نتيجة الشهادة الاعدادية لجميع المحافظات اخر العام 2012(جديد الغربية)

[taher172007]

يا جماعة حد عارف هتظهر على اي موقع

[steng25]

نتيجة إعدادية اسيوط بتتباع لمراكز معينه للانترنت على مستوى المحافظه من داخل الكنترول وعشان الناس دى تسترزق مبينزلوش النتيجه على اى موقع الا لما النتيجه بتوصل المدارس ومبيكونش ليها اى قيمه

[أبو عمار 2010]

نتيجة إعدادية اسيوط بتتباع لمراكز معينه للانترنت على مستوى المحافظه من داخل الكنترول وعشان الناس دى تسترزق مبينزلوش النتيجه على اى موقع الا لما النتيجه بتوصل المدارس ومبيكونش ليها اى قيمه ......هذا حقيقي

[RASHD900]

نتيجة إعدادية اسيوط بتتباع لمراكز معينه للانترنت على مستوى المحافظه من داخل الكنترول وعشان الناس دى تسترزق مبينزلوش النتيجه على اى موقع الا لما النتيجه بتوصل المدارس ومبيكونش ليها اى قيمه ......هذا حقيقي انا بالفعل ذهبت لمركز نت واشتريت نتيجة الابتدائية الخاصة بقريتى فقط ونزلتها على الموقع هنا مدرسة الرشاد الابتدائية بعرب المدابغ

[هيما مجاهد]

الي السيد المحافظ والي كل مسئول في تلك المحافظة اتوجه بالتساؤل بعد ثورة يناير المجيدة واصبحت البلاد تهتم بالشعب لماذا تباع النتائج لمراكز النت واكشاكها وتضعون مصالح وخدمات المواطن تحت رحمة من لا يرحم وولي الامر عليه ان يزاحم ويدفع مرة للمركز واخري للفراش
اين خدمات المواطنين والسهر عليها يا جناب معالي المحافظ السيد/ البرعي

[اولاي]

حسبي الله ونعم الوكيل

[sasa075]

يا جماعة اللى عارف موقع اللى هتظهر عليه نتيجة اعدادية اسيوط يدينا اللينك

[محمد الجبالى]

يا جماعة العاملين بكنترولات اسيوط عامة لصوص من الطبقة الاولى وحرامية وظلمة والدليل على كده مفيش ولا واحد من القرى طالع من الاوائل وكل الاوائل من اسيوط نفسها وكل سنة المسلسل دا بيتعمل كده حسبى الله ونعم الوكيل فيهم وعلشان كده نتيجتهم علطول فى ذيل النتائج

[taher172007]

حسبنا الله ونعم الوكيل

[steng25]

إلى السيد محافظ اسيوط وكل مسئول فى هذه المحافظه أما آن للفساد أن ينتهى فى بيع النتيجه لمراكز معينه وتدويخ أولياء الامور وتعذيب الطلاب فى معرفة نتائجهم ولا لازم كل حاجه حتى النتائج نقف عليها طوابير ،وبعد أن تفاؤلنا خيرا فى تولى السيد البرعى محافظ أسيوط بعد نبيل العزبى وتوقعنا صلاح الحال أتضح لنا أن صلاح الحال من المحال .

[رامي فانز]

لازم يكسبوا في النتيجة ويحرقوا دمنا احنا

[taher172007]

يا جماعة حد عنده اخبار هتنزل على النتيجة على النت ولا ايه
ياريت يطمنا

[ozoahmed]

اطلب من اصاحب الانترنت كافيه لو سمحوا يضعوا موقع النتيجه او يتعاونوا معنا احنا كرهنا اسيوط والمحافظه ايه اللي بيعمله دى احنا رجعنا للتحكم والاحتكار من تانى والا ايه ياريت لو ملف اكسيل بالنتيجه من شاب محترم من اسيوط من اصحاب مكاتب النت وربنا يجعله فى ميزان حسانتك

[mohamedpfn]

حسبى الله ونعم ا لوكيل مش ده يبقى سرقة بردهولا ايه

[alkateem12]

فعلا هذا الكلام صحيح لأن رئيس مجموعة التطوير بأدارة الفتح التعليمية النتجة عندة وجابها من المديرية ولدية مكتبة فى قريتة والنهاردة الظهر كانت النتيجة عندة شفتوا المهزلة يا محافظ أسيوط ...وعلى فكرة أنا من نفس القرية وشفت النتيجة عندة فى الأستديو الخاص به وهو أستديو الشرق وعلى فكرة مسئول الأحصاء بالادارة كان عندة ساعتها وبينهم صلة قرابة وجيران فى البيوت ويعملان فى نفس المطبخ وموجة تطوير برضة فى نفس الأدارة حصل على النتيجة من عندة لانه من قرية مجاورة وبرضة لدية مكتبة ....شفتوا مهازل مديرية أسيوط ووكيلها ومن بعدهم أو على رأسهم السيد المحافظ
أبوفياض ....من نفس الأدارة ومن نفس قرية رئيس المجموعة