|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]()
الأسرة حول فراش الزعيم وهو يلفظ أنفاسه الأخيرة قال الزعيم بصوت ضعيف ولكنه حازم في نفس الوقت
حسنى: كلكم موجودين سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين حسنى: طب إسمعوا اللى حقوله كويس جمال: سامعينك يابابا ... إتكلم حسنى: مصر دى كنز ياولاد ... إمكسوا فيها بإيديكم وسنانكم ... بنسرق فيها بقالنا سنين وسنين ولسه بتدينا علاء: هيا دى البركة اللى بيقولوا عليها يابابا حسنى: أيوه يابنى ..... ربنا يبارك لكم ولعيالكم فيها... ودلوقتى إسمعوني علاء: إنته على الهوى يابابا ... إتكلم حسنى: أنا مش مديون لحد ياولاد ... يعنى أى واحد يصيع ويقولكم أبوكم كان مستلف منى فلوس تفوا فى وشه على طول علاء: إطمن يابابا ... حرامى على حرامى ما يلعبش حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض ... فلوس متلتلة متتعدش......,زودوها كمان وكمان مش حقول لكم حافظوا عليها لجل ما روحى ترتاح وأنا فى تربتى جمال: هيا الفلوس اللى إنته عملتها يابابا دى بتسميها فلوس .... شفنى أنا وعلاء حنعمل إيه .... ولا صحيح حتشوفنا إزاى .... عموماً ما تقلقش حسنى: ودلوقتى إسمعوا وصيتى ..... الحكم لأولاد مبارك ... لازم أول ما جمال يحلف اليمين تغيروا إسم مصر وترجعوه زى ما كان زمان أيام الملك فاروق والملكة نازلى (المملكة المصرية) جمال: مفهوم يابابا ... خش فى اللى بعده حسنى: الجيش والشرطة والأزهر . .. أوعوا واحد من التلاته يخرج عن طوعكم أبداً علاء: مفهوم برده ... اللى بعده .... ياساتر ده إنته ملل سوزان: عيب ياعلاء لما تكلم أبوك كده علاء: بهزر يا ماما حسنى: الهرم لأم العيال ... ليكى ياسوزان بعد ما خدمتينى بتفانى وإخلاص طول السنين دى سوزان: هرم !!!!!!! .... هيا دى آخرتها!!! ...... وده يسوى كام ده !!!! علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس سوزان: مش حرضى باأقل من التلات أهرامات حسنى: مش خسارة فيكى ياغالية .... أثار النوبة لعلاء .... والأقصر لجمال ... ودلوقتى نيجى للميه .... الساحل الشمالى لعلاء والبحر الأحمر لجمال قناة السويس تخصصوا دخلها صدقة جارية على روحي سوزان: إنته أكيد مخبول ... مليار ونص دولار صدقة جارية على روحك !!!! جمال: ما تاخديش على كلامه ياماما .... ده يبقى كتير لو طلعنا 100 جنية على روحه للفقرا علاء وهو يمسك بالألة الحاسبة: ممكن نطلع لحد ألف جنيه ياجمال ... السيولة تسمح حسنى: أوعوا تفرطوا فى حبيب العادلى من بعدى ياولاد ... حبيب قلبه ميت وإيده طرشه وهوه ده اللى ينفع مع الغجر اللي عايشين هنا جمال: بس ما بيعجبنيش شنبه يا باباا حسنى: إنته مالك ومال أم شنبه ..... إحنا بنشترى مجرم جمال: أعاهدك يابابا إنى حخليه معايا ومش حفرط فيه ً حسنى: الشيخ طنطاوى ياولاد راجل بركة ..... يمين يمين شمال a..... شمال أوعوا تفرطوا فيه بس ما تخلوهوش يصلى عليا لأنى بصراحة مش متأكد ربنا حيتقبل منه ولا لأ علاء: ولا يهمك يابابا .... حخلى أنكل كمال الشاذلى يصلى عليك حسنى: والله لو عملتها ياعلاء لكون متبرى منك إلى يوم الدين علاء: بهزر معاك يا بابا أنكل كمال مش حافظ الفاتحة اساسا حسنى: المشير طنطاوى ياولاد ..... مش حوصيكم عليه ..... الراجل ده عامل زي الست المستحية حاطط وشة في الارض على طول ززى الست المستحية .... وعمره ما استجرى يرفع عينه فيا ... وفى نفس الوقت ماسك الجيش بإيد من حديد سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال جمال: حاضر ياماما حسنى: عايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر توزيع الفيديو فى أوروبا حسنى: عايز أحلى مدفع يشيل النعش بتاعي ياولاد جمال: مدفع رشاش سوزان؛مفيش هزار في الحاجات دي يا جمال جمال: آسف ياماما حسنى: عايز أدفن فى شرم الشيخ ياولاد جنب أولمرت وشارون علاء: بلاش كفر مصيلحة يعنى حسنى: لأ كلها براغيت يا علاء |
#2
|
||||
|
||||
![]() للأسف الموضوع مكرر
http://thanwya.com/vb/showthread.php...E1%C3%D2%E5%D1 http://thanwya.com/vb/showthread.php...E1%C3%D2%E5%D1 تم النقل الى قسم المواضيع المكرره
__________________
![]() Always remember two things Don’t' take any decision when you are Angry Don’t' make any promises when you are Happy |
العلامات المرجعية |
أدوات الموضوع | ابحث في الموضوع |
انواع عرض الموضوع | |
|
|