تجمع طلبة تجارة انتظام "جامعة القاهرة" 2009\2010 - الصفحة 7

روان 2010 · #91 02-09-2009, 12:03 AM

انا لسه داخله تجاره القاهره ونا جايبه المجموع التراكمي 433 ان شاء الله اقبل انا اصلا مكنش في بالي تجاره خالص لان اخواتي في كليات القمه القمه يعني وانا جايبه مجموع عالي بس مدخلتش الكليه اللي كان نفسي فيها بس الحمد لله دا نصيبي لكن كويس ان الكليه اللي نفسي قيها بره الحرم الجامعي كليه فنون تطبيقيه انا مجموعي جاب جميله بس انا كنت عايزه تطبيقيه ومش هندسه ولا حاجه لان اخويا مقروف منها ولا اي كيه غير تطبيقيه معلش انا طولت عليكوا لكن انا عاوزه اشكركم علي المجهود الجامد دا والله كويس ان في ناس كويسه وعلي العموم اتا عاوزه اقول هي كليه كويسه لو انجلش لكن العاديه الناس بيبصولولي بصه فظيعه اه والله وكمان عشان اخواتي بس هو فعلا لازم اكلم اولاد انا مش عايزه لاني عمري ما هكلم اولاد ولا عمري كلمتهم وانا ان شاء الله هعتمد علي ربنا وعلي ان شاء الله ولا احتاج لولد كما كان الناس بيقولولي

vampire1188 · #92 02-09-2009, 12:28 AM

اقتباس:

وعلي العموم اتا عاوزه اقول هي كليه كويسه لو انجلش لكن العاديه الناس بيبصولولي بصه فظيعه

انا عن نفسي شايف ان تجارة عربي احسن من تجارة انجليش .. لسببين

1- لغة الدراسة ذات نفسها بتفرق في حكاية الفهم ..

عمرك ماتقنعيني وتقوليلي ان فهمك بالانجليش يبقي زي فهمك بالعربي

2- تجارة انجليش مناهجهم اقل من تجارة عربي (خاصة في المواد النظري) ..

الكتاب تلاقيه كله على بعضه 10 شباتر مثلا .. ماياخدوش منه الا 4 شباتر

لكن في عربي .. احنا كان عندنا مادة اسمها انتاج والله العظيم الكتاب كان 16 شابتر ..

ماتلغاش منه الا شابتر واحد .. يعني كان مقرر علينا 15 شابتر .. يبقي عربي ولا انجليش ؟!

لكن في ذات الوقت انجليش ليها مميزات عن عربي برده في حاجتين

1- عدد الطلبة قليل ونسبة الاستيعاب اكيد هاتبقي احسن

في ظل الهدوء والتكييف والمكان الكويس والدكتور الكويس

2- تجارة انجليش بيدرسوا المحاسبة بالنظام الامريكي ..

وهوا دا النظام اللي بيمشي في البنوك وشركات الاستثمار غالباً

عشان كدا تتلاقي البنوك دائما بتفضل خريج انجليش عن خريج عربي

اقتباس:

بس هو فعلا لازم اكلم اولاد انا مش عايزه لاني عمري ما هكلم اولاد ولا عمري كلمتهم وانا ان شاء الله هعتمد علي ربنا وعلي ان شاء الله ولا احتاج لولد كما كان الناس بيقولولي

ههههههههه انتى عندك حساسية من الولاد ولا ايه ؟!

لا عادي .. الحياة في الكلية والجامعة مختلفة تماما عن الحياة في المدرسة

حياة المدرسة تلاقيها مقفوله .. ومجبرة على انك تعرفي الناس اللي موجودين معاكى في الكلاس

لكن حياة الكلية مفتوحة على اخرها ..

قدامك اختيارات واسعة وكتيرة جدا في تتعرفي على مين وماتتعرفيش على مين

اوعى تكونى فاكرة انك مجبرة انك تعرفي ولاد .. لا خااالص .. انتى حرة تعرفي او ماتعرفيش

مافيش ولد في الكلية عمره ييجي يفرض نفسه عليكي لإنه مايقدرش ..

