للرد على اى سؤال او استفسار هنا فقط

[روحاء هندسه]

المشاركة الأصلية كتبت بواسطة محمد عبد السلام

اعتبري مفيش علاقة لأنه مش وقته خالص

اصل يامستر فيه واحدة صحبتي ورتني سؤال


وهو::


قانون جاي لوساك يرتبط ب(عدد افوجادرو _قانون افوجادرو_ جميع ماسبق)


انا قلتلها السؤال فرد عضلات لانه مش مقر منهج اوي


بس برده اتلخبطت


فايه نظام السؤال ده؟؟

المشاركة الأصلية كتبت بواسطة محمد عبد السلام

اللي عايز يشكرني يوريني الشهادة 50 في الكيمياء

ياااااااااااااااااااااااااااارب ان شاء الله يامستر


متفائله خير باذن الله تعالى


وادعيلنا جامد يامستر

المشاركة الأصلية كتبت بواسطة محمد عبد السلام

معلومة :
العام الماضي أكثر من 10 ألاف طالب حصلوا على الدرجة النهائية الكيمياء

ربنا يطمنك يامستر


بس انا قلقانة اوي من التصحيح


لان المستر عندي بيصحح بشكل دقيق جدا وانا خايفه حسة ان وكأن المصحح بيتقصد ومستني اي حاجة ينقصني عليها


يعني رغم ان الأحياء شايفاها بتتميز بالدقه عن الكيميا لكن قلقانة من تصحيح الكيميا اكتر كتير من قلقي في تصحيح الاحياء السنة اللي فاتت


يارب خير

[moOon light]

اانا قولت هما هيمتحنونا كيميا واحياء سوا
زى ما عملو ف الانجليزى وجابو حاجات من 3 ثانوى
فانت بتاخذ حذرك وجاييب لينا المفاصل وبتاع

[_ m3md_94_]

الامتحان معايا اول 3 اسئلة منه ومهظمها فى المنتدى هنا

[maenona]

و كمان merciiiiiiii

[احمد هشام المراكبى]

هههههههههههههههههه
دسدقى صح عملت كده من غير قصد ههههه

[روحاء هندسه]

مستر معلش عندي كمان شوية أسئله::


#هو لو قال عدد الاوربيتالات في عنصر عدده الذري خمسه

مش انا هقول 3؟؟


مش انا ليا دعوة بس بالمشغول ولا ايه؟؟


#هو في العضوية كاتب رابع فلوريد الميثان

ايه التسمية العجيبه ديه؟


مش مفروض رابع فلوريد الكربون او رباعي فلورو ميثان؟؟


#هو تفاعل باير خاص بس بالالكينات؟؟ولا ممكن يكون ف الالكاينات؟.


#هو ممكن يجيب في الامتحان رسمة سبايك ويقوللي اميز بينهم؟؟


#هو في دليل التقويم السؤال الخاص بايه المجموعة الوظيفيه اللي يمكنها تكوين استر عند تفاعل الحمض مع الكحول


هو انا هقول الهيدروكسيل ولا الكربوكسيل بوجه عام؟؟

وشكرا مستر محمد

[tahatata]

نزع ماء ثم اضافة ماء
خطوتين بس

[nooneasme1]

المشاركة الأصلية كتبت بواسطة روحاء هندسه

انا رايي الامتحان هيجي سهل بشكل غبي


زي بالضبط اللي حصل في الفيزيا


ودة برده مش في صالحنا


للأسف الوزارة بتتبع منهج ارضاء القاعده العريضه من الجماهير وطبعا عدد طلبة كيميا عدد كبير جدا


وأعتقد الامتحان هيجي أسهل مايكون

بس مش مهم سهل او صعب المهم توفيق ربنا

عدد طلبة أحياء 2ث كيمياء 3ث 15000 تقريبا
عدد طلبة كيمياء 2ث أحياء 3ث 50000 تقريبا
الاحياء كلهم حوالى 68000 وشوية من بيان الوزارة

[nooneasme1]

المشاركة الأصلية كتبت بواسطة omar.alashwal

الامتحان معايا اول 3 اسئلة منه ومهظمها فى المنتدى هنا

مش واسعة دى منك يا أخ عمر ولا أنت متأثر بالقذافى اللى ف الصورة بتاعتك

[tahatata]

المشاركة الأصلية كتبت بواسطة nooneasme1

مش واسعة دى منك يا أخ عمر ولا أنت متأثر بالقذافى اللى ف الصورة بتاعتك

هههههههه فكرتنا بالقذافى و الله اشتقت لخطاباته الروعه ... (زنجه زنجه)

[Mahmoud_Emad94]

المشاركة الأصلية كتبت بواسطة a_sobh2000

الإجابة بكل بساطة هي نزع ماء في درجة 180 من الكحول البيوتيلي الثانوي ينتج 1 بيوتين وبعض كده هدرجة في وجود حمض كبريتيك بس كده بكل سهوله انا اخدتها مع المستر بتاعي

ازاى هيطلع 1بيوتين مش المفروض 2 بيوتين ؟

[احمد هشام المراكبى]

مشكوووووووورين جدا

[Twilight2011]

*اكتب الصيغه البنائيه لكل من :

الكارناليت
الارزين (ازاى هنجيب منه الصيغه البنائيه ده)

معتقدش ان فى صيغة بنائية ليهم .... هو اكيد عاوز الصيغة اللى انتي عارفاها ومقدرش اقول عليها جزيئية أو بنائية لأنهم مش مركبات عضوية ....
الكارناليت : Kcl.MgCl2.6H2O
الأرزين : AsH3

