لكي يطمئن قلبى (الي قسم الالكتورنيات)

[امه الله 1993]

السلام عليكم ورحمة الله وبركاته
بعد ازنكم هاطلب منكم طلب علشان بس يطمئن قلبى
انا في الصف الثالث الالكتورني صنايع 3 سنوات
نفسي وامنيت حياتي ان ادخل كليه وكويسه ونفسي اكتر ادخل هندسه بس في ناس عقدتني وقالت لي مش ينفع ولازم معادله وكده وانا مش عاوزة المعادله علشان صعبه بس انا مش حطيت في دماغي وقلت لازم اذاكر واجتهد روبنا ييسرلي اللي فيه الخير بس انا قلقانه شويه لاني بجد عندي حماس كبير اني ادخل كليه كويسه وعند ي امل في ربنا كبير بس ياريت تتطموني ان فيه كليات من صنايع ومجموعها حوالى الكام وينفع ادخل كليه عاديه مش خاصه ولا لا وجزاكم الله كل خير واسفه علي الاطاله

[عبدة قورة]

ربنا يوفق وشكرا

[امه الله 1993]

يارب . شكرا لهتمامك

[أسماء مزمل]

أُبشرك يمكنك دخول كلية الهندسة ولكن بعد دخول المعهد الفنى الصناعى أولاً ثم تحصلين على 75% أو اكثر فتدخلين هندسة بإذن الله تعالى ولدينا نماذج كثيرة لطلاب تمكنوا من ذلك وهم الآن فى هندسة الاسكندرية وغيرها .

[امه الله 1993]

المشاركة الأصلية كتبت بواسطة أسماء مزمل

أُبشرك يمكنك دخول كلية الهندسة ولكن بعد دخول المعهد الفنى الصناعى أولاً ثم تحصلين على 75% أو اكثر فتدخلين هندسة بإذن الله تعالى ولدينا نماذج كثيرة لطلاب تمكنوا من ذلك وهم الآن فى هندسة الاسكندرية وغيرها .

بشركي الله بالخير بس انا كان نفسي ادخل هندسه عل طول من غير معهد مش عارفه ينفع ولا لا ربنا ييسرلى اللى فية الخير
جزاكى الله خير على اهتمامك

[امه الله 1993]

محدش عاوز يطمني

[abdelrafea]

كل المشاركات دى ومش مطمنه
فى كليات طبعا من الصنايع (ترببة مدرس نظرى فقط -- وتعليم صناعى مدرس عملى ونظرى ) غير المعاهد
بس المهم يكون المجموع اكتر من 83 % علشان تقدرى تدخلى الكليات

[امه الله 1993]

المشاركة الأصلية كتبت بواسطة abdelrafea

كل المشاركات دى ومش مطمنه
فى كليات طبعا من الصنايع (ترببة مدرس نظرى فقط -- وتعليم صناعى مدرس عملى ونظرى ) غير المعاهد
بس المهم يكون المجموع اكتر من 83 % علشان تقدرى تدخلى الكليات

اه والله اصل حضرتك مش تتخيل اصل د مساله حياة مستقبل اوموته
ربنا يطمنك يارب بس متهيالي تربية احسن من التعليم الصناعى ويا سلام لو فية هندسة ههه انا طماعه شويه بس املى ف ربنا كبير ان شاء الله اجيب 90% وربنا يقدم اللي فيه الخير
شكراا جدا جد لهتمامك

[احمد م حجازي]

الابنة امة الله

اتذكر عندما كنت طالب مثلك كنت في حيرة ولكن مع تفكير عقلاني

هداني الله الى القرار السليم وهو أن اذاكر باقصى ما فى وسعي لكي احصل على أعلي مجموع ثم بعد ذلك هذا المجموع هو الذى سوف يتيح لى الكلية المناسبة واختار بناء على ذلك

و بالنسبة للهندسة اري طلبة وطالبات كثيرة بالتعليم الصناعي تقول كان املى أدخل هندسة واذا سمعت ان الدخول الى هندسة يحتاج معادلة أو الدخول الى احدي المعاهد نظام سنتان وتحصل فيها على تقدير امتيار أو جيد جدا تقول كان أملى أدخل على طول

أو تقول املى تحطم و خلاص مش هذاكر

على مدار عملنا بالتعليم الصناعي رأيت
طلبة تلتحق بكلية الهندسة

و طلبة تلتحق بكلية التجارة

وطلبة اصبحوا دكاترة و معدين فى الجامعات

فالمستقبل بيد الله

والاهم هو أن يبذل المرء أقصي ما في جهده

كما قال الشاعر

ليت المطالب بالتمني ولكن تأخذ الدنيا غلابا

مع تمنياتي لجميع الطالبات والطلبة بالتوفيق والتفوق الدائم