لكن في نفس الوقت الولاد دول مش هاياكلوكي يعني

مش عشان مثلا انتي اتعرفتي على ولد تبقي انتي كدا بنت مش كويسة (سوري يعني)

لا خالص .. انا مش بقولك اتعرفي .. دا شئ يرجعلك ..

لكن لو هاتتعرفي يبقي اتعرفي على الكويس المحترم

عشان عينات الولاد اللي مش كويسين هاتتلاقيهم منتشرين كتير اوي في الكلية

وفي المدرج اللي هاتحضري فيه كمان

وانتى بنفسك اول يوم هاتخشي فيه الكلية وتشوفي الناس دي

هاتفتكري كلامى وتقوليلي كان عندك حق

وعموماً .. نورتى الكلية وشدى حيلك كدا وربنا يوفقك وتجيبي تقديرات عالية ان شاء الله

Mr-Esso · #93 02-09-2009, 01:21 AM

باشا فامبير اخوك اسلام ابراهيم اولى تجارة انتساب القاهرة وربنا انتا اللى حببتنى فيها والله ياصاحبى انا جايلى علوم بس انا عاوز دى وحولت وجاتلى انتساب الحمد لله وانا راضى بيها وحاببها كمان بس انا بجد ياصاحبى خايف من حاجه كل ماحد يسمع تجارة عربى يقولى ياعم ولا ليها مستقبل ولا اى حاجه انجلش هى الكل فى الكل اعمل ايه بقى واسمع اللى يقولى خد كورسات وهاتبقى زى بتاع انجلش ياترى الكلام ده صحته ايه بالله عليك ترد عليا عشان الموضوع ده هايجننى بجد يافامبير

vampire1188 · #94 02-09-2009, 04:19 AM

اقتباس:

باشا فامبير اخوك اسلام ابراهيم اولى تجارة انتساب القاهرة وربنا انتا اللى حببتنى فيها والله

ربنا يخليك ياى معلم .. دا بس من زوقك والله

اقتباس:

ياصاحبى انا جايلى علوم بس انا عاوز دى وحولت وجاتلى انتساب الحمد لله وانا راضى بيها وحاببها كمان

نورت وشرفت الكلية وان شاء الله تبقي تمام فيها

اقتباس:

بس انا بجد ياصاحبى خايف من حاجه كل ماحد يسمع تجارة عربى يقولى ياعم ولا ليها مستقبل ولا اى حاجه انجلش هى الكل فى الكل اعمل ايه بقى

لو كل اللي بيتخرجوا من تجارة عربي ومابيشتغلوش كان زمان الكلية قفلت !!

عموما انا خدتلك الاقتباس دا مابين فروق تجارة عربي وانجليش اللي موجوده فعلا

اقتباس:

انا عن نفسي شايف ان تجارة عربي احسن من تجارة انجليش .. لسببين

1- لغة الدراسة ذات نفسها بتفرق في حكاية الفهم ..

عمرك ماتقنعيني وتقوليلي ان فهمك بالانجليش يبقي زي فهمك بالعربي

2- تجارة انجليش مناهجهم اقل من تجارة عربي (خاصة في المواد النظري) ..

الكتاب تلاقيه كله على بعضه 10 شباتر مثلا .. ماياخدوش منه الا 4 شباتر

لكن في عربي .. احنا كان عندنا مادة اسمها انتاج والله العظيم الكتاب كان 16 شابتر ..

ماتلغاش منه الا شابتر واحد .. يعني كان مقرر علينا 15 شابتر .. يبقي عربي ولا انجليش ؟!

لكن في ذات الوقت انجليش ليها مميزات عن عربي برده في حاجتين

1- عدد الطلبة قليل ونسبة الاستيعاب اكيد هاتبقي احسن

في ظل الهدوء والتكييف والمكان الكويس والدكتور الكويس

2- تجارة انجليش بيدرسوا المحاسبة بالنظام الامريكي ..

وهوا دا النظام اللي بيمشي في البنوك وشركات الاستثمار غالباً

عشان كدا تتلاقي البنوك دائما بتفضل خريج انجليش عن خريج عربي

اقتباس:

واسمع اللى يقولى خد كورسات وهاتبقى زى بتاع انجلش

كورسات الانجليش بتاعة بره دي بتبقي خاصة باللغة وازاي تتكلم وترغي

لكن تجارة انجليش دي عبارة عن نفس مواد تجارة عربي بس بالانجليش

يعني هايقابلك كلام ومصطلحات بتاعة تجارة زي Assets - income statement - cash flow - purchases - sales

الحاجات دي عمرك ماهتدرسها في الكورسات بتاعة بره ..

