صــــــــــــرخـــــــــــة مــــعــــــلــــــــم

[حودة حودة1]

صــــــــــــرخــــــــــــة !!!!!!!! مــــــــــــعـــــــــــلــــــــــــــــم

مقدمة

كلنا يتصارع يوماً تلو الآخر للمطالبة فى حقه فى التثبيت أى تثبيت هذا يا أخوتى هذا ليس حقنا بل هو جزء بسيط جداً من حق كبير مسلوب مننا . على ماذا نتصارع على تثبيت هناخد كام فى الاخر 500جنيه هل هذا يعقل شاب عمره ( لا يقل بأى حال من الاحوال عن 24 سنة ) فى معترك الحياة وآخر يعول أسرة أهذا كافى ؟ . طبعاً بعض الاخوة يقولى ياعم نتثبت وبعد كدة نتكلم عن المرتبات لا يا أخى الحق يأخذ مرة واحدة ولا يتجزأ .
فرحة الحكومة :
محدش يقولى ان الحكومة زعلانة من الثورة اللى احنا فيها لا بالعكس ده احنا لو عاملنا حتى مظاهرات للمطالبة بالتثبيت يا جماعة الحكومة طايرة من الفرحة من اللى احنا فيه . حد يقولى ليه احنا كدة كدة هنحصل على وظيفة معلم سواء بالتثبيت أو بأى مسمى آخر وقتها لما يحصل الكلام ده هنكون طايرين من الفرحة قال ايه علشان التثبيت ونسينا المصيبة الكبيرة واللى هما عايزين يلهونا عنها ألا وهى الملاليم التى نحصل عليها واحنا طبعاً منقدرش نتكلم لان احنا كنا فين وبقينا فين .
لماذا لا نصبح مثل الآخرين :
* يا جماعة الواخد مننا مطحون يومياً فى المدرسة من الساعة الثامنة الى الساعة الثانية ظهراً من طابور الى حصص اساسية وأخرى احتياطية وأشراف ومشاكل الطلبة .......... كل ده ومش عاجب ولو الواحد استئذن فقط نصف ساعة المديى يحسبها عليك جميلة وكأن عاملك اللى لا يعمل ويا سلام لو جت لجنة من برة بقى بدون تفكير ترك عمل وشئون قانونية ( والنهاية ثلاث أيام جزاء ) . ونسى ان اليوم كله المدرس مطحون .
* يا جماعة انا ليا واحد صاحبى شغال مهندس فى شركة الكهرباء ( كله اللى بيشتغله لا يزيد فى أى حال من االحوال عن 5 ساعات يومياً ) ومرتبه 5000 جنيه , وآخر شغال فى النيابة بمرتب 2000 جنيه وغيره شغال فى البنك ب 3000 جنيه وغيره وغيره واللهى وكلها وظائف حكومية .
* أليس هذا المعلم المسئول عن تخريج كل هؤلاء اصحاب المرتبات العليا .
الموازنة العامة
انا كل اللى عايز أعرفه الموازنة العامة العجز اللى فيها بيكون على التربية والتعليم فقط يا جماعة حتى المكافأة اتقسمت على مرحلتين وتم خصم نسبة منها علشان الموازنة العامة .......... فين عجز الموازنة العامة فى ال 20 مليون بتاع مباريات كاس العالم وفين الموازنة العامة فى 7 مليون بتاعت خروج مصر امام الجزائر من تصفيات كأس العالم وفين الموازنة العامة بتاعت الوزارات الحكومية الاخرى . بالله عليكم حد سمع عن تأخير مرتبات ولا خصم فى أى وزارة حكومية تانية .
الزيادة والذل
حتى لما يحاولوا يزودوا المدرس ببعض البقشيش ( اللى اسمه الكادر ) تم ربط هذا باختبار الكادر ولما ناس نجحت قالوا احنا كدة هيتخرب بيتنا راحوا عملوا حجتهم بال icdl ولسة القادم أحسن .
أليس كل هذا كافى للمساواة بالاخرين
يا جماعة المعلم فى وقتنا هذا يعتبر أفضل الموجودين فى ساعة العمل فهو يملك ما لا يملكه أصحاب الالاف فهو حاليا يملك دبلوم تربوية ( للكليات الغير تربوية ) وشهادة icdl بالاضافة الى اختبار الكادر والذى يشمل ( لغة عربية + تربوى + تخصص+ انجليزى ) . أليس كل هذا بكافى للمساواة بأصحاب الالاف دى كلها كام دورة تانى وناخد جائزة نوبل .

فى النهاية
يا جماعة يجب عدم الصمت على هذا الظلم البين الواحد فينا مرتبه 350 جنيه وأقصى مرتب هيصله 1400 جنيه وده طبعاً فى الاربعينات من العمر ....... هل هذا يعقل ومن فى عمرنا بيقبض أضعاف أضعافنا وبيشتغل كمان نص وقتنا .

