|
#1
14-02-2011, 05:21 AM
|
|||
|
|||
رحلة إلى جنوب مصر بالصور*بعدسة أسامة سرحان
أعزائى ... هاخدكم النهارده فى رحلة جنوب مصر ... رحلة هاتشوفوا فيها معالم وآثار هامة وده من خلال مجموعة صور أخدتها بنفسى أرجو أن تنال اعجابكم... بتبدأ رحلتنا بزيارة للسد العالى بأسوان... دى صور للوحه التذكاريه الموجوده فوق جسم السد...  ودى صوره للنيل أمام جسم السد  ودى صوره من فوق السد تبين بعض أجزاؤه...  ودى مناظر لمعبد فيله فى أسوان من زوايا مختلفة والمعبد يقع فى جزيرة فى النيل...     مرسى القوارب التى توصل للمعبد ...   لقطات من داخل معبد فيله بأسوان ...     لقطات للنيل أمام المعبد ...   ودى صورة لمشكاه من العصر الإسلامى توجد فى متحف النوبة بأسوان  ودى من أجمل الصور اللى أخدتها فى النيل فى أسوان أثناء الإبحار بقارب شراعى...    ...يتبع...
|
|
#2
14-02-2011, 05:26 AM
|
|||
|
|||
|
ودى مناظر رائعه لتشكيله من القوارب الشراعية فى أسوان...
       ودى صوره لفندق موفينبيك أحد الفنادق الهامه بأسوان...  حتى الطيور...تستمتع أيضا بنيل أسوان الرائع...  ودى صوره لمتحف آثار أسوان من الخارج...  ودى صور مومياوات من داخل المتحف...   دى صور للفنادق العائمة فى أسوان ويقيم بها السائح إقامة كامله وتبحر به بين الأقصر وأسوان...   ونروح دلوقتى لمدينة الأقصر... المدينة التى تحتوى على ثلث آثار العالم...المدينة التى لايستطيع مواطن فيها أن يحفر لبناء منزل جديد أو لأى سبب آخر دون وجود مندوب من هيئة الآثار بجواره أثناء العمل... ده معبد حتشبسوت فى الأقصر... معبد منحوت فى الجبل يتكون من ثلاث طوابق وكان يلقب أيضا بمعبد الدير البحرى عشان كان فيه رهبان إستخدموه دير لهم فى فترة من الفترات...  نروح بعد كده على وادى الملوك اللى كان ملوك مصر القديمة بيبنوا مقابرهم فيه أثناء حياتهم ليدفنوا فيها بعد الموت...وكانوا بيجتهدوا جدا فى إنهم يموهوا المقبرة لتضليل اللصوص ومع ذلك وصل اللصوص إلى معظمها فى عصور مختلفة... أما عن سبب إختيار ملوك مصر القديمة لهذا الوادى بالذات لدفن موتاهم فده بيرجع لقربه من المعابد الجنائزيه اللى بنوها فى الأقصر والأهم أن المنطقة التى إختاروها عباره عن جبل يأخذ شكل هرمى بطبيعته فوفر عليهم عناء بناء أهرامات جديدة... طبعا هناك العشرات من المقابر...إخترت لكم منها ... مقبرة رمسيس السادس...  لاحظ أن المداخل من بناء هيئة الآثار لإن فى الأصل المقابر دى كانت مختفيه فى سفح الجبل ودى مقبرة تحتمس الثالث اللى كان من كبار ملوك مصر القديمه ( إقرأ اللوحه جيدا ) وده حكم مصر فترة طويلة وأطلق عليه المؤرخون (نابليون العصر القديم) من كثرة فتوحاته والمعارك اللى خاضها وده كان أول ملك يفكك المراكب ويحملها على الجمال ليصل بها بطريقة أسرع إلى أرض المعركة ثم يقوم بتجميعها هناك مرة تانية...وكان عندما يخرج لمواجهة أعداؤه يسلك أكثر الطرق صعوبه وأقلها توقعا ليفاجىء أعداؤه  ودى السلالم المؤدية للمقبرة اللى كان بانيها فى مكان صعب الوصول إليه (بصراحة كسلت أطلعها  عشان كده ماصورتش المقبره نفسها)... ودى بأه أهم مقابر وادى الملوك.... مقبرة الفرعون الصغير ...توت عنخ آمون أهم إكتشافات القرن العشرين الأثريه .... المقبرة التى لم تطالها أيدى الصوص قديما وحديثا وعثر على محتوياتها كامله ... إكتشف المقبرة الإنجليزى هيوارد كارتر عام 1922 بعد بحث إستمرسنوات طويله...