#91
|
|||
|
|||
![]() يا مستر بالنسبة للمخطط هو الشرح بتاع المخطط مش تم تعديله و مش لازم الشرح؟ و لو انا كتبت الشرح بس في الآخر و ما شرحتش المثال بس بعد ما كتبت الشرح كتبت بين قوسين ( نقص الماء ) |
#92
|
|||
|
|||
![]() اقتباس:
أنا مش بتكلم على مدرسين بصفة عامة .. أنا بتكلم على منطق واضع السؤال دة أنا ماحليتش السؤال دة زى ما قلت و دة بسبب العشوائية الى فيه فقلت بلاش أحسن .. لو كنت حليته كنت هاكتب الـ 8 فعلاً لكن دة هايستهلك وقت رهيب و الامتحان تقيل أصلاً و متحدد بوقت معين فكل ثانية فى وقت الامتحان الطالب بيبقى محتاجه الكلام دة لو أنا قاعد بحل فى امتحان درس أو فى البيت ابقى اكتب الـ 8 زى ما أحب .. إنما فى امتحان آخر سنة متحدد بوقت ماينفعش يجيب سؤال عشوائى إجابته الأصلية فى الكتاب تاخدلها صفحة إلا ربع ولا حاجة كتابة يعنى تضييع وقت رهيب و بعدها ييجى يقسمها هو فى نموذج الإجابة 6 مشكلات كل واحدة عليها نصف درجة ! طيب ما هو ممكن طالب تانى كدة يفتكر إنه عايز 3 مشكلات و كل واحدة عليها درجة على فكرة أنا كنت باخد عند الأستاذ محمد الجندى فى المنصورة و على ما أتذكر قال لنا أكثر من مرة لو محددش عدد الأمثلة يبقى غالباً هايبقوا 3 أمثلة بحيث كل مثال عليه درجة أنا هربت من السؤال دة علشان هو سؤال عشوائى و النمط دة ماينفعش فى امتحان آخر سنة تحياتى لحضرتك |
#93
|
||||
|
||||
![]()
انا اينعم دلوقتى ف اولى جامعه يعنى كنت 3 ثانوى السنه اللى فااتت بس انا متابع يعنى الامتحانات السنادى بجد بجد والله نموذج الاجابه سخيف جدا جدا جدا جدا جدا يعنى
توزيع اجابته على هيئه نقط كل نقطه ب نص وخصوصا سؤال المشكله السكانيه تحس انه توزيعته لدرجه السؤال بيقول للناس عينى عينك " انا عايز انتتقم منكم " حضرتك حترد عليا تقولى احنا فى التصحيح بنعلم فى صالح الطالب .. عارف كده بس فيه مدرسين ربنا يهديهم مفكرين ان النموذج قرآن أنزل من السما (( ده بالنسبه للمدرسين اللى ايدهم مش فى الماده طول السنه )) واساسا ليه النموذج ييجى بالاسلوب السخيف ده بطريقته دى بتقروا ان الماده ما هى الا مجرد حفظ من الكتاب وكوبى باست فى الامتحان رغم انه المفروض يعنى يحط الاجابه على بعضها كلها ويكتب مثلا 3 درجات عشان اللى ينسى نقطه مش حتأثر من ضمن 6 نقط فى سؤال المشكله السكانيه اللى هى اصلا فى الكتاب على ما اتذكر يعنى كانوا 8 نقط بجد مبقاش فيه اى اهتمام بالثانويه لا امتحانات ولا نماذج اجابه ولا رقابه بدليل تسريب الامتحانات لتانى سنه على التوالى
__________________
<( If You Can Dream It ,, You Can Do It )>
|
#94
|
|||
|
|||
![]() اقتباس:
نفسى أفهم أية لازمة نموذج الإجابة دة ؟! أية أهميته ؟! هو مين الى بيصحح الامتحان ؟! مش مدرس المادة ؟! عاملينله نموذج إجابة ليه نفسى أفهم ؟! السنة الى فاتت فى درس الأحياء كان مدرس الأحياء بيقولنا فى 2007 نموذج الإجابة كان جاى فى إجابات غلط علشان كدة سنتها محدش قفل الامتحان كانت سنة سواسية على كل .. سألته نفس السؤال : أية لازمة نموذج الإجابة دة ؟! هو مين الى بيصحح مدرس أحياء و لا سواق تاكسى ؟! ما هو مدرس و المفروض عارف الصح