ارجو المساعده استفسار هام

[قطقوطة منقوطة]

السلام عليكم

انا طالبة في الفرقة الاولى كلية الاداب والحمد لله نجحت ورايحة سنة تانية ان شاء الله
بس انا مش مقتنعه بالكلية خالص وعاوزة اسيب التعليم لاني مش حاسة بقيمة اللى بعمله ولا ان له فايده
من البداية كنت عاوزة ادخل هندسة بس لظروف او غلطة مني اني دخلت ادبي
المهم من غير تطويل انا عاوزة اعيد الثانوية العامة من تاني وادخل علمى رياضة
هل ممكن اني ابدأ من 2 ثانوية ولا لازم ابدأ من اولى ولا هو ماينفعش خالص بعد ما دخلت الجامعه
ياريت مساعدتكم وحد يجاوبني

[مستر فتحي بنداري]

حسنا سوف استفسر لحضرتك عن الموضوع من المرشد التعليمي في المدرسة

[قطقوطة منقوطة]

شكرا ليك الموضوع دا قالقني جدا لانى فعلا مش هاقدر استمر في الكلية

[جمال سراج]

السلام عليكم ورحمة الله وبركاته
أولا انا متاسف انا مش موافقك خالص
اعرفى ان كل شىء نصيب وان قدرنا لازم نشوفه - دى الاول
هو يعنى كل اللى فى هندسة او طب او غيره مبسوط
وهل كل خريج هندسة مهندس ناجح - او كل خريج طب طبيب ناجح - حتى لو اخد دكتوراه
النجاح فى الحياة ملوش دخل لا بنوع الكلية او الدراسة من اصله
ولكن فيه حاجة مهمة - المفروض اذا اتحطينا فى مكان نسد فيه
حاولى تتاقلمى على الدراسة فى الكلية واكيد فيه اقسام هتلاقى فيها متعة وشوية شوية هتتعودى ان شاء الله
عاوز اقولك حاجة بس
بلاش نبص لحد من زملاتنا
قد يكون السبب انك بصيتى لحد من زميلاتك او زملاتك فى هندسة مثلا
المهم انا شخصيا لو عاوزة رايى بلاش واتعودى وهتمشى فى الكلية باذن الله - كتير كدا مش انتى لوحدك ولو كل واحد هيعمل كدا مش هتبقى دى دنيا ولا حياه
هل انتى ضامنة لو عدتى الثانوية اصلا انك تدخلى هندسة!!!!!!!!!!!!!
بالتاكيد محدش يضمن
وبعدين حتى الهندسة مثلا وغيرها عندك مثلا جامعات بالفلوس بتاخد الوقتى من العلمى المتادب يعنى علمى فى تانية وادبى فى تالتة - اقصد عاوزين فلوس وبيشتروا اسم بالفلوش ومش مهم النجاح - اسم وخلاص

للرد على السؤال الثانى لاى حد مش ليكى لانى واثق انك هتسمعى كلامى وهتتعودى على الكلية
يمكن اعادة الثانوية منزلى من سنة تانية علمى مثلا مش من سنة اولى

تحياتى وشكرا وربنا يوفقك

[قطقوطة منقوطة]

طيب ايه الاجرائات او الاوراق المطلوبة
انا سألت في المدرسة والمشرفة قالت انى مادمت نجحت في الثانوي ماينفعش اعيد