معا لتمر سنة اولى طب بشرى

[طبيب عالمى قادم]

احبائي في الله
طلبه الفرقه الاولي في كل كليات الطب المصريه
هنيئا لكم بانضمامكم لأسره اطباء مصر؛ وانضمامكم لكادر الاطباء "متقلقوش ان شاء الله حيتكون"

انا عارف انه اكيد في اسئله كتير اوي بتدور في دماغكم عن ماهيه الدراسه في كليه الطب؛ عن المواد ؛ وغيرها من الاسئله؟؟؟؟؟؟؟؟؟؟؟؟

وان شاء الله نحن معكم لنساعدكم علي ان تخطو اولي خطواتكم في دراسه الطب ونحن هنا الي جواركم لنصحح لكم خطأكم ونقف معكم لندعمكم إذا ما شعرتم بالضغف لتعبروا الي البر الآمن.

وعايز ابدأ حديثي معاكواا اني اوضحلكوا نقطه مهمه اوي؛ في اول السنه حتحسوا اكيد بانكم مش فاهمين حاجه خالص؛ تايه؛ فاقد الاحساس بكل الي حواليك؛ حاسس انك الوحيد الي مش فاهم والناس كلها فاهمه.
خالص؛ الاحساس ده طبيعي جدا؛ وتأكد ان كلكم في الهوا سوا ومفيش حد قاعد فاهم حتي الي كانوا بيدرسوا بالانجليزي برده عندهم مشكله؛ والموضوع ده ممكن ياخد الترم الاول كله بس اهم حاجه اوعوا تيأسوا؛ مسكت الكتاب ومش فاهم حاجه متسيبهوش برده لو مفهممتش من اول مره حتفهم من التانيه او التالته المهم متيأسش وتسيب الكتاب خالص لانك لو سيبته الوقت حيتسرق منك وحتلاقي نفسك في نص السنه وعندك امتحانات انت مش مستعد لها.
حاجه تانيه؛ احنا مش في ثانويه عامه؛ يعني انك تدخل مخلص المنهج اربع مرات قبل الامتحان مش حيمشي؛ لان ببساطه انتوا وصلتوا لمرحله التعليم الجامعي المفتوح؛ يعني الانهايه من العلم؛ الموضوع مش صعب بس هو عايز تعود مش اكتر.
وعن المواد الي حندرسها ان شاء الله في كليه الطبفي السنه الاولي والثانيه: حتدرسوا ان شاء الله اناتومي وبيو وفسيولوجي وهستولوجي
في سنه تالته: حتدرسوا بكتيريا وبارا وبكتيريا وفارما

في سنه
رابعه: رمد وانف واذن وطب مجتمع وطب شرعي.

في سنه خامسه: اطفال وباطنه.

في سنه سادسه نسا وجراحه فقط.

نيجي بقي لشرح مواد الفرقتين الاولي والتانيه لانكم حتحتاجوهم دلوقتيا
لاناتومي: علم التشريح؛ حتهتموا في كليه الطب بدراسه التشريح الآدمي ومعرفه كل اجزاء الجسم واسماء العضلات واماكن الاعضاء بكل دقه.

طب انتوا حتوجعوا دماغنا ليه بيه؟؟؟؟
التشريح هو اصلا اساس الجراحه ؛ لانه ببساطه حيوريك مكان كل حاجه وهي ماشيه ازاي وفين وكل الكلام ده الي هو اساس الجراحه.
اصلا الجراحين قبل ما يدخلوا غرفه العمليات لازم يحدد بالقلم المكان الي هو حيفتح فيه علشان يتجنب الخطأ وكمان معرفته بالتغذيه الدمويه وطرق وصولها حيساعده انه يتجنب النزيف.

طب الاناتومي ده يا دكتور عليه كام درجه ؟؟؟؟؟؟؟؟؟؟؟؟؟؟؟
الاناتومي عليه 250 درجه؟

لفسيولوجي: ده بقي احلي حاجه ممكن تدرسوها في اول سنتين؛ الفسيولوجي او علم وظائف الاعضاء؛ يتناول بالتفصيل شرح وظيفة كل عضو وكيف يقوم بتلك الوظيفه ودايما الي يفهم فسيولوجي صح بيكون طبيب ناجح لان فسيولوجي اليوم هو طب غدا.

والفسيولوجي بدره عليه 250 درجه

يبقي انتوا دلوقتي عرفتوا اكبر مادتين عندكوا في سنه اولي وتانيه

نروح بقي للمواد الصغنونه شويه.

البيو:او الكيمياء الحيويه؛ هي كيمياء صرف؛ حتدرسوا التفاعلات بتاعت جسمكوا وايه الي بيحصل للاكل وكل ده وكمان حتدرسوا احتياجات الجسم من العناصر الغذائيه والاعراض المرضيه الي بتظهر عند نقص احد هذه العناصر.

البيو بقي عليه 150 درجه
بس متستهونوش بيه؛ لان خساره الدرجات فيه سهله وبتأثر في التقدير.

الهستولوجي: "علم وظائف الانسجه" بتدرسوا فيه التركيب النسيجي لكل اعضاء الجسم وكيف يتغير هذا التركيب ليتلائم مع وظيفه العضو.
حتلاقوا ناس بتقول ديه ماده حفظ وصم؛ اوعوا حد فيكم يصدق؛ لانك لو مفهمتش الهستولوجي صح حتعمل خطأ صعب اوي في حق نفسك لان بجد الهستولوجي من المواد المظلومه جدا رغم ان الواحد لو ركز فيها حيحبها جدا.
والهستولوجي برده عليه 150 درجه.


