مسألة فى الرياضيات(أرشيف تجميعى )

[artnee]

شكرا يا استاذ بس فى الاول مش س اكبرمن او يساوى اتنين ولا ايه ولا حضرتك مكتبتهاش لسبب معين ولا ايه ؟

[الاستاذ محمد سعيد ابراهيم]

المشاركة الأصلية كتبت بواسطة amala

ممكن حل مسالة دى ضرورى
اوجد مجموعة حل المعادلة|2-س|=3س+4

السلام عليكم ورحمة الله وبركاته
بسم الله الرحمن الرحيم

أشكر لك مشاركتك
وحل السؤال هو:
http://img105.herosh.com/2010/06/17/47430061.gif


ومع التمنيات بالتوفيق الدائم

[mansho]

جزاك الله خيرا يا مستر

[a7mad 3abdo]

لاحظت كثير من الطلاب بعد امتحان التفاضل و حساب المثلثات
اشادوا بصعوبة الامتحان , و بعدين زعلوا شويه
و بعدين ف اول الليل قالوا " يا جماعة هنزعل علي ايه ؟ دا قضاء و قدر , و اللي ربنا عايزه هيكون ,........"
كلامك حكم و زي العسل بس اسمع مني :
انا بأسمي دي " فلسفة فارغة"
و نقنع انفسنا باشياء زائفة ...
طبعا كل شيئ بيد الله و الكلام دا كله بس دا مش في حاله :
1) خرجت من الامتحان لقيت نفسك نسيت سؤال او جزء من سؤال ..و لا تلوم الا نفسك لو قرات السؤال غلط .
2)حصلت ظروف و مقدرتش تروح ( و دا طبعا نادرا ما بيحصل الحمدلله)
انما جو اللجنة بقي و الكلام دا ...
طول ما اللجنه فيها الهدوء الكافي , لا تخرج من الامتحان و تقول جو اللجنة و ...
خصوصا في الرياضة :
قبل ما تدخل الامتحان لازم تحط في دماغك ان " مافيش مسأله مالهاش حل"
مش لازم تعمل ( فتك ) و تجاوب علي ال 5 اسئلة
هما 4 كفايا اوي , و اختار اسهل 3 في الاختياري
مشكلتنا و مشكلة الطلبة و التعليم في مصر ان الطالب اتعود علي نمط من المسائل و افكار معينة
يعني مثلا يجيلك مدرس يشرحلك قاعدة جيب التمام
يديلك 10 مسائل كل مسأله فيها فكره
و ال10 مسائل دول شاملين افكار الدرس الاساسيه كلها
اتعودنا ان الامتحان ما يطلعش براها.
نروح الامتحان و نتفاجئ بمسأله شكلها غريب
بعد ما نخلص نقول : " الامتحان مش من المنهج , المدرس دا مش تمام ما تبقاش تاخد عنده , الراجل اللي حط الامتحان دا راجل مفتري , الوزير مش حاسس باولياء الامور , .... "
يا جماعه التعليم عمره ما كان بالمعلقة
الواحد مننا عايز مدرس يجيله و يقوله " خد يا حبيبي الكام مسأله دول علي الدرس دا و الامتحان مش هيخرج منهم " لو عمل غير كدا يبقي مدرس فاشل و ما بيعرفش يشرح
لو الراجل دخل فهمك الجزء يتاع حساب المثلثات يتاع اولي ثانوي لا تعيره اهتمام
لان نزعم" ما علاقة منهج اولي ثانوي ب 2 ثانوي ؟ "
ادخل في المنهج علي طول يا استاذ و ما تضيعش وقت الحصة ...
------------------------------------------------------------------------
اللي انا عايز افهمهولك :
انت دلوقتي راجل في 2 ثانوي , يعني تقريبا اصبح لك فكر و اصبحت قادرا علي الابداع و علي خلق اشياء من وحي العدم
لذلك يجب ان تضفي علي تفكيرك لمسة من الابداع
مش عشان هو دا امتحان 2 ثانوي حرام عليا استخدم مثلا " نظرية اقليدس (علي هذا النحو) "
لازم تفكر وما تستسلمش , خليك ماشي مع المسأله , و اعيد النظر في اللي انت حليته
هتلاقي الحل قد يأتيك في ومضة .
المسأله عمرها ما هتتحل بمجرد النظر اليها و التفكير
امسك قلمك
جرب كل الطرق الممكنه
اكيد في واحدة هتوصلك
نفرض مثلا انت مش عارف اي خاصيه من خواص اي شكل هندسي
مثلا متوازي المستطيلات
لو انت مش فاكر مثلا : هل الاقطار بيتقاطعوا في منتصفهم ولا لا !
ارسم متوازي اضلاع بمقاسات مظبوطه
و ارسم قطرين , وشوف بيتقاطعوا ازاي
(بس كل دا تعمله بعد ما تخلص و فاضلك مسأله او 2 بالكتير )
امسك القلب و جرب كل ما تعرفه في المساله
و انا اضمنلك انك هتوصل . عارف ليه ؟؟؟
عشان مافيش مسأله مالهاش حل
و هو مش حاطط مسأله في الامتحان عبثا
حاول توصل من خطواتك الي الفكرة الخفية
ولا دخل للقضاء و القدر بهذا الموضوع
واحد هلاقيه رادد عليا و بيقول : " يا عم زمن الامتحان ساعتين !! هعمل قيهم ايه ولا ايه ؟!!!! "
هرد عليه و اقول " حاضر يا ابو لسان طويل ( بهزر ) " :
اسمع معايا :
انت لو من اول السنة حاولت في المسائل الصعبه بهذه الطريقه
مره في مره هتتعود عليها
و هتلقط الفكرة من شكل المسألة
بس المشكله ان الواحد فاكر ان المتميزين في الرياضة اتخلقوا مدرسين !!
لا . هما بقوا متميزين بالحل , بالتدريب , بالممارسه
عقل الانسان ليس له حدود
و لكن حدوده تتسع بالتمرين و بالاصرار
ولا تبلغ منتهاها بين يوم و ليله
لازم تاخد وقتك . و تجرب كل الممكن ...
لانك حتي لو جبت درجه مش تمام في الاخر
هتبقي شخصية مفكرة , و لك طريقه خاصه في حلك
و يكفيك شرفا انك فكرت في المسأله و لم تنقصك الا خطوة
لتدفعك الي اكمال المسأله
الوزير - والله اعلم - يريد ان ينشأ جيلا من المفكرين المبدعين
لا جيلا من المقلدين
لان الفشل هو ليس انك لا تنجح
انما الفشل ان لا تحاول و تسعي من اجل النجاح
-----------------------------------------------------------------------------
واحد يقوللي " انت بتقول كدا عشان انت حليت كويس في الامتحان !! "
لا يا ابو لسان طويل ( بهزر )
انا ماحلتش الامتحان كويس بس انا عملت اللي عليا
فكرت لحاد اخر دقيقة من الوقت
قدرت احل بعض المسائل في الوقت بدل الضائع
----------------------------------------------------------------------------
طبعا زي ما انتوا عارفين : اختلاف الراي لا يفسد للود قضية
عبر عن رايك بشكل منسق , محترم بعيدا عن كل ما يشوهه
اعرض وجهة نظرك , و نتناقش فيها
و اعرف ان القضاء و القدر ليس هذا الذي تزعمه.
انت عليك الاجتهاد و التفكير , و التوفيق من عند الله
تذكر :: ضع ردك بكل احترام , تجد اجابة بكل احترام.

