|
||||||
| معرض الصور و التصاميم و الفنون المتنوعة ( ممنوع وضع مواد خاضعة لحقوق الملكية والنشر ) |
 |
|
|
أدوات الموضوع | انواع عرض الموضوع |
|
#1
16-02-2011, 09:29 AM
|
||||
|
||||
رسم الجدران .
بسم الله الرحمن الرحيم السلام عليكم ورحمة الله درس اليوم جميل وممتع ومفيد وطويل ومرهق بالنسبة لى لكن عشان عيونكم كله يهون ... أولا الجماليزم نسبة الى جمال على ....طبعاً تعرفون أنى أكره الكتابة . يعنى ما أعرفش أحضر أو أكتب عناصر الدرس فى ورق . بل من رأسى مباشرة إليكم مع الأستعانة بالصور التى أجمعها من الأنتر نت .وطبعا بأبقى عارف كل صورة موضعها فين فى موضوعى كوسيلة أيضاح للجزئية التى أشرحها .........أعتزر لكم لآن المفروض فيه رسمتين أو 3 تخطيطية وأنا مازلت فى قسمى بعدم الرسم 3 سنوات . باقى حوالى 5 أشهر وشوية أيام فكة . ------------------------------------------------------ على بركة الله نبدأ هذا الدرس جميل جداً وخصوصاً لأخواتنا الائى يعشقن عمل أشياء لتزين بيوتهن بأيديهن ...... معلش حأرجع للعامية المصرية لآنى بأعشقها شوف يا عم الحج وأنت مثلا تتصفح مجلة لاقيت منظر طبيعى يجنن أو فى الصور على النت أو أى مكان . المهم عايز يعنى ترسمها على الحائط فى حجرة الصالون أو الريسبشن . أو لاقيتها تنفع لحجرة حماده أبنك طيب صورها كام صورة على الأسكنر مثلا وأطبعا ..ماشى ......كويس قوى سيب واحدة خليها تبقى ماشق يعنى أصل وحافظ عليها نظيفة مفرودة خد نسخة وحددها بمستطيل وأرسم مربعات طول وعرض وليكن 1سم فى الهامش العلوى رقم من 1 الى ......حسب مقاس الرسمةالتى بالصورة يعنى .. وفى الهامش على الشمال رقم أيضاُ . أيوه زى الكلمات المتقاطعة --------------------------- عمنا !!! أنت معايا !!! طيب . روح قيس الحائط اليى أنت عايز ترسم عليه طوله وعرضه اليى هوا طبعاً إرتفاعه للسقف . ده لو حترسم الحائط بالكامل ولو مش بكامله .أستنى شوية لغاية ما تحدد منتصف الحائط طول وعرض طيب دلوقتى أنت علمت بالقلم خطين متقاطعية فى مركز الحائط بيحدده الطول والعرض . لو هترسم الحائط بالكامل هينفعوك لما تيجى تظبط الرسم الذى كبرته على الورق . ولو مش هترسم الحائط بالكامل قيس المربع أو المستطيل الذى سيكون به الرسم بحيث الخطين الذى رسمتهم ينصفوا المستطيل ط و ع . وبكده تضمن أن الرسم فى منتصف الحائط مضبوط ماشى الكلام .......صاحى والا عايز تنام ... ؟؟؟؟ لاء فوق معايا . ترابيزة السفرة تفضيها .عشان ترسم عليها . هات ورق الرسم وأفرده عليها شوف بقى المربعات فى الصورة كانت واحد سنتمتر تمام لما تيجى تنقلها على الحائط عايز تكبرها طبعا . بعملية حسابية منك يا قمر تعرف المفروض تكبرها بنسبة كام يعنى 1 الى 15 أو 1الى 30 ألخ يعنى كل مربع من الواحدسم نرسم على ورق الرسم مربع 15 سم أو 30 سم أو كذا ..ماشى __________________________ طيب يا حجنا . ريح نفسك وألصق فرخين ورق رسم بالطول مع بعض وأعتبره لوحة واحدة .وشوف الحائط يلزمه كام قطعة فوق وكام قطعة تحت مش قلتلك تنصف الحائط بخط رأسى وخط أفقى .نمر لوح الرسم عشان تبقى عارف مكان كل واحد فيهم فى ترتيب الشكل إجمالاً . نفترض الحائط هياخد 4 قطع . يعنى قطعتين ونحتيهم قطعتين . خلى بالك لما لزقنا الفرخين ببعض إعتبرناهم قطعة واحدة . ....