*عنصر عدده الذرى (24) بين نوعه
*من كربيد الكالسيوم كيف يمكنك تحضير 1و2 ثنائى كلورو ايثان

العنصر ( استنباط اسمه من عدده الذري لكن لا يعتمد على هذا فى الحل يجب التوزيع الإلكتروني : هيكون الكروم .... Cr24 )
[Ar] 4s1 , 3d5
نوعه هيكون عنصر انتقالى رئيسي

**كيف تميز بين : 1- جسيمات الفا والطيف الذرى
2- الايثانول و2-ميثيل -2بيوتانول

**وضح بالمعادلات كيف تحصل على : البروبان من البروبين

التمييز :
1- جسيمات ألفا : شحنتها موجبة ... أعتقد انها غير مرئية تسبب وميضاً على لوح مطلي بكبريتيد الخارصين ... ناتجة من انحلال العناصر المشعة
الطيف الذري : بيكون على هيئة خطوط طيفية ملونة يعنى مرئية ناتج من إثارة العنصر وعودة الإلكترون المثار لمستواه الأصلى
( ده على حد علمي )

2- بإضافة برمنجنات البوتاسيوم :
إذا زال لون البرمنجنات ... إذن المركب ايثانول ( كحول أولى )
إذا لم يزل لون البرمنجنات ... إذن المركب 2-ميثيل ، 2-بيوتانول ( كحول ثالثى )

3- كيف تحصل على البروبان من البروبين ....
اختزال البروبين بالهيدروجين ( تفاعل هدرجة للألكين فى وجود العوامل الحفازة للحصول على الألكان )
C3H6 + H2 ------> C3H8

*قارن بين :
1- درجه غليان الالكانات والكحولات
2- التحلل المائى لكل من : 1-برومو-2-ميثيل بروبان / 2-برومو بروبان /2-برومو-2ميثيل بروبان

1- الألكانات تتميز بانخفاض درجة انصهارها بالنسبة للكحولات لوجود الروابط الهيدروجينية بين الكحولات والتى يستهلك قدر من الطاقة فى كسرها

2- أ- ينتج 2-ميثيل 1-بروبانول ( كحول أولى )
ب- ينتج 2 بروبانول ( كحول ثانوي )
جـ- ينتج 2-ميثيل ، 2-بروبانول ( كحول ثالثى )

* احسب التركيز المولارى لمحلول هيروكسيد الصوديوم الناتج من اذابه 10 جم منه فى 250 مل من الماء علما بان (o=16,h=1,na=23)

كتلة المول من الصودا الكاوية = 23 + 1 + 16 = 40 جم
عدد مولات الصودا الكاوية = 10 / 40 = 0.25 مول
التركيز = عدد المولات / الحجم = 0.25 / 0.25 = 1 مولر ( مول / لتر )

**حمض اللاكتيك من الاحماض التى يتكون فى العضلات عند القيام بالمجهود الشاق احسب عدد ذرات الكربون والهيدروجين والاكسجين فى 1,2 جم من حمض اللاكتيك حسب المعادله

c3h6o3=3c+3h2+h2o2

بصراحة أنا مش فاهم المعادلة دي محسوبة كده ازاى ؟؟؟ هي هنا مش موزونة أصلاً .......
حمض اللاكتيك : CH3-CHOH-COOH
بس هحلها حسب مانا فاهم :::
كتلة المول من حمض اللاكتيك = 3×16 + 6×1 + 3×12 = 48+6+36 = 90 جم
عدد المولات من حمض اللاكتيك فى 1.2 جم = 1.2 / 90 = 0.013 مول
عدد مولات ذرات الكربون = 3 * 0.013 = 0.039 مول
عدد ذرات الكربون = 0.039 * 6.02 * 10اس 23 = ... ذرة ( مش معايا الة حاسبة ) وبالمثل احسبي الباقى بس انا يمكن اكون غلط لأني مش فاهم السؤال اوي بصراحة

**كيف يمكنك الكشف على :حمض الايثانويك
اشعه المهبط

1- الكشف عن حمض الإيثانويك ... بإضافة بيكربونات الصوديوم ( تفاعل كشف الحامضية )... إذا تصاعد غاز ثاني أكسيد الكربون بحيث يعكر ماء الجير الرائق ....

2- والله مقدرش اعطيكي إجابة محددة لأنها مش موجودة فى المنهج ... بس انا اعرف انها سالبة الشحنة وبتنحرف جهة القطب الموجب وتسبب وميضاً على جدار الزجاجة .... وممكن نقول شوية خواص ليها إنها لها تأثير حراري و تتأثر بالمجال المغناطيسي ... بس مستر محمد يحددلنا واحدة ان شاء الله

*ما المقصود ب :
درجه التاين

نقدر نقول مثلاً
درجة التأين : مش عارف انا لسه موصلتش للباب السابع هههه

[روحاء هندسه]

ياقمر احنا اصلا السنة اللي فاتت كنا لا نتعدى 3 في المية من طلبة ثانوي عام


وكنا واخدين أحياء وعددنا قليل جدا وطبعا ماكانش فيه تالتة وطبعا ضحوا بينا وخلوا قبليه يوم ونص بس عوضوه ف الامتحان


بس ماعلينا



ربنا يسهل ان شاء الله خير وتعبنا مايضيعش

[واحد من العالم]

ممكن لو سمحتم اجابه السؤال دة
عند اضافه محلول هيدروكسيد الصوديوم الى محلول ملح تكون راسب ازرق يسود بالتسخين , وعند اضافه برمنجانات البوتاسيوم المحمضه بحمض الكبريتيك لجزء اخر من الملح اختفى اللون البنفسجى (استنتج اسم الملح , واكتب رمزة الكيميائى)