من الغلط .. قام هو قالى فى نماذج الإجابة فى التعليم برة بيكتبله " كلمة " واحدة بس فى الإجابة لو المصحح لقاها فى إجابة يعرف إنه ماشى مية مية و يديله الدرجة .. إنما عندنا أحنا هنا اسطمبة .. فبتبقى على حسب .. لو مدرس فاهم و لقى الطالب كاتب إجابة سليمة بس مش بنفس نص النموذج يديله الدرجة .. واحد تانى لو لقاه فى امتحان أحياء إنجليزى نسى يكتب " the " قبل كلمة يقوم منقصه نص درجة !! و قبل كدة سألت مدرسة الفرنساوى نفس السؤال : أية لازمة نموذج الإجابة ؟! قامت قالتلى علشان لو المدرس مش عارف إجابة سؤال يشوفه فى نموذج الإجابة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!! يعنى المدرس الى بيصحح مش عارف الإجابة يبقى الطالب العبقرى هو الى هايعرف ؟! الواحد كره التعليم فى مصر بسبب نماذج الإجابة العقيمة الى بيعملوها للامتحانات و وضع مستقبل الطالب تحت رحمة المصحح !! |
#95
|
||||
|
||||
![]() اقتباس:
وجايب/ه فى القصه كوتيشن اصلا مش كوتيشن قالك اللى عملها من الكاتب للقارئ اخد الدرجه واللى عملها من عم ايمن لايمن اخد الدرجه واللى عملها من اى حد لاى حد تانى اخد الدرجه ولجان تصحيح يمشوا اى حاجه ولجان تانيه يقولك لأ اجابه واحده وشيل يا طالب الليله واتحرق دمك عادى وقعد اشتم فى نفسك وفى مدرسك ( اللى كنت مفكر اللى العيب منهم وفيهم ) رغم ان العيب فى ناس بيسموهم مستشارين الماده !!!.... نعم !!!! .. ليه يعنى هو اللى بيحط الامتحان كان وضعه ايه ولا بيفكر فى ايه عشان يجيب امتحان فيه غلطات .. طبعا غير ان نموذج الاجايه ساعتها كان فيه غلطات اصلا يا اخى متتفلحسش على كام سؤال جايبهم فى امتحان انت اصلا مش عارف اجابتهم بجد واقسم بالله بعد ما طلعت من الثانويه العقيمه بكل اللى حصل فيها ادركت ان فعلا تعليمنا زى الزفت المنظومه عايزه تولع بجاز اقسم بالله احنا مغيبين والله والله تعليم فاشل لاقصى الحدود والطالب الغلبان واهله بيدفعوا التمن لعد كل امتحان بيروحوا وبعد كل نموذج اجابه بيشوفوا ... حسبى الله ونعم الوكيل بجد !
__________________
<( If You Can Dream It ,, You Can Do It )>
|
#96
|
||||
|
||||
![]()
وفى الاخر يقولك ايه بقى ؟ حنعدل ف النموذج والاسئله اللى الطلبه كتير غلطانين فيها حنوزعها والاسئله اللى من برا المنهج حنشيل درجتها .. يا اخى ما من الاول بقى حط امتحان عدل بلش منظره وفشخره كدابه وفى الاخر يطلع اللى حاطط الامتحان بطيخه
وايه ذنب طالب شاطر مجاوب الصعب وغلطان ف السهل انه يتظلم وليه توزعوا درجات اصلا معنى كده ان الامتحان مش طبيعى؟ وتجيبوا مش طبيعى ليه؟ عشان اتفزلك على الطلبه وفى الاخر بتطلع انت منها يا مستشار والطالب يتدبس ويشيل كل الهيصه دى مش مهم اعصابه فى اللجنه اللى باظت والتوتر اللى حصله وناس تتعب فى اللجنه وناس تطله تنتحر بعد الامتحان .. مش مهم كل ده فى 60 داهيه والاهم هو نى اتفزلك عليهم بجد ربنا خلصكوا من تعليم فاشل وعقيم من كل نواحيه ويا ريت التعليم والنظومه تترمى فى الزباله ويعيدوا النظر فى كل القرف ده سورى على الطاله بس بجد اللى حصل فى سنتين الثانويه بتوعى بيعيدوا نفسهم السنادى معاكم يمكن سنتكم اسخم من بتوعى .. بجد ربنا يتولاكم
