خاص..عبدالواحد يطلب الرحيل عن الزمالك بسبب هجوم الجماهير

[Mohamed_MA]

طلب عبدالواحد السيد حارس مرمى فريق الزمالك من رئيس ناديه جلال ابراهيم الرحيل عن النادي.
وكانت مشادة حدثت خلال مران الزمالك الجمعة بين وحيد واحد مشجعي الفريق الذي انتقد الحارس لتسببه في هدف الاهلي الاول لمحمد ناجي (جدو) خلال مباراة القمة الاربعاء مما جعله لا يكمل المران.
وأفاد مراسل Yallakora.com بأن وحيد اتصل هاتفياً عقب مران الجمعة برئيس النادي جلال ابراهيم وطلب منه الرحيل عن النادي، ومتمنياً أن لا تسوء علاقته بجماهير الزمالك في نهاية مسيرته كما سبق وحدث لحازم امام ومحمد ابو العلا.
وأضاف الحارس خلال حديثه مع ابراهيم بأن كل اللاعبين يخطئون وليست المرة الاولى التي يحدث فيها هذا الامر، مطالباً الجماهير بعدم تحميله مسئولية التعادل مع الاهلي.
وتعادل الزمالك 2-2 مع الاهلي في الجولة رقم 27 من عمر الدوري المصري ليفقد الفريق فرصة تضييق فارق الخمس نقاط مع الاهلي المتصدر قبل 3 مراحل من نهاية الدوري.
وانتقدت جماهير الزمالك امام وابو العلا في نهاية مسيرتيهما مع الفريق قبل أن يعتزل الاول وينضم الثاني لصفوف فريق الانتاج الحربي.
من جانبه طالب ابراهيم لاعب فريقه بعدم الالتفات للانتقادات والتركيز مع الفريق، واصفه بأنه افضل حارس مرمى في مصر الآن.

[الحلـم المستحيل]

الزمالك هيخسر كتير لو عبد الواحد مشى

[Mohamed_MA]

كدا كله هيمشى شيكا وبعده عبد الواحد ويا تري مين اللى بعده

[بنت الزمالك]

وحيييييييييييييييييييييييييييييييييييييييييييييييي ييييييييييييييييييد مش هيمششششششششششششششششششششششششششششششششششي

[Bent 3bdo]

التصريح الرسمى لوحيد بعد اى بطوله يكون هو السبب ف ضياعها
مع الف سلامه

[samiro]

بصراحه الجماهير معذورة يا جماعه مستواة قل اوى اوى اوى اوى فوق الوصف افتكرو كلككو وحيد سنة 2002 بعد 10 سنين يبقى مستواة كده مع اان المفروض يحصل العكس لان الحارس كل لما يكبر مستواة وخبرتة تزيد انا شايف الناس اللى بتهاجمه معاها حق ودى وجهة نظرى

[Mohamed_MA]

وانا معاكو ان عبد الواحد سئ جدا جدا بس مفيش غيره نعمل ايه

[shika2011]

انا هقولكم علي حاجه ومتأكد انكم مش هتوافقوني الراي فيها
وهي ان عبد الواحد السيد بيظهر تألقه مع الزمالك لما بيكون الزمالك مش حلو
او بمعني اصح لما بيكون الفريق المنافس بيهاجم بقوه ساعتها بيبقي 100/100
لكن لما بيكون مفيش خطور كبيره اوي علي المرمي اسهل كوره لو اتشاطت عليه
تدخل جون بكل بساطه اكيد طبعا هتقولو يعني الاهلي مكنشي بيهاجم اقولكم
الجون اللي هو غلطه عبد الواحد كان في الشوط الاول والشوك الاول ده الاهلي تقريبا
شاط كورتين بس علي مرمي عبد الواحد وطبعا منهم الكوره اللي جت جون بس هو ده اللي كنت حابب اوضحه
والمفروض برضه يدو فرصه لجنش بدل مايعمل زي الباقي ويطلب الرحيل هو كمان

[Super Teacher]

المشاركة الأصلية كتبت بواسطة bent 3bdo

التصريح الرسمى لوحيد بعد اى بطوله يكون هو السبب ف ضياعها
مع الف سلامه

انا بصراحة مبحبش عبد الواحد لانه مبيحبش حد كويس معاه في الزمالك ولو جنش اخد الفرصة على طول عبد الواحد هيثير المشاكل.

لك الله يا زمالك