طب اسنان للبنات؟؟؟؟؟؟

[de7kt 2lb]

السلام عليكم و رحمة الله و بركاته , انا كنت عاوزة اسألكم ايه رأيكم في طب اسنان بالنسبة للبنت ؟؟ يعني بعد ما تتخرج ,انا بصراحة نفسي ادخلها بس قالولي ان الناس مبترضاش تروح لدكتورة اسنان ست عشان مش قوية زي الراجل و مبتقدرش تشد الضرس بالجامد !!!!!! و قالولي كمان ان في مرضى بيدخلو المستشقيات بيقولو احنا مش عايزين دكتورة سنان ست احنا عاوزين راجل !!!! الكلام ده صح يا جماااعه ؟؟؟؟ و الله عقدوني

[سمبل سمايل^_^]

والله مش عارفه اقولك ايه يا ضحكت قلب لاني حاسه بيكي بجد لاني انا كمان عايزا ادخل طب اسنان و انا شيفاه انه تقريبا انسب حاجه للبنت الايام دي وحكاية المرضى دول فعيزا اقولك ان الدكتور سمعه يعني من ساعت وانتي في سنه الامتياز تحاولي تثبتي نفسك وتبني اسمك وتثبتي للناس انك اد المهنه دي وادود ده هيساعك بعد كدا لما تيجي تشتغلي . بس انتي برده شوفي نفسك الاول قلبك جامد ومش بتتارفي ولا ايه
وربنا يوقفك ويفقني يارب

[de7kt 2lb]

شكرا يا سمبل سمايل على الرد بس انا عاوزة طلاب كلية طب الاسنان يجاوبوني و يا ريت لو حد عندو خبرة في سوق العمل

[|| Dr sCorpion ||]

فيه بنات كتير بتدخل اسنان احنا معظم دفعتنا بنات حوالى التلتين تقريبا
وفى الشغل بردو بيشتغلوا اه معظم العيادات اللى بشوفها دكاتره بس فى دكاترة اسنان ستات شطار ومعروفين كمان ده يعتمد عليكى اكتر وعلى شطارتك فى الشغل
وان كان على جزء الخلع فمش مهم تخلعى لو مش تقدرى ابقى سيبيها لدكتور لكن الحاجات التانيه كلها متفرقش فى نظرى راجل عن بنت وف الكليه بتتعلمى كل حاجه زى الولد
هى كليه جميله للولاد والبنات وهما يبقوا يردوا عليكى احسن
وربنا يوفقك ف اختيارك

[doctor_1_19]

المشاركة الأصلية كتبت بواسطة de7kt 2lb

السلام عليكم و رحمة الله و بركاته , انا كنت عاوزة اسألكم ايه رأيكم في طب اسنان بالنسبة للبنت ؟؟ يعني بعد ما تتخرج ,انا بصراحة نفسي ادخلها بس قالولي ان الناس مبترضاش تروح لدكتورة اسنان ست عشان مش قوية زي الراجل و مبتقدرش تشد الضرس بالجامد !!!!!! و قالولي كمان ان في مرضى بيدخلو المستشقيات بيقولو احنا مش عايزين دكتورة سنان ست احنا عاوزين راجل !!!! الكلام ده صح يا جماااعه ؟؟؟؟ و الله عقدوني

وعليكم السلام ورحمة الله وبركاته

أولاً مبروك النجاح

ثانياً بقى ياستى فأسنان كلية كتير ممتعة وجميييييلة وإن شاء الله لما ربنا يكرمك وتدخليها حتعرفى بنفسك

أما حكاية الشغل دى فعلى حسب شطارتك انتى

يعنى انتى اللى تقدرى تثبتى نفسك وتعملى اسم كويس وسمعة حلوة

ملهاش علاقة دكتور من دكتورة

متحطيش كلام الناس ف دماغك

استخيرى الله وادخلى اللى انتى بتحبيه وتقدرى تثبتى نفسك فيه

[BINT EGYPT]

انا محتارة بين الاسنان والصيدلة

بس انا تقريبااا مش بحب اتعامل مع المرضى معرفش لاني مش مجربة

دكاترة الاسنان اي الصفات اللي مفروض تكون فيهم ؟؟

[Magic Sword]

ان الله لا يضيع اجر من اخسن عملا
صدقيني حتي بالرغم من ان الكلام اللي بتقوليه دة صح ميه في الميه طيب ما كمان الطب البشري اغلب الناس وحتي الستات بيكشفوا عند الدكاتره الرجاله يبقي معني كدا ان البنات ما تدخل طب بشري لا انتي ما تسمعي كلام حد وتوكلي ع الله

[BINT EGYPT]

انا دلوقتي مش هلتفت لكلام الناس ,,

مش هتخلص لو سمعنا لغيرنا ..

بجد اعملوا اللي ف بالكم وتوكلوا على الله