حاسبات ومعلومات حلوان ّّّّّّأجمع بسرعة

[mohamed yhia]

انا الحمد لله جاتلى حاسبات و معلومات حلوان فياريت الى يعرف حاجة عنها يقول من حيث مصاريفها و اقسامها وكمان عايز اعرف معلومات عن (قسم هندسة البرمجيات )
واية هو مجال شغلة وهو متوفر شغلة ولا اية

[mohamed yhia]

اية يا جماعة فين الردود ارجو الرد من الاخ العضو Eng. Alios

[Neno0o]

انا الحمد لله دخلت حلوان
و هندسة برمجيات بى 7 الاف فى السنة

[hesham57]

ياريت والله نعرف اكتر معلومات ممكنه عن القسم ده انا دخلت حاسبات حلوان عشان القسم ده

[وردتك ايه]

انا برضو حلوان والحمد لله .... بس مصاريف ايه اللى بتتكلموا فيها ... هى بتبقى اربع اقسامـ صح ،،، ومفيش منهم بفلوس
7000 ليه ماروح معهد العبور هندسة احسن ب 6000

[~: Zac :~]

الأول الف مبروك ليكم وان شاء الله تنورونا في كليتنا وتتفوقوا فيها

ثانيا بالنسبة لـ Eng. Alios هوا كان فعلا مخطط انه يدخل حاسبات حلوان وجمع عنها معلومات كتير وعن بافي حاسبات مصر بس في الاخر مدخلهاش وحول لكلية تانية

ع العموم - ثالثا - .. بالنسبة لحاسبات حلوان ففيها تلات اقسام .. CS , IS , SE

والتخصص من سنة تالتة معادا الsoftware engineering ف دا من اول سنة ودا قسم خاص وزي ماقولتو مصاريفه في حدود 7000 .. بصراحة انا لحد دلوقتي مش عارف ايه الفرق لان ف اول سنتين كان مواد كتير متشابهة يمكن كانو بيركزو على العملي اكتر من العادي بس ف رأيي ورأي ناس كتير ان الفرق مش كبير لدرجة كبيرة بالنسبة لاول سنتين .. بس ملحوظة .. مش شرط ان القسم الخاص اللي بفلوس يكون احسن من العام اللي مش بفلوس .. مش شرط نهائي .. حسب كل واحد عاوز ايه .. واقسام ال CS , IS حلوة جدا بردو ... وفيه اخبار عن ان فيه قسم IT هيتفتح .. بس امتا بقى الله اعلم .. مفيش اخبار اكيدة ..

بالنسبة للمصاريف ف مش متذكر بصراحة بس معروف عن حلوان انها من اكتر مصاريف الكليات ف مصر .. احنا ف اولى وف تانية مش متذكر المصاريف بالظبط بس فاكر ان ف اولى -أو- تانية كانت المصاريف 245 تقريبا .. وف السنة التانية مش فاكر اعذروني مش بفتكر الحاجات دي :D


بالنسبة بقى لمجالات الشغل .. لازم الاول نعرف ان الكلية مش هتخلي حد يشتغل .. الكلية بتأسسك في المجال اللي عاوزه .. وهتحتاج تتعب كتير عشان تاخد خبرة اكتر ومهارات اكتر سواء تدريب او كورسات او سيلف ستدي .. وانا بنصحكم تبدأو سيلف ستدي من دلوقتي عشان هيساعدكم جدا ان شاء الله .. كل الافسام شغلها متوفر جدا ومطلوب جدا جدا بشرط التفوق في المجال طبعا .. محدش يعتمد على انه هيدخل قسم ويدرس فيه يبقى ضمن الشغل .. مش هقدر انصحكم بقسم معين لإن دا بيعتمد على ميول كل واحد .. والتلاتة فعلا دراستهم ممتعة جدا و مجالاتهم ممتازة جدا والوظايف كتير جدا وباسعار كويسة جدا جوة وبرة .. فبلاش نقلق من موضوع القسم وكدا ..

وع فكرة ممكن تبدأو في الشعبة العامة عادي ولو لقيتو ميولكم لهندسة برمجيات تقدرو تحولو ليها .. هوا دا حصل في دفعتنا فياريت تبقو تتأكدو من الكلية الأول ..

ومتقلقوش ف الكلية النظام مريح جدا واي حاجة هتحتاجها اي معلومة اي شرح لاي حاجة هتلاقي ناس تساعدك دايما على عكس ماناس كتير بيتصورو قبل ميدخلو كلية .. ولو ان فيه شوية عيوب كدا اسيبهالكم مفاجأة ف الكلية احسن :D


وبالنسبة لتخصص كل قسم فهو زي ما قال Eng. Alios في موضوعه
http://thanwya.com/vb/showthread.php?t=151552

...... بالتوفيق ان شاء الله للجميع ..