بالورقة والقلم

[elmister]

تعالوا نشوف السياسة بتعمل ايه ؟ يالها من داهية حقا؟! والعمل فيها لاشك مريبب و بالورقة والقلم !1
كنا جميعا كمدرسين مساعدين الذين قد نجحنا بالفعل فى اختبارات الكادر و حصلنا على الرخصة الدولية للحاسب وخلافة .......
كنا بالفعل فى انتظار التثبيت على درجة محترمة فى هذا البلد المحترم منذ ان ظهرت النتيجة !!
لكنهم اخذوا بوضع مراحل ل icdl تبدأ ب 15 يوم الى ان وصلت هذه المراحل الى ستة مراحل كاملة كشماعة دون شك يعلقون عليها المماطلة ومحاولة لكسب الوقت وبالفعل قد حدث .
ثم خرج علينا خبر عجيب جداا وهو أن السيد الوزير قد ارسل خطابا الى التنظيم والادارة يطالب فيه بادراج 63 الف معلما مساعدا فى درجات دائمة فى الدولة .
فكم تتوقعون من الوقت تأخذ مثل هذه الخطوة ,شهر , اثنين ، ثلاثة ، الله اعلم لكنى اعتقد انها ستأخذ الكثير .ثم بعد موافقة ورد التنظيم والادارة على هذا الخطاب يرفع الى وزير المالية لتوفير الاعتماد المالى وهنا نقف وقفة ممعنة لاستقراء انه هل من المكن ان توافق المالية خلال هذا العام على درجاتنا المالية ؟؟؟ ام انه سيكون لها رأى اخر وخصوصا ان اعتمادات الموازنة تقريبا قد وزعت وقد عرفت كل جهة نصيبها وايضا
( قد عرف كل حرامى مدلس نصيبة منها ايضا ) .
افهم من كدا ان احنا امامنا الكثير ولم يفت الا القليل بجد !!!!!!!
مازال هناك الكثير والكثير ولم يقرب ميعاد تثبيتنا
شاء من شاء وابى من ابى ؟ !!!!!

ونحن كالمعتاد كحال كل المصرين فى انتظار المنح والمفاجات
فى انتظار ان يعطونا القليل وفى المقابل فهناك الكثير يأخذونة !!

شوفتم السياسة بتعمل ايه ؟ مكن اسكندرية تبقى فى مطروح فى يوم وليلة !!! وممكن القانون يعطل !! وممكن المعلم المساعد الذى استوفى جميع الشروط والاختبارات ميسبتش برده !!!!!!!!!!

[hassan43]

كلام منطقى و الله
و حلنى على ما يوفروا درجات و كمان اعتماد ميزانية
عارفين الموقف ده بيفكرنى بمين ؟
عم أيوب الجواهرجى ....... فى الجوكر ................................... فات الكتير و ما بقى الا القليل ...................

[أ/محمد على عاشور]

راى بردة بس القانون واضح

[وليد غربية]

لو سمحت يا مستر اختار نوع خط واضح شويه والبنط كبير انا مش عارف اقراء الكلام معلش

[mak2007]

يا مستر خليك متفا................ئل

[Observer]

المشاركة الأصلية كتبت بواسطة elmister

ثم بعد موافقة ورد التنظيم والادارة على هذا الخطاب يرفع الى وزير المالية لتوفير الاعتماد المالى وهنا نقف وقفة ممعنة لاستقراء انه هل من المكن ان توافق المالية خلال هذا العام على درجاتنا المالية ؟؟؟ ام انه سيكون لها رأى اخر وخصوصا ان اعتمادات الموازنة تقريبا قد وزعت وقد عرفت كل جهة نصيبها وايضا
\

عجبانى قوى النقطة دى يا مستر
قراءة ذكية لأمر واقــــــع

[AlaaElden]

طبعا كلنا عارفين ان احمد زكى بدر وفر فلوس كتيرة لمالية واخرها انه رجع مبالغ مالية كبيرة للوزارة المالية كانت المفروض تكون خاصة بالابنية التعليمية وطبعا مش ينفع الوزير التعليم يحتفظ بالمبلغ دة تحت اى مسمى ودة كان فائض من ميزانية السنة المالية اللى فات

[مدرسة الانجلش]

ولا عاد فيها كلام يلا بقي نضربها طناش

وحسبي الله ونعم الوكيل

[mmagdy_81]

ده لو افترضنا جدلا ان الكلام اللى اتنشر ده صحيح ومظبوط وانا شخصيا لااعتفقد ذلك

[سعيد عسكر]

صدق اللى قال يوم الحكومه بسنه

[mratwa7]

كلام رائع و اسلوب راقى مش غريب عليك يا مستر
بس ايه العمل؟ السؤال للجميع!!!!!!!!!!!!

[elmister]

المشاركة الأصلية كتبت بواسطة hassan43

كلام منطقى و الله
و حلنى على ما يوفروا درجات و كمان اعتماد ميزانية
عارفين الموقف ده بيفكرنى بمين ؟
عم أيوب الجواهرجى ....... فى الجوكر ................................... فات الكتير و ما بقى الا القليل ...................

شكراا اخى الكريم على ردك

[elmister]

المشاركة الأصلية كتبت بواسطة محمد عاشورر

راى بردة بس القانون واضح

شكراا استاذ محمد على مرورك وردك العطر .
واعتقد ان القانون واضح لدرجة عدم تطبيقه !!

[elmister]

المشاركة الأصلية كتبت بواسطة وليد غربية

لو سمحت يا مستر اختار نوع خط واضح شويه والبنط كبير انا مش عارف اقراء الكلام معلش

علم وينفذ يا عزيزى

[elmister]

المشاركة الأصلية كتبت بواسطة mak2007

يا مستر خليك متفا................ئل

يا اخى انت مستلمنى " خليك متفاءل " خليك متفاءل "

انت شايفنى بعمل ايه انا بحاول اقرأ الواقع بتاعنا
هو احنا حتى منفكرش وبعدين انت بتسمى اللى بكتبه دا تشاءم ، يعنى ايه
لابد من الرأى والرأى الاخر

بس على فكرة انا بحب الصورة اللى انت حاطتها جدااااااااااااااااااااااااااااااااااااااا