الاكاديميه البحريه

[amal mohamed]

السلام عليكم

انا عايزه اقدم في الاكاديميه البحريه "كليه الهندسه "ياريت لو حد يعرف حاجه عن المصاريف يرد عليه لأني موش عارفه اجيبها خالص وكمان طريقه التقديم ياتري هيه تبع مكتب التنسيق ولا التقديم بها مباشره

[babycat]

جيبى رقمهم من الدليل واتصلى اسالى

[amal mohamed]

شكرا جزيلا ولكنى حاولت وفشلت معقوله مفيش اي حد عنده معلومات عنها

[bosy .. mostafa]

انا جارتي خريجه اكاديميه بحريه بس كلية تجاره
هي فلوسها غاليه شويه
بس بجد بيشتغلوا شغل كويس
عامة انتي بتروحي تقدمي فيها مباشره
مالهاش دعوه بمكتب التنسيق

[amal mohamed]

شكرا يا اخت بوسي بس ياريت تسألى جارتك المصاريف كام بالضبط علشان الموضوع ده شاغلني قوىىىىىىىىى

[شريف ابوالنصر]

المصاريف تبع المجموع يعنى الطلبة متقسمة 3 شرائح (أ/ب/ج) الشريحة أ الى جايبين فوق التسعين بيتخصملهم 25% من المصاريف ولو والدك موظف بيخصموا 10% المصاريف الاساسية 25 الف بس الى بيدفع المصاريف كاملة الى جايب 50% وعلى فكرة 25 الف فى الترم مش فى السنةبس لو مجموعك كويس ووالدك موظفى ممكن ينزلوا 10 الاف فى الترم لو فوق التسعين ووالدك موظف

[Ahmed-Magdi]

اتفضلي هنا :

http://www.thanwya.com/vb/showthread.php?t=161220

ولو اتصلتي ولقتيهم مش بيردوا او قالوا التقديم قفل..يبقى فرصتك احسن السنة الجاية ان شاء الله

[ahmedfeqy]

جزاكم الله خيرااا

[mohammed mido]

أنا عايز أسأل سؤال
أنا طالب في الثانويه بالسعوديه علمي
هو بياخدو المجموع بعد التحصيلي والقدرات برده ولا ايه
أرجو الرد

[م7م د 2]

انا في الاكاديميه البحريه في هندسه و كنت جايب 93 بس ملحقتش حاجه حكومه .... يلا نصيب .... المهم بعد ما اتوكسنا في التنسيق مكدبتش خبر و روحت قدمت فيها بس ما بيخدوش لا قدرات و لا بتاع انت بس بتقدم الاوراق اللي هيطلبوها منك و لو مجموعك تحت 80 هتدفع فلوس غاليه شويه و لو فوق التمانين هتدفع اقل و لو فوق التسعين هتدفع اقل .... بس في حاجه لو مجموعك تحت 80 ملكش انك تختار اي قسم هندسه هوا بس كهربا باور اما لو هفك عقلك انك تخش ميكاترونكس فدي حلم ضائع بالنسبالك ...... بس الكهربا باور محدش داخلها الا اللي جايبين اقل من تمنمين .... و انا في كهربا باور .....!!!!

[mando1000]

طب هما بيدخدوا علمى ولا ادبى ولا حسب الكلية ولا اية يا ريت حد يقولى

[جسام الزلباني]

بياخدوا علمي مفيش ادبي وبتتقسم 3 فئات فئه اكبر من 90 وفئه اقل من 90 وفئه اقل من 80 وحسب الفئه بتدفع والله الموفق