها ولا اية اا ادارة سمنود

[amo2000]

الفين مبروك وعقبال ادارة غرب طنطا

[ahmedzoer]

ياجماعة انا من ادارة كفر الزيات وكنت كل يوم بتابع مع التعينات عندنا وكان كل يوم يطلعوا بحجة شكل واخر حاجة انهم قالوا ان الورق عند المحافظ ومنتظرين امضاءة
المهم بالصدفة اليوم بسئال قالولى لسى القرار التنفيذى بتاع المحافظ واصل امس وهما اليوم بالفعل تم البداء فى تنفيذ القرار
واخذت جواب موجة الى مدرستى مكتوب فية ان السيد فلان الذى يعمل بوظيفة كذا قد تم تعينة على وظيفة معلم تخصص كذا
وهذا للعلم الى ادارة المدرسة وعلى المسئول عن شئون العاملين بالمدرسة بعمل اخلاء طرف بتاريخ 30/6/2011 من اصل وصورة
بوظيفة معلم مساعد
وعمل اقرار قيام بالعمل بتاريخ 2/7/2011 الموافق يوم السبت على وظيفة معلم مع العلم ان يوم 1/7/2011 يوافق يوم الجمعة وهو اجازة رسمية
دة كان جواب موجة للمدرسة ومعاة 3 ورقات الورقة الاولى مكتوب فية القرار التنفيذى بتاع المحافظ وهذا القرار هو المهم وهو الذى يطبق على جميع ادارات محافظة الغربية بمن فيهم كفر الزيات وهذ القرار التنفيذى برقم 8961 بتاريخ 8/1 / 2011
ان شاء الله بكرة احاول ارفع لكم الاوراق كاملة باذن الله
ومرة اخرى للجميع المهم هو رقم القرار التنفيذى

[الاستاذ المحترم]

الف مبروك يا استاذ احمد
بس كنا عاوزين نعرف بس هما كل اللى نزل اساميهم وقدموا ورقهم للتعين جالهم فعلا قرار التعيين ولا هما بيبعتوا بناءا على ايه ؟؟؟؟؟؟؟؟؟؟؟؟؟؟

لان انا فى ادارة غرب طنطا اتبعت لزميله ليا وفى كتير لسه متبعتلهمش بس مش عارفه ايه السبب ؟

[aymanghonam]

حدث فى بورسعيد
**********
كما تعلمون تم الاعلان عن اتوبيسات للسفر الاربعاء الماضى مجانا
لمعلمى بورسعيد للانضمام لاخوانهم عند مجلس الوزراء فى الاعتصام
فلقدطلب المعلمين من نقيب المعلمين ببورسعيد أ/ على الالفى
توفير الاتوبيسات ودعمها من النقابة
وتفضل أ/ على الالفى بتوفير الاتوبيسات وبدون حد اقصى لنقل المعلمين للذهاب للاعتصام
لماذا لا تعمم الفكره
سواء اختلفنا او اتفقنا مع النقابة عندنا فحق المعلم على نقابته ان تدعمه
وبالتالى عند توفير اتوبيسات مجانيه
يمكن لضعف العدد الموجود امس او ضعفين ان يكونوا الاربعاء القادم
فحال كثير من المعلمين صعب عليه ان يتحمل مصاريف السفر
ولكن بدعم النقابة تحل هذه المشكله
وفحتى ان كنت مختلف مع النقابة والنقيب فهذا حقك
فنحن الان بخندق واحد ويجب التضامن مع الكل لتحقيق اهدافنا بعيدا عن الاختلافات
وستظل الاختلافات موجوده ولكن لنؤجلها قليلا حتى بعد العصيان المدنى
فشكرا لنقيب المعلمين ببورسعيد وادعو كل نقيب بالمحافظات حذو حذوه

[ahmedzoer]

استاذى الفاضل اللى مكتوب فى القرار التنفيذى بتاع المحافظ ان كل اللى امتحن الكادر بتاع شهر ابريل ونجح يتنفذعلية القرار
وكان حوالى 3663 مش متذكر الرقم الصحيح بتاع اللى يطبق علية القرار عموما ان شاء الله رة راح ارفع لكم الاوراق باذن الله

[ahmedzoer]

1-
دة الجواب الموجة الى المدرسة طبعا انا مظلل الاسماء





2_
دة المهم وهو قرار المحافظ واللى المفروض جميع ادارات محافظة الغربية تقوم بتنفيذة

[ايهاب90]

مبروك وعقبال الناس اللى لسه مستلمتش جواب تعينها

[malkhamza]

ازاى الكلام دة اطبق فى كفر الزيات ومتطبقش فى ادارة شرق ولا غرب طنطا

فى لغز اى حد يوضح ياجماعه