عندك أي سؤال عن كليه العلوم أو المواد الدراسيه ....أتفضل أدخل

[علمنى ربى]

ممكن بعد اذن حضرتك ترد عليا ضرورى لأنى محتاجة المعلومات دى من فضلك
هل علوم رياضة قسم جيولوجى بترول مرتبط بمجموع الثانويه العامة وهل هو بفلوس فعلا" ولا ايه وبعد اذنك ممكن اعرف الي يخرج من علوم الحاسب الآلى ممكن يشتغل فى ايه معلش يا دكتر هتلاقى الاسئلة كتيرة اليومين دول معلش هنتعبك معانا شويه احنا لما صدقنا نلاقى حد زى حضرتك نستفسر منه ويريحنا وجزاك الله خيرا"

[herofire2020]

سلام عليكم .....انا حضرتك طالب علمي رياضة جايب 91.5 وكنت عايز اخش علوم قسم بيختص بالعلوم الذرية او النووية مش عارف اسمه بالظبط او قسم يختص بعلوم الفضاء
فهل يوجد احد هذه الاقسام في كليات علوم رياضة؟؟؟؟؟

[smsm323]

عايزة الفرق بين اقسام عين شمس و اقسام حلوان لأني جالى الترشيح في حلوان وعايزة احول

[abdo.ronaldo]

كنت عايز اعرف ايه الاقسام اللي ممكن الواحد يخشها ويحضر دبلومه ويطلع دكتور تحاليل

[كيميائي طبي2011]

المشاركة الأصلية كتبت بواسطة abdo.ronaldo

كنت عايز اعرف ايه الاقسام اللي ممكن الواحد يخشها ويحضر دبلومه ويطلع دكتور تحاليل

اقسام الكيمياء المزدوجه مع البيولوجي

[tarek makram]

لو سمحت انا جاللى علوم القاهرة وكنت عايز ادخل قسم جيوفيزياء هل لازم اكون جايب مجموع معين فى الثانوية ولا ده بيعتمد على اول سنة فى الكلية؟
سؤال اخير
هل يوجد فى جامعة القاهرة قسم فيزياء نووية؟

[mohamed adlly]

يا جماعة انا لسه هدخل علوم رياضة عايز اعرف اختار القسم امتى فى ناس بتقول اروح اعمل تنسيق فى الكلية للقسم قبل الدراسة وناس بتقول لما ادخل الكلية ياريت الرد

[Hager Adel]

انا كمان عايزة اعرف

[ahmed mostafa1]

المشاركة الأصلية كتبت بواسطة tarek makram

لو سمحت انا جاللى علوم القاهرة وكنت عايز ادخل قسم جيوفيزياء هل لازم اكون جايب مجموع معين فى الثانوية ولا ده بيعتمد على اول سنة فى الكلية؟
سؤال اخير
هل يوجد فى جامعة القاهرة قسم فيزياء نووية؟

لا مش لازم مجموع معين بيعتمد على اولى بتاخد جيوليجيا وجيوفيزيا كمواد اختيارية وتنجح فيهم بس القسم بيدخلو 15 بس فبياخدو اعلى 15
مفيش فيزيا نووية

[ahmed mostafa1]

المشاركة الأصلية كتبت بواسطة mohamed adlly

يا جماعة انا لسه هدخل علوم رياضة عايز اعرف اختار القسم امتى فى ناس بتقول اروح اعمل تنسيق فى الكلية للقسم قبل الدراسة وناس بتقول لما ادخل الكلية ياريت الرد

انتا جامعة ايه اصلا ؟
الموضوع بيختلف من جامعة للتانية يعنى فى بيبقى على حسب مجموع ثانوى وفى تنسيق داخلى او فى على حسب تقدير اولى

[ahmed mostafa1]

المشاركة الأصلية كتبت بواسطة herofire2020

سلام عليكم .....انا حضرتك طالب علمي رياضة جايب 91.5 وكنت عايز اخش علوم قسم بيختص بالعلوم الذرية او النووية مش عارف اسمه بالظبط او قسم يختص بعلوم الفضاء
فهل يوجد احد هذه الاقسام في كليات علوم رياضة؟؟؟؟؟

النووية معنديش فكرة بس غالبا اسكندرية
علوم الفضاء او الفلك او علوم جوية موجود فى القاهرة

[ahmed mostafa1]

المشاركة الأصلية كتبت بواسطة علمنى ربى

ممكن بعد اذن حضرتك ترد عليا ضرورى لأنى محتاجة المعلومات دى من فضلك
هل علوم رياضة قسم جيولوجى بترول مرتبط بمجموع الثانويه العامة وهل هو بفلوس فعلا" ولا ايه وبعد اذنك ممكن اعرف الي يخرج من علوم الحاسب الآلى ممكن يشتغل فى ايه معلش يا دكتر هتلاقى الاسئلة كتيرة اليومين دول معلش هنتعبك معانا شويه احنا لما صدقنا نلاقى حد زى حضرتك نستفسر منه ويريحنا وجزاك الله خيرا"

