فلسفة ولا علم نفس

[براءة]

فلسفة ولا علم نفس


على اعتبار انى علمى رياضة باذن الله ؟؟؟؟؟؟؟؟

[أحمد2025]

أنصحك علم نفس
علشان ده معلومات عامه وكويس
ومعظم الناس 50 من 50
وحضرتك ان شاء الله 50
وأنا والله كنت واخده السنه اللى فاتت علشان انا أدبى
وجبت 50 الحمدلله وخلصت المنهج فى الدرس ومرحتش المراجعه وذكرته لوحدى
بس نصيحه لازم تذكرى من ملزمه واحده فقط
ولو فى ملازم تانيه فيها أسئله حلوه زاكره الأسئله الحلوه دى بس والباقى اللى انت عرفاه تزكرى من الملزمه اللى بتزكى فيها على طول
وبالتوفيق ان شاء الله

[براءة]

شكرا اوى ليك ع ردك

يبقي انت اول مؤيد لعلم النفس

عامة انا كمان مايلاله لانى مش بحب حاجة اسمها فلسفة من 1 ث

بس انا مستبيعة منا ولا بحب الفيزيا ولا رياضة 2 :P

عاااااااادى يعنى

[أحمد2025]

الله يكون فى عونك
جبتى كام فى المرحله الأولى؟؟؟؟؟؟؟

[براءة]

94,4

مما اضطرنى الى انى احول علمى رياضة مع انى كان نفسي فى صيدلة

الله المستعان

عامة انا ناقصة 11 درجة ونص منهم 10 كيميا

بتحصل عادى

[mohamed_oweis]

السلام عليكم ورحمة الله وبركاته
فلسفة و لا علم نفس؟! ...طب ليه مش اقتصاد و احصاء خصوصا انك ان شاء الله علمي رياضة
يعني الاحصا بتتاخد مع الرياضة في اربع حصص تقريبا و درجاتها ان شاء الله مضمونة ..والاقتصاد مادة صغيرة و مفيدة فعلا و انا مختش فيه ولا درس و لا مجموعة ولا أي حاجة و الحمد لله جبت فيه الدرجة النهائية..دة رأيي اقتصاد و احصا

[أحمد2025]

<div class='quotetop'>إقتباس(رحمة للعالمين @ Aug 6 2007, 04:11 PM) [snapback]344161[/snapback]</div>

94,4

مما اضطرنى الى انى احول علمى رياضة مع انى كان نفسي فى صيدلة

الله المستعان

عامة انا ناقصة 11 درجة ونص منهم 10 كيميا

بتحصل عادى[/b]

معقوله 10 فى الكيمياء هى كانت صعبه قوووى كده؟
لو فى الألمانى ماشى
علشان انا ناقص 10فى الفرنش
على العموم ربنا يوفقك ويوفق الجميع وبالتوفيق ان شاء الله

[emoo]

لو يا فلسفه يا علم نفس
يبقى فلسفه

لكن زى ما محمد قال ليه مش اقتصاد و احصاء

و على العموم حصل خير فى تانيه

كلو جايب درجات وحشه فى الكيميا مش عارف ليه

رغم انها سهله اوى انا كنت جايب فيها 50

[براءة]

يا ربنا انا رديت ع الموضوع ده 20 مرة والرد مبينزلش

ارد من تانى

الاول محمد عويس

ع حكاية اقتصاد واحصاء انا مش عارفة ليه ادرس مادتين

وبعدين فى مدرستنا الفاشلة تقفيل الاقتصاد والاحصا ده للعباقرة يعنى تلاقيلك واحد مقفلة وتيجى تروح ناقصة 7 درجات اقتصاد واحصا

ضيف ع كده انهم بيقولوا ان الاحصا بدات امتحاناتها تبقي صعبة

شكرا ليييييييييك ع ردك ...،

احمد 2025

الكيميا مكانتش صعبة ولا حاجة انا اللى استهبلت جامد

انا اليوم اللى قبل امتحان الكيميا ع طول ع الساعة 11 دخلت لماما وقلتلها ماما انا حاسة انى مش فاكرة اى حاجة فى الكيميا وقعدت اعيط

واحدة رايحة اللجنة كده متوقع منها ايه يعنى

عامة صدق اللى قال اللى يخاف من العفريت يطلعله

والالمانى اللى كنت راجعة من الامتحان مدمرة وعمالة ادعى ع المدرس والموجههة

وجينا عملنا اعتراض فى المنتدى

جبت فيه 49.5

شكرااااااا ليك بردو ع مرورك

ايمن

بص ع حكاية الاقتصاد والاحصا انا خايفة من حكاية انهم هيبقوا مادتين

طيب وع ايه ده اصحابى اللى كانوا 3 العيال الفاشلة اللى فيهم اللى فى اول التمانينات جايبين 50 فلسفة وعلم نفس

يبقي انا اخلينى واقعية احسنلى وانا بتكلم ع اساس النتايج اللى قدامى

مش عارفة

عامة انت قلت الفلسفة احسن

والله المستعان

وشكرا ليك ع مشاركتك

................................................

