كارت احمـــــــــــر لمعلمى الحصة فى 1/5 فى البحيرة

[مستر الشرقاوى]

لقد أتصل بى صديق اليوم و أبلغنى بأن مدير المدرسة طلب منه انه يعمل امتحانات الترم الثانى لإنه هيتفصل يوم 1/5 . و علشان يتأكد راح الإدارة وأكدوله ان مدرسين الحصة هيتم اللإستغناء عنهم فى 1/5 .هل الكلام ده هيتنفذ و لا . وهل فى البحيرة فقط ولا لكل المحافظات . وايه المفروض يتعمل علشان ما ينضحكش علينا

[أحمد جودة3]

الحركة الزبالة دى عملوها معانا كتييييييييييير فى القليوبية
كأننا عبيد عندهم الله يحرقهم

[hossammero]

الايام دى كله جايز .....
لذلك .....
أتمنى من الجميع ان يسارعوا فى الانضمام جروب ( مدرس بالقلم الرصاص ) بكامل الاعضاء المشاركين به وهو من أكبر الجروبات من حيث الاعضاء يؤيد ويقف وقفه واحدة للحصول على حق المعلم المسلوب ... كما اتمنى من الجميع عدم السكوت والتعاون لنكون قلبا واحدا حتى نحصل على حقنا المشروع ووضعنا فى مكانة المعلم المناسبة ... ( قف للمعلم وفه التبجيلا ... كاد المعلم أن يكون رسولا ) http://www.facebook.com/home.php?sk=...913864265&ap=1

م

[Mr Amrooo]

اعتقد والله اعلم ان هذا لن يتم ان شاء الله هذا العام
على الرغم من انه كان يتم قبل ذلك

[amira habiba]

اللى حصل السنة اللى فاتت ان شهر خمس اتلغى اصلا من رصيد الحصص و مش اتحسب لنا فى الفلوس
الله اعلم بقى ايه اللى هيحصل السنة دى

[مستر الشرقاوى]

وهو ديه اللى هيحصل السنة ديو انت لو بتحسب اللى بنأخذه من العمل بالحصة هيكون بخسارة مش مكسب دا الواحد لو بيشتغل اى وظيفة غير التدريس و لو كانت حرة كان جـــاب مرتب يكفيه و يصرف منه بدل الاهانة أم 110 جنيه و لكن خريج التربية هيشتغل ايه غير التدريس

[omzeyad]

في محافظة أسوان عملوا تعاقدات للعامليين بالحصه اكثر من ثلاث سنوات وفعلا شفتهم بيعملوا الاجراءات للتعاقد معهم

[mhyo2008]

المشاركة الأصلية كتبت بواسطة مستر الشرقاوى

لقد أتصل بى صديق اليوم و أبلغنى بأن مدير المدرسة طلب منه انه يعمل امتحانات الترم الثانى لإنه هيتفصل يوم 1/5 . و علشان يتأكد راح الإدارة وأكدوله ان مدرسين الحصة هيتم اللإستغناء عنهم فى 1/5 .هل الكلام ده هيتنفذ و لا . وهل فى البحيرة فقط ولا لكل المحافظات . وايه المفروض يتعمل علشان ما ينضحكش علينا

وصل قرار الى محافظة الاسكندرية بابقاء جميع العاملين ( بالمكافاة والحصة ومجلس الامناء ) فى عملهم (فى فصل الصيف ) حتى منحهم عقود عمل مميزة .

http://www.thanwya.com/vb/showthread.php?t=308692

[مستر الشرقاوى]

المشاركة الأصلية كتبت بواسطة mhyo2008

وصل قرار الى محافظة الاسكندرية بابقاء جميع العاملين ( بالمكافاة والحصة ومجلس الامناء ) فى عملهم (فى فصل الصيف ) حتى منحهم عقود عمل مميزة .

http://www.thanwya.com/vb/showthread.php?t=308692

شكرا على الخبر الجميــلو أتمنى أن يطبق فى البحيرة و فى كل المحافظات .

[ماهر قطب]

حد يعرف امتى يتم تنفيذ القرار 75 ............ولا الموضوع كان عشان السنة الدرسية تكمل على خير وبعد كدة تفرج

[مستر الشرقاوى]

الكل بيطالب بتنفيذ القرار

[Mr Amrooo]

الاجر يريد تنفيذ القرار

[ناجى اسماعيل عبد النبى]

فى الاسماعيلية بنجهز لمظاهرة للعاملين بالجر والمكافئة عشان ينفذو القرار75 والا مش هانخلى العملية تعدى كدة ويضحك علينا تانى

[داليا عبد الرحمن]

حتي لو قالولنا العقد انتهي مش نتقع ونسكت لازم نعمل مظاهرات ونطالب بحقنا في تنفيذ القرار وهنروح بأذن الله ف الصيف

[مستر الشرقاوى]

فعلا لازم يتنفذ القرار بتثبيت كل من مضى عليه 3 سنوات فأكثر و عمل تعاقدات لاقل من 3 سنوات حتى يكملوا الـــــــ 3 سنوات