الثانوية العامة

[abdelrhman.d]

السلام عليكم

انا كنت بعمل بحث عن الثانوية العامة بس بحث كبير يعني وكنت اتمني من الاعضاء سواء مدررسين او طلبة انهم يجيبوا على الاسئلة التالية :

==*==*==*==*==*==*==

• ما رأيك في نظام الثانوية العامة ؟
• وهل تتوقع حدوث تغيير في هذا النظام قريبا ؟

حيث ان هذه المرحلة تحدد المرحلة القادمة ( المرحلة الجامعية ) وليس للمراحل السابقة اي تاثير غير النجاح او السقوط

==*==*==*==

• ( في ظل نظام التعليم الحالي ), هل تظن بأن المدارس قادرة على ملاحقة التطور في المناهج والتطور في طرق التدريس ام بحاجة إلي إعادة هيكلة كاملة مع العلم بأن هناك مدارس منذ عشرات السنين لاتخضع إلا لتجديدات خارجية والمعامل والفصول كما هي ؟

• و هل المدارس وحدها تكفي ام الطالب بحاجة إلى دروس و ما هوسبب ظاهرة الدروس ؟ مع تعليل اجابتك سواء نعم ام لا .

( في اطار الثانوية العامة )

==*==*==*==

• من وجهة نظرك كيف يكون المعلم مناسب ليكون قادر على تربية و تعليم طلاب الثانوية العامة ؟
• او ما هي السمات أو الصفات التي يجب توافرها في معلم الثانوية العامة ؟

• و ما هي طرق التدريس المناسبة في تلك المرحلة ؟

حيث ان هذه المرحلة مهمة علمياً و نفسياً بالنسبة للطالب

==*==*==*==

• من وجهة نظرك كيف يكون طالب الثانوية العامة المثالي ؟

• ما هي اقتراحاتك لتطوير هذه المرحلة ؟

==*==*==*==*==*==*==

انتهت الاسئلة

شكرا لتعاونكم

وجزاكم الله خيرا

[Doctor S.E]

المشاركة الأصلية كتبت بواسطة abdelrhman.d

السلام عليكم

انا كنت بعمل بحث عن الثانوية العامة بس بحث كبير يعني وكنت اتمني من الاعضاء سواء مدررسين او طلبة انهم يجيبوا على الاسئلة التالية :

==*==*==*==*==*==*==

• ما رأيك في نظام الثانوية العامة ؟
  
  نظام فاشل بكل معاني الكلمه و محبط جدا و ملوش هدف او بمعنى اصح مجرد نظام بيعجز الطالب المصري اخر السنه عشان يطلع عينه
  
• وهل تتوقع حدوث تغيير في هذا النظام قريبا ؟
  
  لالالا خالص ...الي اصله باطل و غلط هيطلع غلط ده مش عايز تغيير ده عايز انتي فايروس يشيله و لا من الاخر نسخه جديده بس عالله مطتلعش مضروبه
  

حيث ان هذه المرحلة تحدد المرحلة القادمة ( المرحلة الجامعية ) وليس للمراحل السابقة اي تاثير غير النجاح او السقوط

==*==*==*==

• ( في ظل نظام التعليم الحالي ), هل تظن بأن المدارس قادرة على ملاحقة التطور في المناهج والتطور في طرق التدريس ام بحاجة إلي إعادة هيكلة كاملة مع العلم بأن هناك مدارس منذ عشرات السنين لاتخضع إلا لتجديدات خارجية والمعامل والفصول كما هي ؟

مهو ده الي بيحصل مجرد تغييرات شكليه فقط انما سياسه التعليم !!! عمرها ما اتجددت
دي عايزلها فعلا اعاده هيكله كامله و الله انا درست بره مشوفتش زي الي في مصر ابدا

• و هل المدارس وحدها تكفي ام الطالب بحاجة إلى دروس و ما هوسبب ظاهرة الدروس ؟ مع تعليل اجابتك سواء نعم ام لا .

المدارس لا تكفي و لازم دروس (( كلامنا ده في مصر بس ))
اولا المدرس المصري و اكيد في استثنائات يمتاز ب الكلام الكتير و البعد عن الموضوع ...او يشرح بكل طاقته و ميحلش كتب خارجيه ... و ده طبعا مش هينفع معانا
غير ان وقت الحصه في المدرسه يمنع المدرس من اعطاء كل معلوماته و خبراته و انما فقط شرح ما يحتويه الدرس و باختصار كمان عشان وقت الحصه و اسباب كتييير

( في اطار الثانوية العامة )

==*==*==*==

• من وجهة نظرك كيف يكون المعلم مناسب ليكون قادر على تربية و تعليم طلاب الثانوية العامة ؟
  
  يكون اب قبل اما يكون مدرس الاب في حزمه و شدته على اولاده ... خايف عليهم ...حريص على مستقبلهم ..مش بيبخل عليهم باي حاجه ... نفسه يشوفهم في اعلى المراتب و الكليات و بيسعى جاهدا لذلك
  
• او ما هي السمات أو الصفات التي يجب توافرها في معلم الثانوية العامة ؟

نفس الي قولته

• و ما هي طرق التدريس المناسبة في تلك المرحلة ؟

كل الطرق الممكنه هنا بقى يجوز قول ...الغايه تبرر الوسيله ...يعني لازم العيال ينجحوا يتصرف يمين شمال و يعدينا للبر

حيث ان هذه المرحلة مهمة علمياً و نفسياً بالنسبة للطالب

==*==*==*==

• من وجهة نظرك كيف يكون طالب الثانوية العامة المثالي ؟

اذا كان مش طبيعي يعني عنده اليوم ب 28 ساعه مش زينا
بصراحه مفيش حاجه اسمها مثاليه في الانسان الكمال لله وحده
بس طالب الثانويه المتوفق الي مبيبخلش باي جهد و هدفه قدامه و عايز يوصله و بيراعي ربنا في مذاكرته

• ما هي اقتراحاتك لتطوير هذه المرحلة ؟

1 الكف عن ترهيب الطلاب
2 الالتزام بمصدر للمعلومات ..يعني جعل كتاب الوزاره غني عن اي كتاب خارجي عشان الطالب ميضطرش يلف و يدور على اي كتاب خارجي
3 جعل الامتحانات في مستوى طبيعي و كفايه تاليف و لعب و تحوير فيها
4 يكون لها اهتمام في المدارس و عمل كل شئ في مصلحه الطلاب

==*==*==*==*==*==*==

انتهت الاسئلة

شكرا لتعاونكم

انا ممكن اكون جاوبت اجابات مش علميه بس انا جاوبت من الي شفته

وجزاكم الله خيرا

و جزاك الله خيرا

[abdelrhman.d]

شكرا على الاجابات و الاجبابات مش ضروري تكون علمية اجباتك جميلة و انا فعلا عايز اجابات من الواقع و في انتظار مزيد من التفاعل