مشاركات سئية

[محمد رجائى]

الى الاخ حامد ...............؟
الاسئلة بتاعت حضرتك مش مكانها فى القسم الاعدادى .لو عاوز تسالها تبقى فى الثانوى.
ويا سيدى شكرا على المعلومة . بس دى مش اسئلة فنية فى المادة . دى اسئلة معلوماتية. سهل الحصول عليها من اى كتاب حتى من اى طالب بقسم التاريخ فى الجامعة من خلال الكتب المقررة . سؤالك عامل زى واحد بيتحدى مدرس لغة من اللغات وقام بفتح القاموس وبيسأله معنى الكلمة دى ايه وكأن مدرس اللغات لازم يكون حافظ القاموس . بالذمة ده يبقى سؤال . استاذى الفاضل فى ثوابت وفنيات فى كل مادة واستنتاجات دى هى اللى بتفرق بين الفاهم والمطلع والمجتهد .
لا تزعل منى استاذى بس فى على المنتدى طلبة لما تقرأ هذه الاسئلة ممكن تحبط .وممكن تاخد الاسئلة وتسأل مدرسيها اما بغرض المعرفة او بغرض احراج المدرس .
وايه الموقف بقى سيادتك لو طالب اخذ السؤال واعطاه لاحد المدرسين ولم تكن اجابة هذا السؤال ليست حاضرة فى ذهنه ؟ ايه الموقف ؟( طبعا احراج للزميل ). ينفع كده ؟
نعيب زماننا و العيب فينا وما لزماننا عيب سوانا
ولا ياكل الذئب لحم ذئب ويأكل بعضنا بعضا عيانا
ممكن اسأل حضرتك سؤال ؟انا مش عارف اجابته ونبحث عنه سويا .
بم تفسر :
*1- معظم سواحل البحر الاحمر سواحل صخرية ما عدا سواحل منطقة رأس بناس ؟
2- الرياح التجارية رياح غير ممطرة على مصر بالرغم من انها تهب من البحر المتوسط ؟
3- كل من هتلر ونابليون يعتبرا من اعظم القواد الا ان هتلر وقواده لم يتعظوا من اخطاء نابيليون؟
يا سلام بقى كمان لو الاخ الامبراطور يشترك معانا فى البحث يبقى يشكر .