[ggppccy]

اشكرك علي الطريقه المهذبه في الحوار بس اكيد في عوامل خارجيه مؤثره هنا مقدرش تقف ادامها زي جو اللجنه مثلاوالحمد الله علي كل شي وانت اكيد هتجيب الدرجه النهائيه (بهزر

[omar eltobgy]

شكرا جزيلا على هذا الموضوع الجميل

[ميرو2001]

موضوع التلقين ده ما تقدرش تعممه على الكل انا مثلا حليت كتاب دليل التقويم بأرخم الاسئلة الي فيه وانا واصحابي وطول السنة مقضينها مين يعرف يجيب اسئلة اجمد وبنتسابق ، ومع ذلك مسألة ب في السؤال الرابع اخدت مني 10 دقايق تفكير قبل ما اكتبها !
ده غير كتابتها ومراجعتها ، تعتقد لو المسألة دي اخدتالوقت ده كلو لوحدها ، ومسائل تانية كل الي فيها كلام يعني تكتب يجي نصف صفحة حل ، وفي الآخر لازم تراجع على كل الي كتبته ، انا شايف ان الامتحان مش صعب على الطالب الي مذاكر صح وغالبا هيعرف يجيب كل افكاره لو كان قاعد في البيت مثلا ، لكن المشكلة مشكلة وقت ، مفيش تقدير كافي للوقت لأن دي رياضة وغالبا ممكن تكون وانت بتحسب كتبت جا بدل جتا فطلعلك ناتج غلط ، تيجي تراجع تتوتر جدا وحاجات من دي كتير
فهو بس فنيا مش على قد الوقت خالص ، واظن ان ساعة او نصف ساعة زيادة كانت هترفع مجموع ناس كتير أوي .
الحمد لله على كل حال
وشكرا على اسلوبك الراقي عزيزي

[mgsn2222]

بص يا باشا انا محموج من بنى سويف و فى تانيه ثانوى وزى اى حد باخد درس و والله انا حليت الدليل كله و نمازج الوزاره ملقيتش حاجه فيهم دا غير المعاصر و 100% و الأمتحان اعمل ايه تانى انا مش هقولك انى خارق بس انا ملحقتش احل حجات كتييييير بسبب الوقت و شكرا

تقبل مرورى

[Emy Gemy]