ولنا عوده ان شاء الله لتوضيح افضل طرق المذاكره ومميزات وعيوب الكتب.
</i>

[hamada_92]

موضوع ممتاز ومجهود مشكور بس هل فى مشكلة لو حضرتك اجلته لغايةما نتيجة التنسيق تطلع عشان نبقى متاكدين اننا داخلين الكلية ومعلش عندى استفسار بسييط لاحظته

انت قولت طب الاناتومى ده يا دكتورة عليه كام درجة ؟؟؟؟؟
هو حضرتك بنت ولا ولد

[طبيب عالمى قادم]

المشاركة الأصلية كتبت بواسطة hamada_92

موضوع ممتاز ومجهود مشكور بس هل فى مشكلة لو حضرتك اجلته لغايةما نتيجة التنسيق تطلع عشان نبقى متاكدين اننا داخلين الكلية ومعلش عندى استفسار بسييط لاحظته

انت قولت طب الاناتومى ده يا دكتورة عليه كام درجة ؟؟؟؟؟
هو حضرتك بنت ولا ولد

طبيب عالمى قادم

[hamada_92]

هههههههههههه سورى

[sumasamy]

جزاك الله خير وياريت تستمر بس عندى سؤال هى كل كليات الطب فى مصر نفس النظام؟؟؟؟؟ يعنى نوع الجامعة مش بيختلف فيه النظام

[طبيب عالمى قادم]

المشاركة الأصلية كتبت بواسطة sumasamy

جزاك الله خير وياريت تستمر بس عندى سؤال هى كل كليات الطب فى مصر نفس النظام؟؟؟؟؟ يعنى نوع الجامعة مش بيختلف فيه النظام

بارك الله فيك
نعم كل كليات الطب تكوننفس النظام ولكن تختلف فى الكم وتوزيع المواد من حيث الترم الاول والثانى
وخاصة فى اولى وتانية
وتختلف الكليات فى الكم مش زى الثانوية منهج موحد
وشكراااااااااااا

[ولاء حسنى]

جزاك الله خيرا ومنتظرين البقية

[طبيب عالمى قادم]

المشاركة الأصلية كتبت بواسطة ولاء حسنى

جزاك الله خيرا ومنتظرين البقية

بارك الله فيك
ان شاء الله اى استفسار انا تحت امركوا

[sumasamy]

ممكن اسالك سؤال احنا دلوقتى فى الاجازة وداخلين طب ان شاء الله تعالى نعمل ايه بقى فى الاجازة علشان نكون مؤهلين اننا ندرس طب ومنتفاجئش بالكلية ونتعب زى ما بنسمع عن اول سنة انها صعبة قوى والطلبة بتتعقد؟؟؟؟

[طبيب عالمى قادم]

المشاركة الأصلية كتبت بواسطة sumasamy

ممكن اسالك سؤال احنا دلوقتى فى الاجازة وداخلين طب ان شاء الله تعالى نعمل ايه بقى فى الاجازة علشان نكون مؤهلين اننا ندرس طب ومنتفاجئش بالكلية ونتعب زى ما بنسمع عن اول سنة انها صعبة قوى والطلبة بتتعقد؟؟؟؟

السلام عليكم ورحمة الله وبركاته

ان شاء الله سنة اولى هتكون صعبة صعوب مؤقت لحوالى شهر او شهرين بالكتيير علشان اللغة الجديدة ومحدش هيفهم حاجة من المحاضرات
ولكن للتغلب على هذه المشكلة من الممكن ان تتعرفوا على العديد من المصلطحات الطبية وخاصة فى مادة التشريح(anatomy) لان فيه مصلحات كتيير لازم تعرفوها فلو تعرفوا حد فى طب قولوا له عاوزين كتاب intoroduction of anatomy

الكتاب ده كل اللى فيه انتوا اخذتوه فى الاحياء بالضبط فيه مثلاskeleton\muscles\nervous system\endocrine\heart
يعنى مبدئيات للتشريح وان شاء الله اقرئوه بس واعرفوا المصطلحات اللى فيه

وممكن تشتروا كتب بالانجليزى عن الاسعافات الاولية والامراض من المكتبات الطبية بكلية الطب

والموضوع اسهل مما تتوقعوا بكتيير بعد كده هتكونوا ان شاء الله متمكنين من اللغة وحاجة سهلة
مادة زى حقوق الانسان بعض الكليات تشرحها فى اولى وبتكون باللغة العربية وفى اخر السنة بتتشرح هتتمنوا ان تكون بالانجلش

وبالتوفيق للجميع

[طبيب عالمى قادم]

يلا يا سنة اولى طب
استعدوا للبحث عن هيكل عظمى هتتحتاجوووووووووه عشان التشريح

[الطامحة للافضل]

انت بتهزر مش كده؟ ههههههه نجيب منين هيكل عظمى؟

[طبيب عالمى قادم]

المشاركة الأصلية كتبت بواسطة الطامحة للافضل

انت بتهزر مش كده؟ ههههههه نجيب منين هيكل عظمى؟

لا بتكلم بجد انتوا هتحتاجو هيكل عظمى شوفوا حد يكون مخلص وعنده تستعيروه منه

[الطامحة للافضل]

انا سالت وفعلا احنا محتاجينه شكرا على المعلومة شكلى بايخ اوى ههههههههه جزاكم الله خيرا

[طبيبة مسلمة]

ربنا معاكو يا جماعة ان شاء الله
ويوفقكوا وينفع بيكو دينكم وبلدكم
بس قبل ما تبدأوا يريت تخلصوا النية لله
وتاخدوه المذاكرة والدراسة من باب العبادة