بس عشان تبقي عارف انتا كدا كدا هايقابلك في الترم التاني ان شاء الله مادة محاسبة انجليش

بس مش هاتبقي زي بتاعة تجارة انجليش .. هيا زيها شكلا ..

لكن في بعض الحاجات مش هاتدرسها زي بتوع انجليش

عشان انا ليا صحاب فيها وشوفت الكتب بتاعتهم والملازم لاقيت فيه حاجات انا نفسي مش فاهمها

مع اني في الانجليش تمام والحمدلله .. بس الموضوع ذات نفسه مش فاهمه عشان انا مادرستوش اصلا

وهوا دا بقي الاختلاف مابين تجارة انجليش وتجارة عربي .. وهوا اسلوب ومنهج المحاسبة ذات نفسه

لكن باقي المواد النظرية هيا هيا اللي في عربي في انجليش .. عبارة عن ترجمة نصية من عربي لانجليزي

totti_pop_2008 · #95 02-09-2009, 02:31 PM

اقتباس:

المشاركة الأصلية كتبت بواسطة vampire1188

لو قصدك على تجارة انجليش فهيا هاتظهر رسمي بكرة ان شاء الله (الاربعاء 2/9)

الف شكر يا باشا ( يا رب يا مسهل)

totti_pop_2008 · #96 02-09-2009, 02:45 PM

اقتباس:

المشاركة الأصلية كتبت بواسطة روان 2010

انا لسه داخله تجاره القاهره ونا جايبه المجموع التراكمي 433 ان شاء الله اقبل انا اصلا مكنش في بالي تجاره خالص لان اخواتي في كليات القمه القمه يعني وانا جايبه مجموع عالي بس مدخلتش الكليه اللي كان نفسي فيها بس الحمد لله دا نصيبي لكن كويس ان الكليه اللي نفسي قيها بره الحرم الجامعي كليه فنون تطبيقيه انا مجموعي جاب جميله بس انا كنت عايزه تطبيقيه ومش هندسه ولا حاجه لان اخويا مقروف منها ولا اي كيه غير تطبيقيه معلش انا طولت عليكوا لكن انا عاوزه اشكركم علي المجهود الجامد دا والله كويس ان في ناس كويسه وعلي العموم اتا عاوزه اقول هي كليه كويسه لو انجلش لكن العاديه الناس بيبصولولي بصه فظيعه اه والله وكمان عشان اخواتي بس هو فعلا لازم اكلم اولاد انا مش عايزه لاني عمري ما هكلم اولاد ولا عمري كلمتهم وانا ان شاء الله هعتمد علي ربنا وعلي ان شاء الله ولا احتاج لولد كما كان الناس بيقولولي

بالاضافة لكلام فامبير بردو زى ما قالك انتى مش مجبرة تكلمى ولد غصبا عنك او حد هيجى يفرض نفسه عليكى بس بردو فى ناس محترمة وجدعان (مش كلو طبعا) لان كل حتة فيه الكويس والوحش فانتى كل الى عليكى تختارى اصدقائك بعناية (المحترمين بس طبعا)....... وبراحتك عايزة كل صحابك يبقوا بنات (بس) تقدرى عادى والعكس بردو (ولاد مع بنات) عادى برضه................وطبعا كلية تجارة كليه محترمة(يمكن ان شاء الله تتميزى فيها وتاخدى تقديرات عالية كمان وتلاقى وظيفة محترمة.؟ وساعتها متندميش انك جاتلك تجارة).............

totti_pop_2008 · #97 02-09-2009, 09:37 PM

النتيجة (بتاعة انجلش بكره يا جدعان) ادعولنا......

mina_totti65 · #98 04-09-2009, 02:55 AM

يا جماعه نتيجة اللى هى بيتقسم فيها الطلاب لمحموعات د -ز والحاجات دى هتظهر امتى والمفروض اعمل ايه لما تظهر

totti_pop_2008 · #99 04-09-2009, 02:42 PM

اقتباس:

