يوم الاحد يا معلمين المساعدين البحيرة

[tamershrif]

طبعا كنت فى اشد الحزن عندما ذهبت الى الادارة يوم الاربعاء ووجد اسماء الحصة والمعلمين المساعدين الذين لم يمتحنوا الكادر ( طبعا ألف مبروووووووووك ليهم ) ولكن من حقنا ايضا ان نفرح مثلهم وكان نفسى ان يكون اسامينا معاهم ولكن عندما سألت فى الادارة قالوا لى انتم بعد اسبوعين ليه والف لية هو احنى ولاد البطة السودة ولهذا قررنا نحن جروب معلمين مساعد ابناء البحيرة على صفحة الفيس بوك ان نقف وقفة رجولية معروف بها ابناء البحيرة يوم الاحد امام مبنى المحافظة لاننا علمنا ان الذى مأخر الاسامى ان تصل الادارات هو أمضة المحافظ فيجب على الجميع الوقوف بجانبنا لنكون يد واحدة لتحقيق حقنا الشرعى فى التعين بصورة تليق بنا كمعلمين ولكم الشكر

[tamershrif]

فين الررررررررررررررررجججججججاااااللللللللللللللةةةةةة ةةةةةةةة

[يثرب28]

صحيح انا مش من الرجالة بس تقدر تقول انى بألف راجل
بس عاوزة اعرف انت ادارة ايه وتعاقد وكادر سنة كام

[tamershrif]

طبعا الف راجل لانك من البحيرة وانا ادارة مركز كفر الدوار تعاقد 2004 وكادر 4/1 ومستنى الفرج من الله

[hayat elroh]

واحنا معاك طبعا يا استاذ تامر

[tamershrif]

بالتوفيق لينا جميعا

[dody sharazad English teacher]

انا معاكم ان شاء الله

[msaleh2000]

الكلام اللي انا عرفته من ممدوح مطر بلسانه
ان اللي جت اسماء المعلمين بالحصة عشان هما عملوا دوشة
والمحافظ حب يسكتهم خصوصا ان فيه انباء انه ممكن يتغير
عشان لما سبق اني قلت قبل كدة اننا لازم نطالب بحقنا
الناس قالت استقرار وصبر وكلام فاضي من ده
وانا كنت متوقع كده
بعد كده اللي عايز حقه يطالب بيه بنفسه
عشان الحكومة بتاعتنا مش بتدي حاجة من نفسها
علي رأي المثل..(الحداية مش بتحدف كتاكيت)

[يثرب28]

علي فكرة يااستاذ تامر انا كمان تعاقد 2004 وكادر 1/4
وعشان كده بقولك تفائل انشاء الله خير
وبعدين انت من كفر الدوار يعنى احسن ناس

[tamershrif]

شكرا لك اخت يثرب بس الواحد من كتر الوعود الكاذ بة من المنافقين الواحد مبئاش يصدق احد من المسئولين خالص وان شاء الله فيه خير انا عارف بس الانتظار وحش

[يثرب28]

يا استاذ تامر مفيش دخان من غير نار حفرض معاك ان البشري اللى وصلتنى دى مش اكيد وصاحبها غلط فيها
بس علي الاقل زميلنا في المنتدى في المحافظات التانية بيقولنا انهم شافوا اسمائهم بعينهم وتانين بيقولوا انهم استلموا الجوابات للتعيين يعنى انشاء الله في امل وبعدين متنساش ان حال البلد لسه مقلوب يعنى المسئولين دول الله يكون في عنهم
واحنا في عندنا كلام احسن من محافظات مفيش عنها حس و لا خبر
ابشر

[tamershrif]

شكرا لك انت من ادارة ايه

[يثرب28]

المشاركة الأصلية كتبت بواسطة tamershrif

شكرا لك انت من ادارة ايه

ادارة ادكو علما انى من اسكندرية وكل يوم اسفر لادكو

[sir_belal]

يا جماعه انا تعاقد 2009 وامتحنت كادر 1 -4 ونجحت واسمي نزل مع زملائي المتعاقدين يوم الاربعاء في ادارة حوش عيسى والناس بتوع الحصة اسمائهم نزلت كمان ومتعلقه في كشوفات في الادارة مبروك للجميع ............................................ز

[يثرب28]

ا/ بلال هو انت عامل مشاركتين عكس بعض ولا ايه انا مش فاهمة حاجة حبة تقول مبروك للجميع وحبة تقول كارثة منكوبي البحيرة
ارجوك وضح علشان نفهم؟