فى فرق بين البترول والجيولوجيا البترول ده قسم خاص ب 9 الاف فى اولى وبيزيد 10% كل سنة وبيكون ليه تنسيق تانى خالص الجيولوجيا قسم عادى بس لازم تخشيه من علم علوم بس بياخد 10 افراد بس فى السنة وبرده كويس مش وحش

فى علوم حاسب هتدرسى البرمجة بشكل عام بس مسمى القسم ممكن يسمحلك تشتغلى فى اى حاجة تخص الحاسب بس الاساس كمبرمجة فى الشركات بس فى حجات تانية القسم هيتحهالك زى ويب ديساين فوتوشوب او حتى فى مجال الشبكات
واخيرا ممكن كمدرسة فى الحاسب وبرده ممكن تحاضرى فى الشركات وغيرها

[ahmed mostafa1]

المشاركة الأصلية كتبت بواسطة la princesse de la vie

أنا عرفت ان درجات الثانوية بتحدد أقسام الاختصاص ... طب ممكن أعرف 43 أحياء و 43 فيزيا و 50 كيميا تدخّل اقسام ايه؟

حدد انتا جامعة ايه لان الموضوع بيختلف من جامعة للتانية وكل جامعة وليها شروطها

[ahmed mostafa1]

المشاركة الأصلية كتبت بواسطة tarek makram

بسم الله الرحمن الرحيم
السلام و عليكم ورحمة الله
السؤال بوضح وببساطة انه:
فرضا اننى فى التنسيق جالى كلية (علوم مثلا ) جامعة عين شمس او حلوان ينفع احول القاهرة او العكس رغم انه فى الترتيب الجغرافى واحد بالنسبة لى وليكن (أ)
وشكرا ارجور الرد فى اسرع وقت!
استفسار اخر معلش:
سمعت ان قسم جيوفيزياء هو احسن قسم لكن علشان ادخله لازم اكون جايب مجموع اكبر من مجموع علوم ؟
يعنى مثلا علوم القاهرة من 374.5 لازم اكون جايب 380 مثلا علشان اخش ولا اول سنة لازم اجيب تقدير وبعد كده اخش اللى انا عايزه

صراحة معرفش النظام فى حلوان ايه بس القاهرة قسم الجيوفيزيا بتاخد ماديتن اختيارتين جيولوجيا وجيوفيزيا ولازم تنجح فيهم وبيعملو تنسيق داخلى لاعلى 15 واحد عايز يخش القسم من سنة اولى
الكلام الى بتقوله ده مش موجود فى القاهرة او عين شمس

بالنسبة لموضوع الترتيب الجغرافى عادى مفيش مشكلة بس يكون مجموعك جايبها

[ahmed mostafa1]

المشاركة الأصلية كتبت بواسطة tweetyy

لو سمحت انا عاوزة اعرف كلية علوم رياضة \ علوم حاسب الى
ايه موادها ؟
ايه الفرق علوم رياضة \ علوم الحاسب .................... حاسبات ومعلومات \ علوم الحاسب من حيث؟
1- فرص العمل
2- الصعوبه او السهوله
في علوم رياضه\ حاسب الى ؟
1- هل ليها فرص عمل ولو ليها تبقي فين
2- بالنسبه لموادها :- ايه المواد الى بتحتاج فهم او ايه الى بتحتاج حفظ وايه الى بتحتاج حضور سكشن ومحاضرات
3- هل تبييض المحاضرات تضييع وقت
4- هل لازم واحنا بنبيض المحاضرات نراعى تنظيمها وترتيبها بس ده بياخد وقت طويل
مش لازم ترد على كل الاسئله رد على الى تعرفه او عندك معلومات عنه
وجزاك الله خيرا على الافاده

فى اولى بتاخدى مواد اختيارية جبر واحصاء وميكانيكا وبرمجة + المواد الاجبارية
مفيش فرق بينهم الاتنين نفس المسمى وتبع نقابة العلميين وليهم فرص متساوية فى الشغل
الفرق بس انك فى اولى بتدرسى كيميا فى علوم ومش بتدرسيها فى حاسبات
مواد علوم اصعب اكيد يعنى يفضل انك تاخدى البكاليريوس ده بالذات من علوم يعنى على سبيل المثال انتى فى اى كلية بتدرسى المادة ايا كان نوعها فى علوم انتى بتدرسى ازاى بقت مادة اصلا فلو اتخرجتى من حاسب بالذات فى علوم معناها انك فاهمة برمجة ومتأسسة فيها صح
فرص العمل فى مجالات كتير زى البرمجة والتصميم وغيره مسمى القسم نفسه بيتحلك اى حاجة متعلقة بالحاسب
مش هتلاقى وقت اصلا لتبييض المحاضرات تركيزك كله هيبقى فى المزاكرة
انا كلامى بخصوص المواد متعلق بجامعة القاهرة لانها الوحيدة الى فيها قسم علوم حاسب منفرد فى الجامعات التانية بيبقى مزدوج مع رياضة او احصاء او فيزيا او مش بيبقى موجود اصلا