__________________
<( If You Can Dream It ,, You Can Do It )>
|
#97
|
|||
|
|||
![]() اقتباس:
1 - فى 2006 امتحان العربى ثالثة ثانوى كان قايلهم فى قطعة بلاغة عايز محسن بديعى له جرس موسيقى قامت المستشارة الى واضعة الامتحان طلعته فى نموذج الإجابة الطباق ! و مش كدة و بس .. قالتلك فى نموذج الإجابة كدة : " الطباق يفيد التشخيص و التجسيم و توضيح المعنى و توكيده و تقويته و يعطى حرساً موسيقياً جميلاً يطرب الأذن و يثير الذهب و يجذب الانتباه و يدفع التفكير للتأمل " .. يا نهار أبيض دة أحنا لو سألنا واحد أولى ابتدائى هايقولى التضاد بيفيد تقوية المعنى و توضيحه و كانوا بياخدوه فى نص " قطتى بيضاء عينها خضراء " باين !! المستشارة جمعت البلاغة كلها فى سؤال واحد بالضبط زى الطالب الى مش عارف يكتب أية قام قالك اكتبله كله و خلاص و ياخد هو الصح !! 2 - فى امتحان 2012 عربى ثالثة فى سؤال المسرحية بتاعت كيلبوباترا بيسألهم ما مدى صحة أخبار شرميون ؟! و الأخبار متعلقة بفوز كيلبوباترا فى موقعة اكتيوم و قايلها فى نموذج الإجابة تتميز بالصدق و الوفاء للملكة !! يا نهار ابيض أية علاقة دة بدة !! دة لو طالب رابعة ابتدائى عارف إن كيلوباترا اتهزمت فى أكتيوم و المستشار لا !! و بعدين السؤال عايز الأخبار صحيحة ولا خاطئة مش تتميز بالصدق و مش عارف أية كدة !! 3 - فى امتحان 2011 عربى ثانية فى سؤال فى درس قراءة لماذا دون الحديث الشريف ؟! و كانت الإجابة بالنص فى الكتاب كالآتى : " كثرة الفتن و تفرع المذاهب و كثرة الفتاوى الدينية و رغبة الناس فى أن يكون لهم إمام يرجعون إليه خوفاً من أن يكون إمامهم فتاوى العلماء و مذاهبهم و ما تحكمه من أهواء و عصبية " دى إجابة كتاب المدرسة راح المستشار مجاوبها فى نموذج الإجابة " كثرة الزندقة و التجروء على رسول الله بوضع الأحاديث و ضعف ملكة الحفظ !! " يا خبر أبيض يا جدعان هو المستشار فتح الدرس و قرأه ولا ألف السؤال بإجابته و خلاص !! إجابة مالهاش أى دعوة بالدرس أصلاً !! 4 - امتحان الإنجليزى 2012 ثانية أول واحدة فى المواقف الشخصيات و الاماكن مجاوبها غلط !! صلاة النبى أحسن 5 - امتحان الإنجليزى 2011 ثانية دة أنت ذكرته بالفعل 6 -امتحان العربى 2012 ثانية فى سؤال فى درس أصالة القصة العربية منقول نصاً من امتحان سنة سابق و كان متجاوب إجابة محددة .. و جه المستشار الجديد بتاع 2012 و جاوبه إجابة تانية لا علاقة لها بإجابة السؤال نهائياً !! يعنى الى هايحل الامتحانين دلوقتى هايستغرب السؤال متكرر مرتين بإجابتين مختلفتين !! ما شاء الله 7 - امتحان الأحياء 2006 كان جايلهم سؤال : يتصاعد ثانى أكسيد الكربون من ( انشطار الجلوكوز - دورة كريبس - الأثنان معاً ) .. الى فتح الدرس و قلب بس فيه ماذكرهوش حتى هايعرف إن الإجابة دورة كريبس .. و الباشا جاوبها فى نموذج الإجابة الأثنان معاً !! و بعدها لما اكتشف إنه غلطان قال نمشى الإجابتين الصح بتاعت العيال و الغلط بتاعتى علشان بس ماطلعش نفسى غلطان و لحد دلوقتى لسة كل الكتب الخارجية بتنقل منه الإجابة الغلط ( الأثنان معاً ) و خاصة كتاب الامتحان .. آدى مستشار نشر سؤال غلط فى كل الكتب ! ما شاء الله 8- امتحان الكيمياء 2012 السؤال الكارثى بتاع أكسيد البوتاسيوم .. بيقولهم كم عدد مولات الأكسجين اللازمة لإنتاج مول من الأكسيد من مول من البوتاسيوم المعادلة : 2k+1/2 o2 = k2o يا نهار أبيض يا جدعان أزاى مول من البوتاسيوم يدى مول من الأكسيد إذا كان أصلاً البوتاسيوم داخل ذرة واحدة و طالع ذرتين !