جزيتم جميعكم

[hassan_23690]

اقتصاد واحصا

بعد كده علم النفس

بعد كده الفلسفة

ده رأيي .. علي حسب النتايج اللي قدامي برضه :D

[sammer]

السلام عليكم ورحمة الله وبركاته
انصحك تاخدى علم نفس لان هتستمتعى وانت بتذاكرى المادة دي
انا كنت بذاكرها على انها معلومات عامه بستفاد منها بس انا كنت بذاكر المادة اول باول وجبت فيها 50
وبتهيالى الفلسفة معظمهم بيجيبوا 50

[براءة]

حسن

شكرا ليك بس مش عارفة ليه مش متقبلة اقتصاد واحصا دى معرفش ليه :P

عامة بردو لسه التفكير جارى

sammer

شكرا ليك بردو بس انت كده زودتنى حيرة

بس اعتقد انك مايل لعلم نفس

.................................................. ......................................

[ayooosh]

اقولك رايى بقى يا رحمه ولا بلاش


بصى يا بنتى



اكيد علم نفس اسهل بكتييييييييييير واحلى

لا يا رحمه اياكى تاخدى فلسفه ممله وطويله

لكن علم النفس اصغر واحلى وتعرفى تكتبى فى اى معلومات عامه

دا رايى وانتى حره

سلاااااااااام يا قمر

[براءة]

ع فكرة يا اية انا اتصلت بمستر عماد

وقاللى علم نفس احسن من الفلسفة

عامة الله المستعان

وشكراااااااااااااا اوى لردكــــــــــــــــ يا اية :D

[LA STELLA]

سلام عليكم

_______

رحوووومة روح قلبى :D
ان شاء الله تكونوا بخير


ارد عليكى انا بما إنى كنت ناوياها علمى رياضة وف الاخر قررت ايه :D

شوفى يابنتى كلهم حلوين وسهلين
لو فلسفة وعلم نفس
يبقى علم نفس طبعا

انا بقى كنت كاتبة الاول علم نفس ومش عارف ايه وكنت مستتقلة دم حكاية المادتين زيك
وبحب انا علم النفس والحاجات دى الى جانب انى اصلا بعشق الرياضة والفيزياء معنديش عقدة غير الكيميا <_< منذ دخولى المدرسة الحمدلله

واهم حاجة تحبى المادة اللى هتاخديها

بعدين بقى انا خلاص قررت بقدرة قادر انى اخد اقتصاد واحصاء :D قلت فى مواد تانية اهم ولو ذاكرت بتركيز ان شاء الله هجيب الدرجة اللى بتمناها واستفيد من اخطائى فى تانية ودا الاهم ان شاء الله

وخصوصا بقى زحمة مواعيد الدروس دى
الاقتصاد مش محتاج لا درس ولا غيره حتى المستر بتاع الرياضة بيقول لنا ممكن بس تحضروا المراجعة اللى ف الاخر وبس

اما الاحصاء بيبدأوها براحتهم وفى بيبدأوها ترم تانى كمان وبتخلص بسرعة

واقتصاد واحصاء افتكر انه هيكون مناسب معانا اوى ان شاء الله لكوننا علمى رياضة

انا بردو شفت اراء بنات الادبى عندنا وكدة
قالوا لى علم نفس سهل ولذيذ جدا وكل حاجة
بعدين اسألهم اخد ايه!!
يقولوا لى بس بردو محتاج شوية مذاكرة وعندك مواد تانية محتاجة وقتك فاقتصاد واحصاء انسب لك خصوصا عشان علمى رياضة

يلا يابنتى ادينى قلت لك اللى اتقال لى واللى قررته بعد اما كنت ماسكة فى علم النفس اوى
اما لو مصممة على علم نفس وفلسفة
اجابتى فى اطار سؤالك طبعا هى علم نفـــــس طبعا لانه مادة لذيذة ومفيدة يعنى ..والسبب الاهم من دا كله
انك قلتى فوق انك مايلة له ومش طايقة الفلسفة .. عموما ربنا يوفقك وتختارى المناسب ليكى


وليكى احلى سلام ياجميل