المشاركة الأصلية كتبت بواسطة mina_totti65

يا جماعه نتيجة اللى هى بيتقسم فيها الطلاب لمحموعات د -ز والحاجات دى هتظهر امتى والمفروض اعمل ايه لما تظهر

بص يا برنس الحاجات دى مش نتيجة ولا حاجة دى مجموعات بيتقسم فيها الطلبة حسب الترتيب الابجدى لاسمائهم يعنى

مجموعة (هـ) بتضم الحروف من أ لـ ر

مجموعة (و) بتضم الحروف من ز لمحمد ل

مجموعة (ز) من محمد م لـ ى (حسب كلام فامبير)
يعنى انتا اسمك مينا هتبقى المجموعة( ز ) لان انتساب 3 مجموعات ( ه ) و ( و ) و ( ز ) اما انتساب اربع مجاميع ( ا ) و( ب ) و ( ج ) و ( د ) .......................

mina_totti65 · #**100** 04-09-2009, 04:08 PM

ربنا يخليك يا عسل بس انا كدهاعرف جدول محاضراتى امتى

totti_pop_2008 · #**101** 04-09-2009, 09:42 PM

اقتباس:

المشاركة الأصلية كتبت بواسطة mina_totti65

ربنا يخليك يا عسل بس انا كدهاعرف جدول محاضراتى امتى

جدول المحاضرات تعرفه اول يوم (26\9 يعنى)

vampire1188 · #**102** 05-09-2009, 01:34 AM

اقتباس:

ربنا يخليك يا عسل بس انا كدهاعرف جدول محاضراتى امتى

بعد اذن الأخ totti_pop_2008 ..

جدول المحاضرات بينزل قبل بدأ الدراسة بحوالي اسبوع او اسبوع ونص

يعني قبل ماتخش الدراسة ان شاء الله هاتبقي عارف مواعيدك وجداولك ودكاترتك وموادك وكل حاجة

تابع المنتدى .. وان شاء الله اول ماينزل هاتتلاقي الجداول نازلة كاملة على المنتدى على طول

ملحوظة :

- قبل بداية الدراسة ان شاء الله بأسبوع هانزلكوا دليل كامل عن تجارة القاهرة

ودا هايكون ان شاء الله شامل كل حاجة هاتدور في بالكوا من اسأله

وكل سنة وانتوا طيبين

invent_yas2020 · #**103** 05-09-2009, 03:11 AM

شكراااااااا جزيلا لكم جميعا (محمود المخترع طالب فى 1تجارة القاهرة) وارحب بكم جميعا

totti_pop_2008 · #**104** 05-09-2009, 12:45 PM

اقتباس:

المشاركة الأصلية كتبت بواسطة vampire1188

بعد اذن الأخ totti_pop_2008 ..

جدول المحاضرات بينزل قبل بدأ الدراسة بحوالي اسبوع او اسبوع ونص

يعني قبل ماتخش الدراسة ان شاء الله هاتبقي عارف مواعيدك وجداولك ودكاترتك وموادك وكل حاجة

تابع المنتدى .. وان شاء الله اول ماينزل هاتتلاقي الجداول نازلة كاملة على المنتدى على طول

ملحوظة :

- قبل بداية الدراسة ان شاء الله بأسبوع هانزلكوا دليل كامل عن تجارة القاهرة

ودا هايكون ان شاء الله شامل كل حاجة هاتدور في بالكوا من اسأله

وكل سنة وانتوا طيبين

بس انا لما رحت الكلية وسألت عن الجدول والكارنيهات هناخدها امتى؟ الموظفة اللى هناك قالتلى مع اول يوم دراسة هتتزل الجداول وتتطلع الكارنيهات على العموم الف شكر يا فامبير على معلوماتك دى ويا ريت تعتتبر الموضوع بتاعك وتخش وتدينا شوية معلومات ونصائح وكده يعنى.......فى انتظار الدليل والجدول .......الف شكر

invent_yas2020 · #**105** 05-09-2009, 05:01 PM

يا جماعة ممكن اكون صديق لكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري