no thing impossible

[dr\villa]

سلام عليكم
انا مش بدخل هنا كتير ولا في مكان ان اقول نصيحه لحد ,,, انا زي زيكوا يعني ,, اكبر منكوا بكام سنه

بس بصفتي مريت بالثانويه والقرف ده

والله والله وعن تجربه شخصيه ,,, مفيش حاجه مستحيل و محدش يقول الوقت وفاضل شهر والكلام ده

والله والله انا كنت افشل مما تتصوروا ,, اللي في الا بتدائي ممكن يكون بيذاكر اكتر مني

كنت بذاكر حوالي 3 او 4 ساعات في الاسبوع ,,, والله بجد

ومر علي امتحانات في الثانويه دي ,,, كنت بذاكر اكتر من ربع الماده لأول مره ليله الامتحان !!
وماده مثلا زي الفلسفه ذاكرت 75% منها لأول مره ليله الامتحان !! مع العلم كان عندي امتحان احياء ليله امتحان الفلسفه !!

صحيح ,, ان الايام دي اسوأ ايام حياتي
صحيح ,,, ان عمري ما هنسي الايام السوده دي

بس الحمد لله ,, أديني عايش و دخلت بشري الحمد لله

مفيش حاجه مستحيل وربنا ,,, لو ذاكرت من أول النهارده المنهج من اول وجديد بتركيز وتتعب شويه
هتلم نفسك وهتجيب مجموع ,,,

واللي ذاكر وفاضله اجزاء وبيقول مش هيلحق ,,, والله لو ركزت هتلحق

يا جدعان والله الموضوع ابسط مما تتخيلوا ,,,
انا لو جبتلك اي ماده في 3 اعدادي وقولتلك قدامك يومين ,,هتخلصها وهتجيب الدرجه النهائيه
عشان مفيش ضغط عليك ومستسهل الموضوع

حاولوا ميبقاش فيه ضغط والموضوع سهل ان شاء الله

بالتوفيق يا جماعه

[ranmory]

strange strange
ممكن اكون معاك لانى السنه دى كنت ضايعه ف التاريخ و الفرنش و عرفت المهم ف 5 ايام
و شكرا على النصيحه دى

[ايه سيد]

شكرا على النصيحه بس انا مبعرفش مدغطش على نفسى خوفى من الماده وتقلها مخليانى مرعوبه بطريقه فظيعه ومش بقدر اذاكرها وربنا يستر

[ThèGôldènBôy]

اخيرا كتبت موضوع تاني يمكن يفيدنا

انا شفت موضوعك الي هو مذكرات طالب فاشل

فعلا دة الي كان بيحصل معاك بالظبط في الثانوية؟؟ ولا كنت بضيف حجات علشان تكون مشوقة؟

انت يمكن مش بتذاكر كتير بس بتكون مركز مع الشرح

وانت كنت متفوق في الاعدادية ولا لا؟

[dr\villa]

* Pody_2017

لي عوده للتعليق ,, رايح الكليه ناو
:D

[شيماء2020]

ياااااااااااااااه
حضرتك فائلتينى جدا
الف مبروك على دخولك لكلية الطب
اكيد فرحت جدا بعدها
بس الكلام اللى قولتله انك مذاكرتش غير اخر شهر
كان فى سنه 2 ولا 3؟؟

[شيماء2020]

بس عاوزه اسأل حضرتك على حاجات
انت فى الشهر الجميل دا كنت بتذاكر اكتر الصبح ولا بتسهر؟؟
يعنى كنت بتذاكر من كام لكام
وبتصحى الفجر؟
و كنت بتذاكر وفى نفس الوقت بتروح الدروس ولا قطعت من الدروس
وكنت بتنام بمعدل كام ساعه
ولما تقابلك حاجات صعبة و تحس ان الوقت فات والمفروض كنت تذاكرها من الاول
كنت بتعمل ايه عشان تشيل الاحساس دا
خصوصا بنلاقى فى اخر الشهر الامتحانات العملى بدأت وبيظبطو اللجان و بيبقى فى رعب
؟

[داندن]

بجد ربنا يخليك على كلامك ده
يعني انا قرات كتير مواضيع زي دي
بس انت جبت من الاخر
انا باكد معاك يا دكتور (عقبالي يا رب)
اننا لو فرغنا كل طاقتنا الشهر ده في مذاكرتنا
هنوصل لحاجة باذن الله عمرنا ما كنا نتيلها
نعمل اللي علينا واللي جاي بعد كده بقى مش بتاعنا ولا بايدينا ده بايد ربنا
يلاااااااااااااااااااااااا ما نضيعش ولا ثانية
تقبلوا مروري

[رقيه.]

بجد حضرتك طمنتني جدا ،انا باذن الله هحاول اني استغل الشهر دا وربنا معانا جميعا

[شيماء2020]

وكنت بتذاكر القصة ازاى لانها بتحتاج وقت طويل جدا
و لو حضرتك كنت عملت كدة فى الشهر الاخير بتاع سنه 2 طب فى 3 ذاكرت من الاول؟
و لو كنت عملت كدة فى الشهر الاخير بتاع سنه 3 طب كنت جايب كام فى سنه 2؟؟
ولا عملت كدة فى السنتين؟

ارجو الاجابة
منتظراها بفاااااااااااارغ الصبر

[dr\villa]

انا عملت كده في السنتين بس ثالته كان الضغط اكبر !!

المشكله عندي (مش عارف عندكوا بردو ولا ايه ) ان انا ما بذاكرش غير لما يكون فيه امتحان واحس ان الوقت بيضيع !!
طول ما فيه وقت ,, يبقي انا نايم وما بفتحش كتاب !!

انا كنت بصحي كل يوم الساعه 9 (بصلي وافطر وكده) ببدأ مذاكره علي الساعه 10 ل 12 ,, كنت بخلص يونيت انجلش في الوقت ده

بقعد بعد كده علي النت شويه او اعمل اي حاجه وبتغدي وببدأ تاني الساعه 3 ل 5 كنت بخلص درس فرنساوي

بعد كده بروح الدروس ,, برجع البيت وببدأ تاني علي الساعه 9 كميا ,, لحد ما انام ,, كنت بنام علي 1 او 2 بالكتير

الكميا كنت عاملها جدول :
عملت للعضويه 4 ايام
عملت للباب السابع 2 ايام
الباب السادس يوم واحد
الباب الخامس 3 ايام
الباب الرابع 2 ايام
ـــــــــــــــــــــــــ
اول 3 ابواب كنت مذاكرهم اول السنه ,,, مخدوش وقت كتير !!

سمعت ان الباب التامن اتلغي من عندكوا !!

الكميا فنشتها في 22 يوم ,,, كنت كل يوم بذاكر (زي ما قولت من 9 لحد ما انام )

الماس ,, بالنسبه لي مكانش بيحتاج مذاكره
__________________

العربي ,, سبت ليه حوالي 18 يوم قبل الامتحان
وفضيت نفسي والحمد لله فنشته قبل الامتحان ب 3 ايام
ودخلت الامتحان عادي وربنا وفق الحمد لله

ده بالنسبه لسنه تانيه !!
ــــــــــــــــــــــــــــــــــــــــــــــــــ ــــــــــــــــــــــــــــــــــ
اهم حاجه محدش يوتر نفسه ويعمل جدول هيقدر ينفذه ,,, مش يعمل جدول صعب ويضغط علي نفسه و في الاخر ما يعرفش يذاكر !!

,, بالنسبه للجدول ,, اعمل جدول علي قد قدراتك وعدد ساعات مذاكرتك بحيث انك تقدر تخلص كل حاجتك في جدول زمني معين (مثلا الكميا 22 يوم)
ومينفعش تكسل مره وتبوظ الجدول ,,, الوقت لا يحتمل !!

بالتوفيق

[إسلام صبري]

اولا الترجمة
يعنى فى حاجات كتير فيها ترجمة مش عارفة احفظ من اى صراحة
مظرة انى امشى مع درس الكمياء
فى حاجات كتير عايزة اذاكرها
اه بالنسبة لانجلش ملحوش حدود هم ما يتلم ملحقاقة عليه

[NoNa_Nup]

شكرااااااا ليك بجد طمنتنى جدا لانى مترددة انى ادخل علمى اصلا لأنى مش بعد على المزاكرة كتير بالذات السنة دى..
والجدول اللى كنت ماشى علية كويس جدا ومش مضغوط ربنااا يسهلناا يادكتور ونحقق اللى نفسنا فيية
.
. بس كنت عايزة اسألك
انا سعاات مثلا لما ازاكر اللاقى سؤال صعب عليا يعقدنى من المزاكرة كلها واقوم واسيب الكتاب فلو كان بيمر عليك كدة كنت بتعمل ايية ؟ ؟

[hala azzam]

يا حماعه كل الكلام اللي انتوا بتقولوا عليه ده حلو بس المشكله ان انا زهقت جدا معتش عارفه ابص في كتاب

[ThèGôldènBôy]

المشاركة الأصلية كتبت بواسطة hala azzam

يا حماعه كل الكلام اللي انتوا بتقولوا عليه ده حلو بس المشكله ان انا زهقت جدا معتش عارفه ابص في كتاب

على فكرة موضوع الزهق دة بقى كتير اوي انا في 1 ثانوي بس اعرف ناس اتخلصو من المشكلة

وناس كتير زهقت في اخر شهرين بس في الي لقي حل وناس فضلت كدة لحد اخر يوم

بيقولو ان السبب انك بداتي بجد كبير بداتي بحماس كبير وفضل يقل لحد لما اختفى

والحل انك تبداي تصلي وسيبك من القلق الي انتي فية كانك لسة هتبدئي السنة من جديد وراحة نفسية

بس مش كتير علشان الدروس متتراكمش عليكي وتبدئي تذاكري الحجات الي انتي بتحبيها

وبعدين ان شاء الله ترجعي زي الاول واحسن كمان المهم يكون في ثقة كبيرة والصلاة وقراءة القرأن

واستشيري ناس بردو عندهم خبرة في الثانوية

ربنا معاكم ياااااااااااااااااااااااااااااااااا رب