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! أية الذرة التانية دى اتخلقت من العدم ولا أية !! و المصيبة فى نموذج الإجابة حاللها على المعادلة الى فوق و مطلعها نص مول ههههههههههه !!! مع إنه شغال 2 مول من البوتاسيوم مطلع واحد مول الأكسيد يعنى عكس السؤال الى هو طالبه تماماً !! و عمرها ما هاتطلع أبداً مول من هنا يدى مول من هنا علشان الوزن استحالة !! سؤال مهزلة و ربنا !! دول الى فاكرهم دلوقتى |
#98
|
||||
|
||||
![]()
طبعا اللى قلته فى انجلش وعربى انا عارفه انما الاحيا لأ
فعلا عربى 3 بتاعى السؤال بتاع مدى صحه الاخبار اقسملك بالله العظيم النموذج نزل بعد امتاحن الانجلش ما خلص وكان عندى فيزيا وكنت ادخل على المنتدى هنا اشوف النماذج نزلت ولا لسه زيكم كده اقسم بالله من كل نموذج ونموذج احبط بتاع يومين والحاله النفسيه زفت وفعلا لمنا شفت السؤال ده انا فاكر كويس جدا كان معايا ازازه ميا قمت هابدها على الارض كسرتها 100 حته وبقوا كل ما يشوفونى معيط ولا متعصب يعرفوا انى شفت نموذج اجابه راحوا شالوا المشترك بتتاع الكمبيوتر عشا مدخلش تانى واجيب النماذج لغايه ما ااخلص امتحاناتى وسؤال ثقافتنا من الشفاهيه للتدوين فعلا مكتوب كلام غريب جدا تحريف الاحاديث والتجرؤ على الرسول بجد اقسم بالله تحس ان اللى حاطط الاجابه دى بيتعاطى حاجه بيجيب الكلام ده منين والله معرف انت طالب شاطر بجد والله وربنا حيكرمك جدا ان شاء الله لان فعلا جبت الحته بتاعه درس اصاله القصه العربيه الدرس الوحيد اللى دخلت من غيره فى 2 ث لسبب واحد انه كل ما يجيب الدرس ده يجيب نفس الاسئله كل سنه لكن الاجايه مختلفه تماما من اول منا اخدته مع المستر وبصيت فى الامتحانات ولقيت كده حلفت بالله ما حفتحه لانه حتى لو جه حلاقى اجايه مختلفه تماما رغم انهم كانوا بيتحايلوا عليا فيه عشان ازاكره او حتى اقراه من باب العلم بالشئ اما عربى 2 و 3 سنه 2006 فده كان مسخره السنين بجد لامتحان كله اختيارات حتى البلاغه والادب واللى حاطاه فعلا واحده اسمها شاهيناز صافيناز حاجه كده يعنى وفعلا حته طباق دى كانت بجد لعنه 2006 سنه 3 كان امتحان اخويا وانا بحل امتحانات السنه اللى فاتت قالى حل زى منت عايز الا 2006 لانه امتحان مبيقسش اى حاجه لا فهم ولا حفظ ده اللى حاطه بيلعب معانا مش اكتر حتى فى الصغيران جايبه اختيارات انا فاكر فيها ( وصف حال الطفلين فى المجتمع ولا ولا ولا ولا كل ما سبق ايه العلاقه بين النص بالسؤال وبالاجايه الى هى حاطاها فى النموذج ... الله اعلم !
__________________
<( If You Can Dream It ,, You Can Do It )>
|
#99
|
|||
|
|||
![]()
أنا فعلاً بلاحظ الحاجات الغريبة دى أكثرها فى نموذج إجابة العربى بالذات .. نفسى أفهم أشمعنى المادة دى ؟!
