المعلمين وحافز الاثابه 200%

[ishish333]

كل الوزارات وصله منشور لصرف الحافز 200%كاملا ما عدا التربيه والتعليم
نشر اليوم في جريدة اليوم السابع خبر عن ذلك هذا جزء منه

وأرسلت الوزارة العديد من الفاكسات إلى مديريات التربية والتعليم تقترح العديد من المقترحات الخاصة بصرف هذا الحافز وهى بالنسبة للإداريين يتم إدخال مكافأة الامتحانات والتى تمثل نسبة 83% عند توزيعها شهريا، بالإضافة إلى 25% ثم تقوم الوزارة باستكمال نسبة 200%، وبذلك تكون الزيادة 92% فقط.

وبالنسبة للمدرسين سيتم استكمال ما يحصل عليه المعلم من كادر إلى 200%, مما أثار غضب العاملين بالتعليم وقرروا البدء فى إضراب عام عن العمل اليوم، الخميس، على مستوى المديرية والإدارات والمدارس، مطالبين بالحصول على حافز الإثابة 200% بدون قيود أو تدخلات

سكوت موظفي التربيه والتعليم المستمر عن حقوقهم جعلهم بني ادمين درجه تانيه في نظر الحكومه والمحتمع حتي الطلبه مبقوش يحترموهم مما افقدهم كرامتهم ووضعهم الاجتماعي والمادي اصبع متدني للغايه لدرجة ان عامل الدرجه السادسه حديث التعيين في اي وزاره اخري الصبح افضل من المعلم الذي يعتبر في الدول المتقدمه من افضل الاوضاع الاجتماعيه والماديه وذلك يرجع الي
1 - ضعف نقابة المعلمين بل ان كثير من المعلمين لا يعرفون حتي اسم نقيب المعلمين.
- 2 فرقة المعلمين وعدم اتفاقهم وعدم وجود روابط لهم
3-تخاذل المعلمين وعدم مشاركتهم الفعاله في الاحداث عامه بل انهم يشاركون بالكلام فقط من وراء شاشات الكمبيوتر
اليكم رابط الخبر
http://www.youm7.com/News.asp?NewsID=454598

[monamode]

طب انت زعلان من ايه مش فاهمه ؟؟؟؟؟؟؟؟؟
انا فهمت ان الادارين هياخدو 92 %
والمدرسين 200% حسب اساسي كل واحد وكله هياخد عقد او معلم مساعد او تعين بس طبعا المكافاه الشامله او الي بالاجر لا لان دول ملهمش ف الكادر

انت زعلان ليه ؟

[monamode]

وفين اللينك اصلا

[monamode]

الاهم من ده كله بقي ان مدير مدرستنا بيفشر ويقولنا 70 % بس الي هياخدو الاثابه دي و 30 % لاء وهو هيكتب اسمائهم ع اساس انهم مبيشتغلوش ( للعلم انه راجل مش كويس وبياخد فلوس وزمته واسعه ) تقريبا والله اعلم عاوز يضرب الباقي في جيبه

[ishish333]

المشاركة الأصلية كتبت بواسطة monamode

طب انت زعلان من ايه مش فاهمه ؟؟؟؟؟؟؟؟؟
انا فهمت ان الادارين هياخدو 92 %
والمدرسين 200% حسب اساسي كل واحد وكله هياخد عقد او معلم مساعد او تعين بس طبعا المكافاه الشامله او الي بالاجر لا لان دول ملهمش ف الكادر

انت زعلان ليه ؟

المعلمين حياخدو 200% ناقص الكادر والحافز القديم يعني بعض المعلمين لن يستفيدو اصلا من هذه الزياده

[ishish333]

معلش مدير المدرسه بتاعتكو مش فاهم حاجه وهو اول واحد لن يستفيد من هذه الزياده لان مجموع الكادر + الحافز القديم يعادل الـ200% بالنسبه له

[monamode]

المشاركة الأصلية كتبت بواسطة ishish333

معلش مدير المدرسه بتاعتكو مش فاهم حاحه وهو اول واحد لن يستفيد من هذه الزياده لان محموع الكادر + الحافز القديم يعادل الـ200% بالنسبه له

ihhhhhhhhhhhhhhhhhhhhhhhhhhhhhhhhhhhhhhhh
ربنا يبشرك بالاخبار الحلوة ويسمك من بقك ربنا
اه انا كده فهمت قصدك
طب انا معلم جديد تعين جديد هو الكادر بتاعنا 100 % ولا 50 %

وانا كده فهمت ان كل ما الواحد بياخد كادر اكتر كل ما مش هياخد من الاثابه لانه هيكون حصل ال 200 % وكل ما كان اقل كل ما اخد فلوس اكتر عشان يحصل ال 200 %

[ishish333]

المعلم حديث التععين بياخد كادر 100%

[ishish333]

[quote=monamode;3683715] ihhhhhhhhhhhhhhhhhhhhhhhhhhhhhhhhhhhhhhhh
ربنا يبشرك بالاخبار الحلوة ويسمك من بقك ربنا


شكرا علي هذا الذوق وربنا يسامحك علي هذه الشتيمه يا Monamode

[mima2005]

ده اصلا الواحد بعد حافز 25 % وكادر 50% وكادر امتحلن 50% كمان وبياخد كله على بعضه 520 جنيه بعد 7 سنوات عمل ودورات تدريبية بالمرتب بتاع ال7 سنوات كله يبقى باقى ال 200 % ده هيعمل ايه حسبى الله ونعم الوكيل وقال بيقولوا نستفيد من خطة ماليزيا فى تنمية الدولة طيب ماليزيا وقفت كل اموال الدولة لتنمية التعليم احنا بقى بنهد التعليم علشان عجلة الانتاج تمشى لان الثورة بتوقف العجلة طيب ومالوا هما ما سمعوش ان العجلة من الشيطان ولا ايه

[امجد7007]

رجاله وتحية لمحافظة الغربية وانشاء الله باقى المحافظات على نفس الطريق
دى لايمكن تكون حكومة ثورة انا حاسس انى لسة عايش فى ايام احمد زكى بدر
لا يمكن الوزارة تقدر على ثورة المعلمين ضد الاهانة والظلم

[jamyka]

يا استاذ نا انت بتكلم فى مين لو عملو فينا اكتر من كده مفيش حد هيتكلم خالص والله نستاهل كل اللى يتعمل فينا وسلم على التربية والتعليم

[زكى أحمد]

المشكلة :
( محدش عارف أى حاجة ) !!!!!!!!!!!!!!!!!!!!!!!!!!!!!!!

[محمد السويركى]

والله الواحد ماعاد له نفس ولا عاد عارف يقول حاجة

[محمد السويركى]

وعود فى وعود
ويوم ما الوعد يتحقق يطلع فشنك