حسبى اللى ونعم الوكيل

[mmm6666]

والله كلامك صح يا اخى الفاضل
ولكن لا نملك الا ان نقول حسبى الله ونعم الوكيل فى كل من ظلمنا

[mmm6666]

والله كلامك صح يا اخى الفاضل
ولكن لا نملك الا ان نقول حسبى الله ونعم الوكيل فى كل من ظلمنا

[أ/سلوى]

كلامك صحيح
وحسبنا الله ونعم الوكيل
لازم يكون فى تكافؤ بين الوظائف

[zemosat]

لو حالنا غير كدة يبقى انت أكيد مش فى مصر

[the keng]

كلام سليم 100%
بس انا عايز اقولك حاجة واحدة بس الدولة دي مش بتعاتنا
تقولي ازاي اقولك لو لحضرتك واسطة مكنش زمانك عضو معانا في المنتدي كان زمنك احد هؤلاء الذين يعملون بالالاف في الشهر ، اما وان الله قد اختار لك هذه المهنة فعليك بالرضي بما قسمه الله لك
ليس معني كلامي الا نطالب بحقوققنا ولكن لن تجد اجابة في هذه الدولة التي ملائها الغش والتدليس والرشوة والفاسد في شتي القطاعات
ولهذا فليس امامنا سوي الدعاء ان يغير الله الحال
وحتي ذلك اليوم عليك بالصبر

[elmister]

كلامك بجد لمس قلبى

[فايز فراج]

بسم الله الرحمن الرحيم
نشكر السيد الزميل على مقولته الرائعة ------ ولكن ماذا نفعل ؟
أنقف مكتوفي الايدي ----- كلا ورب الكعبة ولا نقبل الاستسلام
فنداء مني وبصفتي معلم مساعد لغة انجليزية بالازهر الشريف الى جميع الاخوة من المعلمين المساعدين بالازهر الشريف
بإرسال الفاكسات الى مشيخة الازهر الشريف والى كل المسئولين عن الازهر بالمطالبة بحقوقنا الضائعة من خصم مرتباتنا التي لا تكاد تزيد عن عدة ملاليم
هيا بنا نحن معلمي الازهر الشريف من المعلمين المساعدين بمراسلة مشيخة الازهر وارسال الفاكسات الى مقرهم مطالبين بحقوقنا نحن وخصوصا الخصم من مرتباتنا

أدعوكم الى عدم الكسل وهيا بنا كما فعلت منطقة الغربية الازهرية بارسال فاكسات جماعية مطالبين بعودة مرتباتنا كماهي من قبل

مستر / فايز فراج
مدرس مساعد لغة انجليزية
الازهر الشريف

وشكراااااااااااااااااا

[amira habiba]

حسبى الله و نعم الوكيل

[Mr.Trueman]

أعوذ بالله من الشيطان الرجيم

وَنَادَى فِرْعَوْنُ فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِنْ تَحْتِي أَفَلَا تُبْصِرُونَ (51) أَمْ أَنَا خَيْرٌ مِنْ هَذَا الَّذِي هُوَ مَهِينٌ وَلَا يَكَادُ يُبِينُ (52) فَلَوْلَا أُلْقِيَ عَلَيْهِ أَسْوِرَةٌ مِنْ ذَهَبٍ أَوْ جَاءَ مَعَهُ الْمَلَائِكَةُ مُقْتَرِنِينَ (53) فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ (54) فَلَمَّا آَسَفُونَا انْتَقَمْنَا مِنْهُمْ فَأَغْرَقْنَاهُمْ أَجْمَعِينَ (55) فَجَعَلْنَاهُمْ سَلَفًا وَمَثَلًا لِلْآَخِرِينَ (56)(الزخرف)

[السيد2000]

والله كلامك صح يا اخى الفاضل
ولكن لا نملك الا ان نقول حسبى الله ونعم الوكيل فى كل من ظلمنا

[Mr.AI]

يجب عدم الصمت ولكننا...
لا نملك شئ وهذا حال الدولة

[احمد الكوامي]

حسبي الله ونعمة الوكيل

[Mr.Ahmed Raslan]

الله يكرمك انت جبت من الاخر بس والله البلد دى مش بتاعتنا دى بلد الفنانين والراقصات ولاعبى الكرة العالم دول 90% منهم معاه يا اما اعدادية يا دبلوم وعلى فكرة اعلى مرتبات فى اليابان وانجلترا هى للمدرسين المؤهلين والله يسامح كل من ظلمنا وحسبنا الله ونعم الوكيل

[ammorrrr]

حسبنا الله ونعم الوكيل