أكثر مادة نموذج الإجابة بتاعها بيبقى مليان تأليف و اختراع لإجابات عجيبة لأسئلة أغرب بصراحة و أنا قايلها حتى لمدرس العربى إنى مستغرب هو واضع النموذج للعربى بيبقى شارب حاجة مثلاً قبل وضعه ؟! أصل لا يمكن التأليف يصل لدرجة سؤال كليوباترا دة ولا سؤال الطباق فى 2006 دة الى بجد كوميديا السنين ! نماذج الإجابة دى المفروض تتلغى و يسيبوا مدرسى التصحيح هم الى يعرفوا الصح من الخطأ و يقدروا توزيع الدرجات طالما نماذج الإجابة بتوضع بالمنظر دة !!! |
#100
|
||||
|
||||
![]() اقتباس:
ان مثلا كل محافظه ترسل بعض الاسئله لكل ماده للمستشار والاسئله دى تتبعت بنماذج اجابتها ( الاسئله دى المدرسين هما اللى يحطوها ) والمستشار ياخد الاسئله دى وينقى فعلا اللاسئله اللى فعلا المفروض تكون موضع سؤال فى امتحان وممكن هو يجيب مثلا تركه او 2 من عنده لكن تكون فى المنهج وليها اصل فى كتابى المدرسه او الدليل وبكده حليت جزء من المشكله ان المدرسيين اللى بيشرحوا للطلبه طول السنه يشاركوا فى وضع الامتحان بدل ما يحطوا مستشار عمره ما شرح اى حاجه هما بس بيدوله كتاب ويقولوه حط ويا ريت بيعرف كمان يعنى مثلا نفسى اعرف هو اللى بيحط امتحان مثلا زى العربى كام واحد هل واحد بس ولا كذا واحد .. لو كذا واحد ازاى يطلعوا امتحان فيه الكم ده من الغلطات فى النماذج بتاعه الاجابه ولو واحد بس ازاى برده ميبقاش عليه اى رقابه والاامتحان ينزل للطلبه والطلبه تتفاجئ والمدرسين يقولولك نستنى النموذج وينزل النموذج وبعد ده كله يقولك تعديل فى النموذج وحذف اسئله وتوزيع اسئله ؟
__________________
<( If You Can Dream It ,, You Can Do It )>
|
#101
|
|||
|
|||
![]()
أهم حاجة عندى برضة يبطل الأسلوب العقيم بتوزيع أنصاص على الفاضى و المليان كدة فى نموذج الإجابة
دة بيحط أنصاص على أى حرف و خلاص و أى سطر مكتوب أو خطوة فى مسألة يقوم راصص عليها أنصاص غريبة كدة ! يعنى مسألة زى مسائل الرياضة و الفيزياء مايقعدش بقى يوزع لنا أنصاص على كل خطوة بطريقة مستفزة كدة ! ما يسيب المدرس الى بيصحح هو الى يحدد أمتى ينقص نص و أمتى يدى الدرجة الكاملة طالما الإجابة طالعة مظبوطة طالما عارف درجة السؤال كاملة من كام إنما الأسلوب المستفز دة إنه يمسك قلم و يقعد يوزع أنصاص على أى حاجة يلاقيها قدامه فى الإجابة .. شىء مستفز جداً بصراحة !! |
#102
|
|||
|
|||
![]()
ان كتبت في السؤال بتاع خلدون و الفلاسفة
ان المجتمع قائم علي الترابط العضوي.............................. عند الفلاسفة وضرورة الاجتماع للانسان .................................................. .. عند ابن خلدون ومكتوب في النموذج مبدأ التغير بس بس انا متأكد ان ال انا كاتبها صح كدا موقفي اية ؟ |
#103
|
|||
|
|||
![]()
من فضلك يا مستر عندى إستفسار بخصوص التصحيح وعايز رد بناء على ما يتم فعلا فى التصحيح
1- بخصوص سؤال " تستدعى جميع المؤثرات إحساسنا" أنا شرحت الموضوع صح بس لم أذكر مثال 2- بخصوص سؤال الزيادة السكانية أنا ذكرت خمسة مع الشرح 3- بخصوص سؤال النظام السياسى ضرورة إجتماعية أنا ذكرت خمسة مع الشرح إيه الوضع بالنسبة فى التصحيح هل يخصم منى درجات وشكرا جزيلا لك يا مستر |
#104
|
|||
|
|||
![]()
ان شاء الله لا نقلق التصحيح قارب علي الانتهاء وندعوا الله الحصول علي اعلي درجة في المادة وزلا نبكي علي البن المسكوب ( الي حصل حصل ) نفكر في المستقبل
__________________
عبد من عباد الله طامع في الجنة |
#105
|
|||
|
|||
![]()
من فضلك يا مستر عندى إستفسار بخصوص التصحيح وعايز رد بناء على ما يتم فعلا فى التصحيح
1- بخصوص سؤال " تستدعى جميع المؤثرات إحساسنا" أنا شرحت الموضوع صح بس لم أذكر مثال 2- بخصوص سؤال الزيادة السكانية أنا ذكرت خمسة مع الشرح 3- بخصوص سؤال النظام السياسى ضرورة إجتماعية أنا ذكرت خمسة مع الشرح إيه الوضع بالنسبة فى التصحيح هل يخصم منى درجات وشكرا جزيلا لك يا مستر |
![]() |
العلامات المرجعية |
أدوات الموضوع | |
انواع عرض الموضوع | |
|
|