طيب جميل قوى هات بقى يا قمر الصورة اليى رسمت عليها المربعات واتنيها مثلا أربع تربع وبالقلم الرصاص نمر المربعات يعنى هذا الربع وأخد مربعات رقم أيه وكبر الرسم يعنى تتبع خطوط الرسم بالمربع الصغير وأرسمه كما هوا بالمربع الكبير .... خلصت ربع . كبر الربع الآخر حتى تنهى تكبير الرسم كله . مبروك دى معجزة ياراجل . تعبتنى معاك .يعنى أفهم من كده أن الرسم الصغير ده كبر وبقى يكفى حائط ؟ سبحان الله .... ------------------------------------------------- - طيب يا حج .عايز تنقل الرسم على الحائط . فى طريقتين أنا تعلمتهم من زمان ولو أنى لا أستعملهم الآن . فأنا عقبال عندك أصبحت محترف . لاتؤاخذنى . المهم الطريقة الأولى : 1- التبغيش والتراب .... ايه زى ما سمعت كده . التبغيش يا قلبى أنك تجيب أبرة خياطة وقطعة خشب مناسبة لحجم أيدك . أمسك الأبرة بالزرادية من منتصفها وضه الطرف الآخر منها اليى فيه خرم الخيط يعنى ودق فى الأرض أو شيىء صلب . دلوقتى الأبرة رشقت فى قطعة الخشب . هات وسادة قطن وضع عليها الورق المرسوم . وأمشى عليه بسن الأبرة يعنى كل الخطوط تخرمها على مسافات متساوية بس ما تعملش خرمين لزقين فى بعض ..... خد الأجزاء وضبطها على الحائط وثبتها بدبابيس الرسم أو شريط اللصق .وبقطعة قطن مناسبة . تغمسها فى مسحوق الزهرة أو الأصفر الأوكسيد . وتمشى على خروم الرسم مسح مع الدق الخفيف وكل ما تحتاج أغمس القطنة فى البودرة سواء زهرة أو ..... المهم . بعد ما تخلص شيل الرسم الورق بهدوء وحنية من على الحائط أيه اليى أنتا شايفه قدامك ؟؟؟؟ نفس الرسم بس عبارة عن نقط باالتراب يعنى بالزهرة أو اكسيد ......... عارف ميزة الطريقة دى أيه ؟؟؟؟؟؟ لو مامتك أو حماتك أو أخوك أو .... عجبه إبداعاتك وطلب نفس الرسمة ساعتها هتبقى جاهزة عندك ولا ترسم ولا تكبر . ويبقى كل ما فى الأمر تضبط منتصف الحائط عشان رسمتك تطلع مضبوطة........ ------------------------------------------------------------- الطريقة التانية . ألصق أفرخ ورق كربون على ظهر الرسم أو على الحائط وثبت الرسم بتاعك على الحائط وأمشى عليه بالقلم. --------------------------------------------------------- طريقة الشبه محترفين ...... وهى يا عمنا إنك ترسم مربعاتك على الحائط نفسه . وتمسك فى أيدك القلم والأيد التانية الصورة التى رسمنا فيها المربعات ال1سم . وطبعا المربع اليى أنت شايفه فى الصورة 1سم هتنقله فى المربع الكبير المرسوم على الحائط . ____________________________________ طرق المحترفين بقى متنوعة شوية حسب حالة التفاصيل ودقتها أو صعوبة اللوحة........فيه طريقة المثلثات أو بيحدد أماكن الأشكال الرئيسية .ويعملها نسبة تقريبية للحيز الذى ستشغله .ويرسم فرى هاند ........ لاحظ أن تفاصيل لا يجب رسمها . لآنها لازم ترسم مع التلوين مثل السماء والسحب وحركة الأمواج ولحاء الشجر وورقه أيضا .وغيرها .....لآن الحاجات دى عايزة تسييح ألوان ومزجها ببعضها وهى رطبه ----------------------------------------------------------- طبعاً لما عجبتك الصورة كما قلتلك ومازلت أقول أن الرسم فكر وتركيز وتحليل وأستنتاج وتخيل وأبداع ...