كلآمك جميل على فكره بجد
وكَلنآ إحترآمناه
بس على فكره بالنسبه لحته الإبدآع فيه نآس دمآغها مش بتمشى مع الريآضه أصلاآ
وبيكرهوها
يعنى لو أى فكره غريبه فى المسأله مرت عليهم صعب إنهم يوصلولهآ
وعموٍماً الحمد لله على كل حآجه
وإحنآ عملنآ اللى علينآ

[محمود الأحمر]

ألف شكر أخ أحمد على أسلوبك الجميل جدا فى الحوار
بس الامتحان برضه كان عايز وقت أطول علشان يتحل لآن فيه مسائل عايزة وقت عشان التفكير

[اللمبودى]

كلام جميل الأنسان لازم يطور نفسه وتفكيره علشان يقدر يتماشى مع ظروف الحياة بس ده مايمنعش أننا نقول إن نظام التعليم فى بلدك مش مظبوط يعنى بدل ماتاخد طالب متميز فى شئ وتحاول تنمى الميزة دى عنده تاخده وتديله "الأدب فى العصر العباسى " و "كتاب الأغانى" حاجات مش حتفيد أى حد فى حياته وده اللى بيخلى الطالب يحفظ يحفظ طول السنة ويجى "يفضى" دماغه فى الأمتحان وتيجى بعد يومين تسأله مايردش عليك. "يبقى العيب فى مين يازمن"

[smsm1993]

ياجماعه انا معاكم فى كده بس لازم من اول السنه نتعود على المسائل دى مش نفضل طول السنه نحل ف مسائل ونتعب وف ى الاخر ايه مفيش نتيجه المفروض يغير المنهج بتاع الكتاب ويخليه صعب علشان نتعود من البدايه مش نتفاجىء ياناس انا تعبت ومش لقيت نتيجه

[a7mad 3abdo]

شكرا علي مروركم الطيب و ردودكم ,
انا معاكم ان زمن الامتحان كان غير كافي , كان محتاج كمان نصف ساعة
بس المشكلة ان الروتين في مصر غريب
يعني مثلا طالما امتحان 2009 كان الزمن بتاعه ساعتين يبقي لازم امتحان السنة دي يبقي ساعتين
المفروض يخللي زمن الامتحان متسع .
لان زمن الاجابه لو كتير هنفكر احسن
و مش هنخاف من الوقت
و انا قاعد في اللجنه لقيت الراجل بيقول فاضل ربع ساعة
والله في ناس قالت له " انت بتهزر ؟! " قال " لا والله الساعه 10 و نص "
طبعا وقت الامتحان دي اول مشكلة , بس دي ملناش يد فيها
و في نفس الوقت ان المشكلة دي مشيت علي طلاب الجمهورية كلهم
يعني انا اعتقد ان المساواه في الظلم عدل
------------------------------------------------------------------------------------
بس انا معترض ان الطلاب بيشتكوا من صعوبه الامتحان
المفروض نشتكي من وقت الامتحان , و الورق اللي بنمضي عليه , و مشاكل الشطب و المحاضر ...
كل دا وقت ضايع
بس انا في غايه الاسف لطلاب شعبة ادبي علي هذا الامتحان
فقد كان في نظر بعضهم شبه مستحيل
انما طلاب علمي انا شايف ان الامتحان دا في مستواهم لم ينقصه سوي الوقت
اما عن نظام التعليم في ثانويه العامه انا معاك انه فاشل
لان احنا بنتلقي المعلومات كلها من مدرسين من بره
يعني في الدروس الخصوصية
و بعدين ما ننساش ان الوزير دا دخل في نصف السنه الثاني يعني ما كانش هيعرف يغير الا القليل
ان شاء الله - اتمني - في السنه القادمه مدرسين المدارس يبقوا منضبطين اكتر من كدا و يراعوا ربنا في الطلبه اللي ما بياخدوش دروس .
و احنا شايفين ان الوزير مشدد العقوبات عليهم يعني ان شاء الله - لو الوزير دا فضل يعني - هتبقي احسن بكتير
و يجب ان ننظر للامر علي انه نسبه
يعني كليه الهندسة مثلا يتاخد 1000 طالب كل سنه مجاميعهم اعلي من 94% مثلا في سنه معينة
السنه الجايه هتاخد نفس ال1000 طالب بس مجاميعهم اعلي من 85% مثلا نظرا لان المجاميع قلت
عشان كدا انا مش شايف ان الراجل بيشجع الجامعات الخاصه , بالعكس
لو المجاميع زادت , درجةالقبول هتزيد
لو المجاميع قلت , درجة القبول هتقل
مستحيل يبقي في كليه من كليات القمه فيها مكان و يسيبوه فاضي
لا لا ...
يعني مثلا اللي جاب 98% السنه اللي فاتت
ممكن يتساوي باللي جايب 93% السنه دي

[kokla]

ياجدعان انتو مش عايزين تفهموا لية ان الوزير عايز الناس تخش جامعات خاصة

[طالب على ما تفرج]

يا أستاذ أحمد

بجد كلامك مقنع وجميل

واسلوبك غاية في الروعة

وفي انتظار المزيد من ابداعاتك