والطريف أن إكتشاف المقبره كان عن طريق أحد السقاه الذين يحضرون الماء للموقع عندما حفر حفرة صغيره ليثبت بها إناء كان سيقع فوجد سلم المقبره فأمرهم كارتر بالحفر فى المكان... وتوت عنخ آمون حكم فى سن صغير ولمدة شهور معدوده ومات بعدها لدرجة أنه لم يكن قد أقام مقبرة لنفسه فتبرع له كبير الكهنة بمقبرته الخاصه ليدفن فيها... هناك روايات تقول أنه *** وروايات أخرى تقول أنه مات مسموما ولم يتم الفصل فى هذا الأمر... ومقبرة توت عنخ آمون ايضا كان إكتشافها سببا لجدل واسع فى أنحاء العالم حول وجود لعنة الفراعنة لأن عدد كبير ممن شاركوا فى إفتتاحها أو العمل بها ماتوا بطرق غريبة وإن كان عدد آخر ممن عملوا فى المقبرة بقوا على قيد الحياة بعدها لمده طويله وبصحة جيده... ومعظم محتويات المقبره تم نقلها للمتاحف وبقى فيها التابوت وجثة الفرعون الصغير ونقوشها الزاهية وهيه دى المقبرة...  ودى لوحة جداريه من أحد معابد الأقصر توضح أحد العسكريين يضع أمام الملك مجموعه من الأيدى المبتورة للأعداء ليتم حصر عدد ال***ى (كانوا مفتريين بردو )... وده منظر لعرض الصوت والضوء فى معبد الكرنك بالأقصر وده المشاهد بيتجول أثناء العرض داخل المعبد ولايجلس فى مكان محدد إلا قرب نهاية العرض (لاحظ طريق الكباش فى مدخل المعبد)...  ودى صوره لمتحف الأقصر من الخارج...  ودى صوره لمحطة قطار مدينة الأقصر...حيث إنتهت رحلتنا وعدنا من حيث أتينا...  وبكده تنتهى رحلتنا ...  زعلتوا إنها خلصت؟؟؟ ماهو ده اللى حصلى بالضبط 
|
|
#3
14-02-2011, 03:13 PM
|
||||
|
||||
الصور روعة يا أسامة
__________________
يا رب
|
|
#4
14-02-2011, 05:32 PM
|
||||
|
||||
|
الله عليكى يامصر
جزاك الله كل خير
__________________
|
|
#6
16-02-2011, 09:02 PM
|
||||
|
||||
|
شكرا على الصور الجميلة
__________________
 احيآنآ تبگي .. و لآ تدري مآ آلقصة .. غير أنك تعبت وتألمت وفقدت طعم الحياة ..! (سنرحل عنكم يوما فأحسنوا الينا ) كيف أبكي ع الأشياء إذا ذهبت ** ونفسي التي تملك الأشياء ذاهبة
|
|
#7
16-02-2011, 10:04 PM
|
|||
|
|||
|
شكرا على الصور الجميلة
لا دى بلدنا هى الجميلة يارب يحميها ويحفظها يارب
|
|
#9
19-02-2011, 07:01 AM
|
||||
|
||||
|
هى الصور حلوة جدا وتحفة بس فى مشكلة صغيرة انك انت تقريبا حاططهم بحجم كبير اوى ف اللى ظاهر نصهم بس والصفحة مش عايزة تجيب النص التانى
__________________
ليتنا مثـل الطفولـه بالبرائـه..مانخـون
ماندل الاطريق الصدق مانعـرف نفـاق ليتنا مثل الامومه قلبـي وقلبـك..حنـون لاانت ترضى في فراقي ولا انا بعدك يطاق وليت شوقك لي مثل ماانا على حر اشتياق صنعـــت لنفسـى قنـاع..بعيــد عن الخـداع والـزيـف والنفـاق..قنـاع لا يرسم ســوى فرحـى وابتسامتـى وسعادتـى المصطنعـه..قنـاع يخفـى الحـزن الـدفيـن بـــــ داخلى
|
|
#10
15-03-2011, 03:44 AM
|
|||
|
|||
اقتباس:
أولا شكرا على مرورك ثانيا أرجو إلتماس العذر لى فى حجم الصور الغير مقصود ... وعلى فكرة الصفحة لما بتكمل تحميل بتيجى الصور بحجم صغير معقول
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 01:29 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