أكيد قعدت تفكر فى الألوان ويا ترى هذا اللون بيتركب من لون أيه وأيه وربما يتركب من 3 أو أربع ألوان .. يعنى أعتقد أنك حددت الألوان التى ستستخدمها .. طيب روح أشترى أنابيب الألوان ومخفف ومجفف وزيت رسم .............وفرش رسم مقاسات .مستديرة ومبططة . وسكينة بالته خلاص مستعد تلون ...... طيب لو ما ماعندكش بالته خشب .هات قطعة زجاج معقولة الحجم .وأعملها بالته ..... ضع اللون على البالته وعليه قطرة من الزيت ولا تنسى( المجفف) .أما المخفف حسب كثافة اللون التى تريدها . لون بقى وأبقى قلى عملت أيه . فيه حاجة مهمة . لو عايز تعمل لون بس محتار بيتركب من أيه .خد عينة بسكين البالته على مكان آلآخر وجرب تمزج معاه لون ترى أنه هوا الذى ستحصل به على الدرجة المطلوبة ولو مش هوا أو محتاج لون آخر فكر وتوقع اللون المفقود وخد من العينة وضيف اللون المقترح لو بيقرب من اللون المطلوب ماشى ولو مش مضبوط جرب تضيف للعينة لون آخر تقترحه ....المهم عقلك يبقى شغال . وكلم نفسك وشجع نفسك على الجيد . ولومها على الخطأ ... هوا فيه أحسن من عقلك تتكلم معاه . ------------------------------------- الحقيقة تعبت قوى . وخايف أكون نسيت حاجة .عموما أنا معاكم وتحت أمركم نشوف بقى نمازج من الرسم على الجدران ( الرسم الجدارى) أو ( الجداريات) هذا الدرس من إبداع الفنان الكبير جمال على .من واقع خبرة سنين وممارسة عملية الصور منقولة من الأنترنت لتوضيح الشرح. شكرا لكم .
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك  
|
|
#2
16-02-2011, 10:25 AM
|
||||
|
||||
جزاكم الله خيرا عالمجهود الرائع
بس حبيت اضيف معلومة تنسيق الموضوع(الحجم واللون والمسافات والتوسيط) عليه 90% من فهم الموضوع والاقبال عليه والباقي علي الماده العلمية والمجهود تقبل/تقبلي مروري
__________________
اللهم بلغنا رمضان اللي يفتكرني يدعيلي 
|
|
#3
19-02-2011, 01:11 PM
|
||||
|
||||
|
اقتباس:
مرسى يا قمر على النصيحة .
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك
|
|
#4
19-02-2011, 02:40 PM
|
||||
|
||||
|
اقتباس:
وفى النهاية احب اشكرك جدا جدا موضوع اكثر من رائع ودرس طويل اوى
بجد بجد اشكرك على هذا المجهود الرائع والكبير منك بس قاعد تتكلم من الصبح بصيغة المذكر مع ان بعض الاعضاء اللى فى القسم بنات  حصل خير بردو على العموم موضوعك اكتر من رائع فانا اشكرك جدا  وانتظر منك المزيد
|
|
#5
19-02-2011, 09:49 PM
|
||||
|
||||
|
مشكوووووووووووووووووور/ة على الموضوع الاكثر من رائع
تقبل/ى مرورى
__________________
كن فى الحياه كعابر سبيل ***
واترك ورائك كل أثر جميل *** فما نحن فى الدنيا إلا ضيوف *** وما على الضيف إلا الرحيل ***
|
|
#6
19-02-2011, 09:54 PM
|
||||
|
||||
|
اقتباس:
اكيد طبعا تقبلته و نورتينى .
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك
|
|
#8
19-02-2011, 10:03 PM
|
||||
|
||||
|
اقتباس:
اتفقنا لو بوظتها هاجى اعملهالك انا .
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك
|
|
#10
19-02-2011, 10:15 PM
|
||||
|
||||
|
اقتباس:
لا يا سيدى المواصلات عليا فمن افسد شيئا فعليه اصلاحه .
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 05:54 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
