ملحوظه مهمه أغفلها الكل عن امتحان التفاضل

[احمد الديب ( ابو زياد )]

كتير أتكلمو ببساطة الامتحان وانه في متناول الطالب وبعضهم قال ان الامتحان كان صعب وكارثه




يا جماعه لازم نلاحظ أن الأمتحان ده يشمل العلمي والأدبي وكمان عملي رياضه في المستقبل يعني كارثه


أنا شايف أن النقطه ده عجز في نظام التعليم


تعالي نشوف كده علشان أنا راجعت الامتحان مع طلبه كتيره وسمعت ما فيه الكفايه منهم ؟؟؟


خلاصة الموضوع كله ما أراه


أن طلبت العلمي قامو بحل الأمتحان والتعامل معه كما ينبغي أقلهم 21 درجه أن شاء الله وبعضهم حيوصل الـ 25



تعالي بقي علي أخوانه طلبة الأدبي هم من ضاعو في النص


أنا لا أقلل بشأن طلاب الأدبي


لكن طالما أن الوزير يريد وضع معايير جديده وامتحانات بهذا الشكل


كان أجدر به أن يفصل يعني يضع أمتحان رياضيات أدبي وأمتحان رياضيات علمي ويراعي الفرق تماما


كما كان زمان وكما يتكلم معاليه هو عن أيام زمان وتنسيق زمان


هوه ده اللي أنا أعرفه أفصل وميز وبعدين أدبح زي ما أنت عايز


يعني أخينا الطالب اللي داخل علمي وفي المستقبل حيدخل علمي رياضيات لو أنه شايف أن الأمتحان ده صعب لا تعلي بقي أدبحه زي ما أنت عايز


لكن أنك تعمم فده صعب صعب صعب



هيه ده النقطه اللي الوزير وقع فيها


لكن مش ضد الأمتحان لكن بالعكس أنا أرحب به فأنا أري أنه متوازن


لكن لمن !!!!


هذه هي المشكله


وشكرا

[artnee]

شكرا لكلام حضرتك

[فيروز*]

صح معك استاذى فلامتحان بالنسبة لطالب علمى ليس صعبا ....

[h-h-y]

والله الامتحان كان صعب على الاتنين

[my life]

أشكرك أولا يا مستر على الكلام ده لأن انا شوفت مواضيع تانية اول مافتحت الموضوع لقيت طريقة لاتسمى طريقة حوار أصلا بس برضه يا مستر 21 دى صعبة اوى يعنى كده ناقص كتير اوى حرام يعنى ولا حضرتك رأيك أيه

[احمد الديب ( ابو زياد )]

أنا قلت الحد الأدني 21 مش كلهم جابو الـ 21 ثم أن بكره أفكركم الـ 21 درجه ده حتكون حلوه فعلا والتنسيق حسب كلام الوزير حيكون حاجه تانيه علي ما أظن


وصدقوني أنا بتكلم عن أيام زمان زي ما الوزير بيتكلم عن زمان أيضا فزمان كان هناك الأدبي أدبي والعلمي علمي


كان لهذا مواده وأختصاصه وكان للأخر أهتماماته المنفصل


انا مش ضد أن الأدبي يدرس رياضيات طالما أن لهم كليات مثل كلية التجاره


لا ما قصدته أن المستوي ميكنشي واحد للأتنين


عموما هذا رأيي ومن يري أنه صحيح ماشي الحال ومن يري خطأه فهذا ليس ألا نقاش وفقط



وأرجع وأقول وأؤكد أن مستوي هذا الأمتحان من المفترض أن يكون مناسب ومناسب جدا لأخوانا اللي عايزين يدخلو علمي رياضيات



وأنصح من يبيت النيه لعلمي رياضيات ويري ان الامتحان صعب يراجع نفسه ويدخل أدبي ده والله ما شتيمه ده نصيحه بجد



فرياضيات 2 أشد 75 مره من الكلام البسيط بتاع 2 ثانوي ده



عموما ربنا يوفق الجميع وهذا ما لا نرجو غيره



أخوكم احمد الديب مدرس أول الرياضيات ثانوي الزقازيق - شرقيه

[mokh2010]

تمام والله
انا عندى طلبه علمى وبتقول ان الامتحان صعب شوية
ادبى صعب عليهم جداااااااااااااااااااااااااا

[elsayed2]

كمان لو تشوف امتحانات ايام زمان تلا قى امتحان الوزير يحله اعدادية دلوقت بس هما بينسو وعلى سبيل المثال معايا امتحانات انجليزى قديمة ايام تدريس قصة كليوباترا انجليزى ثانوية عامة فى الستينات ايام الوزير وغيره وشوف امتحانات الانجليزى تلاقيه
اولى ثانوى بس هما نسيين والله العظيم

[mansho]

حسبى الله ونعم الوكيل

[Emy Gemy]

صح والله
يعنى هوآ الى دآخل أدبى دآخل أدبى ليه
والله انا بموت فى الأحيآء والمواد العلميه
لكن عندى فوبيآ من الريآضه وهربت من العلمى مخصوص عشآنهآ
يقوموا يجيبو ريآضه 1 بالمنظر ده ؟!

[omargomaa]

تمام والله
انا عندى طلبه علمى وبتقول ان الامتحان صعب شوية
ادبى صعب عليهم جداااااااااااااااااااااااااا

[hoshoss]

يا استاذى

كل الامتحان متحور وبحاجة الى بيت جحا علشان يتحل

انا مش معترض لكن اين الوقت دى حاجة

انا الحمد لله فاكر قوانين الاعدادى الهندسية لكن هل امتحان تفاضل وحساب مثلثان يدخل تحت بند برهان هندسى فين الوقت

كمان سيدى الصراخ والبكاء فى اللجان جعلونا فى توتر شديد لدرجة ان من السعجلة ولاستعجال جمعنا وضربنا ارقام غلط

فبالتالى كانت النتائج النهائية غلط واحنا عارفين الحل يبقى دا صح ويصح

حرام عليك وعلى كلامك الاستاذ لا يستطيع حل هذا الامتحان فى الوقت المخصص فما بالك بالطالب

كمان الامتحان مدخلش تحت بند اللى ذاكر كويس بل دخل تحت بند اللى له واسطه اما يروح له الامتحان قبلها او تروح له نموذج اجابة

كل دا لمصلحة مين لمصلحتهم الخاصة لاجل اولادهم يدخلو جامعات الحكومة والباقى لو قدر ييدخل خاصة او ميكملش تعليمة

ولو دخل خاصة بعد ما يتخرج مترضاش النقابات تسجلة عندها وميعرفش يلاقى شغل

والله حرام اللى بيحصل دا

[اللمبودى]

كلام صحيح جدا أنا طالب علمى بالفعل الامتحان كان سهل إلى حد ما , هو صراحة خد منى مجهود فى بعض المسائل لكن أنا الحمد لله حليت كويس وربنا معانا ويوفقنا كلنا

[elodma7500]

الإمتحان كان فى مستوى الطالب المتوسط بس والله العظيم الوقت مش كفاية ساعتين مش كفاية المفروض تبقى 3 ساعات

[احمد الديب ( ابو زياد )]

أنا متخيل منظر أصحاب الجامعات الخاصه الأن الأرض لا تسعهم من الفرحه وبيدعو للوزير ؟؟؟