بلاش النظرة دى !!!

[متمنيه الشهاده]

بلاش النظرة دى !!!
بسم الله الرحمن الرحيم ، وبه نستعين ، وصلى اللهم على خير الذاكرين والشاكرين محمد وعلى أله وصحبه وسلم ، رب أشرح لى صدرى ويسر لى أمرى وأحلل عقدة من لسانى يفقهوا قولى ، سبحانك لا علم لنا إلا ما علمتنا إنك أنت العليم الحكيم...


أما بعد...نظرات كتير بتخرج مننا ، سواء كانت بقصد أو بدونه ، المهم إننا لازم ناخد بالنا منها ، ونحاول نغيرها ...


فمثلا بلاش نظرة الشاب الملتزم لنفسه إنه ملتزم ، ونظرته للشاب المتحرر إنه عاصى وضال ، لأن محدش عارف يترى الملتزم هيثبت على ألتزامه ، وممكن التانى يتحول و يكون من أولياء الله الصالحين فى يوم من الايام، فبلاش النظرة دى !!!
ونظرة الغضب من البنت المنتقبه أو المحجبه بالحجاب الشرعى للبنت اللى مش محجبة أو لابسه حجاب اليومين دول ، فبلاش النظرة دى ...وهو من الصح ان الانسان مننا يكون زعلان لما يشوف معصية وغيور على دينة ، بس لازم يخفي نظرة الغضب ويحولها إلى نظرة شفقة وخوف ممتزجه بالحب ، لأنها ممكن تكون سبب فى هداية الغير...


ΏΏΏΏΏΏΏΏΏΏΏΏΏΏΏΏΏΏΏΏΏΏΏΏ

وبلاش نظرة كتير مننا ، للشاب الملتحى ، إنه رجعى وعايش أيام الكفار على كلام كتير من شباب اليومين دول ، لأن الملتحى بينفذ أمر من أوامر سيدنا محمد صلى الله عليه وسلم، ومتجيش تقول دى سنه وتشدد ، لأن طاعة ربنا مش سنه ، طاعة ربنا فرض ، وطاعة رسوله فرض كما قال الله (أطيعوا الله وأطيعوا الرسول) ، والرسول أمر بأطلاق اللحيه ، فتبقى بكل بساطة إطلاق اللحية فرض ، ده غير ان السخريه من حد ملتحى سخريه فى صفه من صفات النبى ، ده غير إنه بيتشبه بأعظم خلق الله صلى الله عليه وسلم.
فبلاش النظرة دى


ΏΏΏΏΏΏΏΏΏΏΏΏΏΏΏΏΏΏΏΏΏΏΏΏ


وبلاش نظرتنا للبنت المنتقبة إنها لابسه النقاب علشان تاخده ستار لأعمالها السيئة ، وانا عارف ان فى كده ، بس قلة والحمد لله ، والاصل إنك تحسن الظن ، وانت مش ربنا علشان تحاسب الناس ، فبلاش النظرة دى


ΏΏΏΏΏΏΏΏΏΏΏΏΏΏΏΏΏΏΏΏΏΏΏΏ


وبلاش نظرتنا للشيوخ إنهم متشددين ، فالميزان بتاعنا هو الشرع ، فما زاد عليه فهو التشدد ، وما قل هو التساهل ، أما الاعتدال فهو التمسك بالشرع ، والشرع هو القرءان والسنه وجمهور العلماء ، فمتقلش على شيخ إنه متشدد مادام بيتكلم بقال الله وقال الرسول.
فبلاش النظرة دى


ΏΏΏΏΏΏΏΏΏΏΏΏΏΏΏΏΏΏΏΏΏΏΏΏ


وبلاش نظرتنا للشاب اللى عايش حياتة ،على حد القول، وبيكلم كل يوم بنت جديده وراكب عربيه ، فبلاش نظرة الانبهار بالغلط ، ونبقى زى الناس اللى كانت منبهرة بقارون وبماله ، فطاعة الله هى أغلى شىء ، وإذا فقدت من شىء فقد كل شىء.
فبلاش النظرة دى


ΏΏΏΏΏΏΏΏΏΏΏΏΏΏΏΏΏΏΏΏΏΏΏΏ


وبلاش نظرة الانبهار من البنت الى البنت الاستايل واللى موقفه شباب الجامعه على رجل ، فأعرفى إن دى غرقانة فى الفتن ، واحمدى ربنا إنه نجاكى من كل ده ، فاللى موقفه شباب الجامعه هتتجوز واحد بس ، ومعتقدش إن فى واحد متدين هيدور على واحده كده ، إلا لو تابت طبعا ، فكونى زى ما ربنا عايزك تكونى ، وتأكدى إنك الاحلى والاغلى دايما.


ربنا يهدينا ويصلح حالنا ويرزقنا الفهم السليم ونظرة البصيرة
وصلى اللهم على سيدنا محمد وعلى أله وصحبه وسلم
واخر دعوانا أن الحمد لله رب العالمين

ربنا يبارك فيكى

بجد موضوعك جميل جدا

واتمنى تدعيلى بالهداية وربنا يتقبل

مش شرط انى قلت انك تد عيلى بالهداية انى وحشة يعنى !!!

ربنا يهدينا كلنا

[يوسف بندارى]

جزاكم الله خيرا اميننننننننننننننننننننننننننننننننننننننننننننننن نننننننننننننننننننننننننننننننننننننن

[ندى ا]

جزاكى الله خيرا
موضوع فعلا جميل

[fuoozz]

موضوع جميل جدا
وجزاكى الله كل خير

[enghamada]

موضوع رائع يستحق الامتياز والتثبيت

[متمنيه الشهاده]

جزاكم الله خيراا على مروركم الطيب

[دعاء القلب]

جزاكى الله خيراً وجعله الله في ميزان حسناتك
فعلا الكثيرون يأخذون الفكرة العامة لاي موضوع ويستميلوا اليها رغم قد تكون خاطئة فلابد من وقفة
لنصحح الشائع لانه فالغالب خطأ
تسلم ايدك

[كورتى البعبع]

الله موضوع جميل جدااااااااااااااااااا

جزاك الله خيرا

[عاصم1]

جزاكى الله خيراً وجعله الله في ميزان حسناتك

[arabian-boy]

جزاكي الله كل خير

[wafa2y]

فعلا موضوع رائع
شكرا لحضرتك

[repentance]

بارك الله فيكي

[حازم 93]

جزاكى الله كل خير و ربنا يهدينا جميعا من الفتن و المعاصى و خصوصا فتن البنات
وطبعا مش كلهم
ويارب يكمل البنات المحترمة بعقلها ويهدى العاصين ولاد وبنات
آآآآآآآآآآآآمين

[The king Boy]

موضوع جميل لكن لا تتخيلي مدى احترامي للفتاة المنتقبة و مدى احتقاري للفتاة التي تضع وتضع وتضع ولكن الا انظر باحتقار للشاب الذي يعاكس و خلافه