انقذووووووووونى

[Hamsa_1]

انا مظلومه جدا فى درجه العربى ليا 2.5 اعمل اييييييييييييه ونص فى الرياضه


ارجوكو ازاى اعمل التظلم انا من بنها اروح لمييييين اقولهم ايه

ياترى بجد الورقه هيصححوها تانى ويعيدوا توزيع الدرجات ادام عينىى ولا ايه اى حد عمل تظلم يقولى ايه كان اخبااااره

ارجوكم يا مدرسيييين

[أ.عبدالحميد فتحى]

بس ياابنتى

شوفى انت تبع قطاع اية واعملى تظلم اليوم ب 100 جنية للمادة الواحدة

وعلى فكرة الورق لاتصحح مرة اخرى ولكن بتتراجع فيها عمليات الرصد والجمع فقط من الداخل والخارج
اوجزء غير مصحح

وربنا يوفقك ان شاء الله

[Hamsa_1]

شكرا لحضرتك بس انا اعمل ايه انا هروح المدرسه كمان شويه اقلهم ايه ؟؟ لازم اروح مصر مكان المدرسه بتاعت القطاع ؟؟؟؟؟

[أ.عبدالحميد فتحى]

نعم لازم تذهبى الى مكان الكنترول لتقديم التظلم ومعك رقم الجلوس او النتيجة من المدرسة

[Hamsa_1]

استاذ لو سمحت ممكن تقولى ليه مدرس وازاى ممكن يغلط او ايه الى حصل انا المفروض انقص فى الورقه 3 درجات بس والله نقصنى 7 ازااااااى ليه مبيشفش كماااااااان انا مثلا لو رحت المكان هيكون اللقاء دا شكله ايه هل ممكن اشوف ورقتى بنفسى ووريهم اجبتى
ارجووووووووووووك

[الاستاذ عوض على]

كل ما يحدث

إعطاء الطالب صورة من ورقة الإجابة

والتأكد من تصحيح كل الاجابات

وأن جمع الدرجات صحيح

[سارةالنودى]

يا استاذ عبد الحميد انا فى نفس المشكلة كنت مراجعة نموذج الاجابه وحسبت 19 فى الجبر وادونى 13 ونص وكمان الكيمياء حليت الست اسئلة وراجعت المفروض انى انقص درجتين ونص فوجئت اني ناقصة 9درجات ونص هل هما بيصححو اول 5 اسئلة ويلغو السادس ولا بيصححو 4 والخامس يشوفو الدرجة الاكبر ويختاروها ؟ واذا عملت تظلم ينفع يصححو السؤال السادس لاني حليته صح ؟والسؤال الاول هو الي فيه الاخطاء كلها

[سارةالنودى]

محدش بيرد علينا ليه؟؟؟؟؟؟؟؟؟؟؟؟؟؟؟

[shoosho]

ياساره ان عن نفسى ازهر وعندنا بياخدوا اعلى درجات لوانتى جابوتى سته والمفروض تجاوبى خمسه وكله بتصحح
وبرده بيتهيالى بيحصل كده فى تربيه وتعليم
وممكن يكون الغلط فى جمع الدرجات لوانتى متاكده من اجابتك ميه فى الميه ومراجعاها من النموذج

[ابو اسلام]

وانا واللة نفس المشكلة انا جبت 94.2 نقصنى فى الكيمياء انا مطابق اجا بتى على كل نماذج الاجابة ال وردت فى كل المواقع منهم البوابة الثانوية وكنت المفروض انقص درجة او درجة ونص بالكتير نقصونى اربع درجات
ومشعارف اعمل اية ان كان ظلمنى حسبى اللة ونعم الوكيل فى ال صحح
رغم انى رجعت اجاباتى فى كل المواد وجاءت كما توقعت بالضبظ معاد الكيمياء منة للة للصحح
ان ظلمنى حسبى اللة ونعمة الوكيل فية حسبى اللة ونعمة الوكيل فية حسبى اللة ونعمة الوكيل فية

[msmi]

القاهرة - محرر مصراوي - أصدر الدكتور أحمد زكى بدر وزير التربية والتعليم قرارا بفتح باب تظلمات الطلاب من نتيجة الثانوية العامة اعتبارا من الاثنين ولمدة أسبوعين فقط.
وتم وضع ضوابط جديدة وافق عليها وزير التعليم تتمثل في قيام الطالب بتسديد رسم قدره مائة جنيه عن كل مادة لحساب صندوق دعم وتمويل المشروعات التعليمية بأحد البنوك الوطنية وأن يتم التقدم بطلب لمندوب لجنة النظام والمراقبة بالمديرية التابع لها الطالب.
وبناء على الطلب المقدم يحدد مندوب اللجنة موعد للاطلاع على صورة ورقة الاجابة مقر لجنة النظام والمراقبة حسب الموعد المحدد ويسمح للطالب بالدخول مع احد والديه او ولى امره القانونى فقط ولا يسمح باصطحاب التليفون المحمول اثناء الاطلاع.
ومن ضمن الضوابط الجديدة عدم السماح للطالب المتظلم بالتخلف عن الموعد المحدد له، ولا يحق له الحضور فى موعد اخر، وفى حالة تخلف الطالب عن هذا الموعد يسقط حقه فى الاطلاع على صورة ورقة الإجابة.
وكان وزير التربية والتعليم قد حذر في تصريحات سابقة المشرفين علي عمليات التصحيح من تظلمات النتائج وقال إنه في ظل الالتزام الشديد بالدقة في عمليات التصحيح لن يسمح بأي تعديلات.
وتوعد أي مشرف يثبت وجود اخطاء في الأوراق التي صححها أو راجعها بالحرمان من اعمال الامتحانات‏.‏
وشدد الوزير على بضرورة اختفاء عبارة التظلم من الامتحانات من قاموس الأسرة المصرية لأنه من الطبيعي ان تكون اعمال التصحيح متسمة بالحيادية والدقة التامة‏.‏


من مصراوي منقول

http://www.masrawy.com/News/Egypt/Po...h_tazalom.aspx

[Hamsa_1]

شكرا للردووووود

بس الله يخليكو ردوووووا عليا انا دلوقتى هروح مصر بكره اشوف ورقتى هل اخد نموذج الاجابه الاصلى بتاع العربى ولا لا ؟؟ ايه الى هيحصل معايا بكره بالظبط اييييييييه ؟؟ كام المده بتاعتو ؟ يارب اخد حقى انا همووووووووووت

[NOUFALL]

بعد الشر عليكى يا همسة

وبالتوفيق ان شاء الله

[smooth_criminal]

اجراءات التظلم زى ما عملتها امبارح
1- بتروح اى بنك اهلى او بنك مصر و قول هناك انك عايز تعمل تظلم هيقولولوك ادفع الفلوس فين و بعدين هتاخد وصل منهم
2-تاخد الوصل ده و تروح مديريتك (انا بالنسبة لى كانت المنصورة ) وتقول منين التظلم هويدوك لكشك كده عامل زى بتاع الجرايد
3- فيه واحد من الموظفين واقف مرة هياخد منك الوصل ويقلك استنى بره لما انادى عليك
4- لما ينادى عليك هخلك تملى شوية ورق كده و يديك ورقة و مكتوب فيها الميعاد بتاع الاطلاع بس اسأل هيكون فين انا بالنسبة لى المدرسة الثانوية العسكرية