متجدد : التسويات والوضع الوظيفى للمعلمين الجدد وحقوقهم

[الزهراء12]

اريد معرفة مرتبات المعينين 1/7 /2011 فى كل الادارات

[الزهراء12]

يا ريت يا جماعه لو حد يعرف الكلام ده يرد عليه

[العدوى1]

طيب المعم المساعد يعمل ايه لانهم مش عاوزين يضموا مدة السنتين الى فاتم بحجة انهم ضروريين لشغل وظيفة معلم مش عارف ده هبل ولا ايه مش عارف فياريت حد يفدنى عشان ان كنا نتحرك ونرفع قضية وامرنا لله

[demotax]

[QUOTE=demotax;4311173]برجاء مساعدتى فأنا فى ورطة ومطلوب الرد بسرعة بعد إذن حضرتكم انا معلم متعاقد جديد دراسات 1/9/2011وكان جوابى اساسى على المدرسة اللى انا موجودة فيها ولى زميلة اخرى معى لكن جوابها طلع من التوجية اساسى فى المدرسة اللى انا فيها ولكن انتداب الى مدرسة اخرى وفجاة وبعد مرور 6اشهر على العقد وباجراء تعسفى تم تحويل جوابى الى انتداب وزميلتى الى اساسى ودة طبعا شغل التوجية وعندما اعترضت هددنى الموجة بفسخ عقدى لو لم انفذ امر الانتداب بدل من زميلتى بحجة انها اقدم منى فى التخرج رغم اننا عقد واحد وانا استلمت قبلها فى المدرسة ومطلوب منى الموافقة او فسخ عقدى افيدونى اشتكى ولا اعمل ايه واشتكى فين بالضبط.

[انشتين المصري]

لو سمحتم افيدونا هل احد كسب قضية ضم سنوات التعاقد للخدمة او ضم مدة الجيش للخدمة ولو كان في اي محافظة واي ادارة

[انشتين المصري]

افيدوني لو سمحمتم هل احد كسب قضية ضم مدة التعاقد او مدة الجيش للخدمة ولو كان في اي محافظة واي ادارة

[salah amin]

مشكور يا اخى على هذا المجهود الرائع

[s.skr79]

طب يا ريت المحافظات اللي عملوا اجراءات ضم الخدمة يدخلوا يقولولنا عملوا اية ويا ريت يرفعوا لنا قرار ضم الخدمة ضروري ضروري لو سمحتم لاننا في الغربية مش راضييم يضمو لنا بحجة ان القانون 155 لا يجيز الضم

[على الرشيدى]

جهد طيب يا مصطفى ولك جزيل الشكر جعله الله فى ميوان حسناتك

[زكريات]

ربنا معانا

[fmm2od7y]

محدش عنده أخبار عن ضم المدة السابقة بالغربية تعيين 1/3/2012 ياريت ال عنده أى أخبار ينشرها

[رهوفه]

والله يا استاذ لسه مافيش جديد لكن معلمى 1/3 ادارة كفر الزيات بتابع الموضوع ويارب يجعل تعبنا بفائدة وباذن الله يكون فى خير قريبا

[eldeash]

يا جماعة انا تعيين 1/7/2011 وكنت شغال من 2001 حوالى 7 سنوات بالمكافأة الشاملة والباقي عقد مميز من 2008 ولما اتعينت رفعت قضية في القضاء الاداري ةالاجراءات قربت تخلص ان شاء الله القضية اتأجلت 3 مرات لرد الاجهة الادارية والحمد لله لم ترد فاتحجزت لتقرير الخبير والحكم وان شاء الله هاضم 7 سنوات وسوف يضاف 5 علاوات كحد اقصي على اساسي المرتب
حبيت اقول لكم الكلام ده علشان متنتظروش حد يضم ليكم سنوات سابقة خلص نفسك وارفع قضية وجمع مستنداتك واتوكل على الله وبالتوفيق للجميع
وانا على استعداد لاي استفسار عن المستندات والاجراءات

[زينب عبدالرحمن]

بسم الله الرحمن الرحيم

كل الي هقوله فقط في الموضوع
إني قبلت شخص محترم
كانت مقابلته تفوق اي وصف
وإتضح إن الموضوع لم يعرض بشكله الصحيح من المديرية " التربية والتعليم "
عموما حضرته وضح لي ان فيه اتجهين شرعيين يمكن للمحافظه إنها تساعدينا من خلالهم
الأول إن مديرية التربية والتعليم ترسل للمحافظة إستفسار عن كيفية الضم .
الثاني إن إحنا نقدم شكوه للمحافظة وتكون مدعومه بالمستندات .
وأن إقترحت علي حضرته إن نبداء بلإتجاه الاول وقد قدم لي دعماً .
هبداء من غداً ، اجهز :

• صور العقود مختومه صوره طبق الأصل .
• صورة الإستماره 103 طبق الاصل .
• صحيفة الأحول من موقع الوزارة .
• صورة قرار التعيين .

لو قدرت أجهز الحجات دي غداً هروح مديرية التربية والتعليم بعد الغد الأربعاء ، ولو حد عايز يكمل معايا ، يجهز ورقة ونتقابل بعد الغد ؟
مش هقول تفاصيل تانيه ، الي عايز تفاصيل ما حدث في المحافظه يقابلني يوم الأربعاء ، وده عشان محدش اهتم بالمعياد ال سبق تحديده ؟
شكراً وإن شاء الله خير

[ahmed salh]

ربنا معاكي انشاء الله ربنا يسهل لنا ولكي الخير ان شاء اللة اكون موجود في المحافظة يوم الاربعاء