الندوه الأولى للتعريف بكل ما يخص ماده الأحياء

[موسي عياد]

مشكورا على المجهود

[lally adel]

فى خلية الاندودرمس .. المفروض ان شريط كاسبرى اللى فىها بيكون من السوبرين .. و جدران الخلية تامة التغلظ بالسوبرين .. طب مين فيهم اللى بيكون مواجه للحاء ومين مواجه للخشب .. وازاى الماء بينفذ منها للخشب والمفروض ان السوبرين دة مادة غير منفذة للماء ؟؟

معلش بس محتاجة رد ضرورى على الجزئية دى

[Hala Sayed 111]

خلايا الاندودرمس المواجهه للحاء بيكون تام التغلظ بالسيوبرين وهو فعلا بيبقى غير منفذ
و الاندودرمس المواجه للخشب بيبقى جدرانه بس مغلظة بالسيبوبرين يعنى ملفوف عليه او الى بيسموه شريط كاسبر والمية بتعدى عادى بالخاصية الاسموزية من خلال غشاء وتمشى فى الخشب بس
وشريط كاسبر ( السيوبرين ) دا مغلظ بيه الخلايا المواجهة للخشب لضمان ان الماء ميوصلش لخلايا للحاء عن طريق التشرب

يارب اكون قدرت افهمك

[lally adel]

المشاركة الأصلية كتبت بواسطة قلم بلا حبر

خلايا الاندودرمس المواجهه للحاء بيكون تام التغلظ بالسيوبرين وهو فعلا بيبقى غير منفذ
و الاندودرمس المواجه للخشب بيبقى جدرانه بس مغلظة بالسيبوبرين يعنى ملفوف عليه او الى بيسموه شريط كاسبر والمية بتعدى عادى بالخاصية الاسموزية من خلال غشاء وتمشى فى الخشب بس
وشريط كاسبر ( السيوبرين ) دا مغلظ بيه الخلايا المواجهة للخشب لضمان ان الماء ميوصلش لخلايا للحاء عن طريق التشرب

يارب اكون قدرت افهمك

بجد بجد بجد .. مش عارفة اقول لحضرتك ايه .. بس الكلمتين اللى حضرتك كتبتهم بالاحمر دول وضحولى الرؤية فعلا وخلونى ابقى متخيلة الرسم كلها فى دماغى ..
بجد جزاااااك الله خيرا وجعله فى ميزان حسناتك .. انا عاجزة عن الشكر لان فعلا الجزء دة كان عاملى هبل فى دماغى وانا بذاكر .. وانا لسة مستجدة بقى ربنا ييسر الحال
الف شكر مرة تانية

[Haytham Ali]

كلام Hala Sayed 111 تمام شكرا يا هالة
المستر فهملنا الجزئية دى بالشكل اللى قالته هالة

[khaled_omar]

تعمل الشعيره الجذره كجهاز اسموزى وضح بمثال

[MoHammed Youssef]

تشرح الخاصية الاسموزية للشعيره الجذرية وعلاقتها بتركيز العصارة كملائمة وظيفية لها

[كفراوية]

لأ دى حاجة ودى حاجة

[omarhaleem]

لان تركيز المحلول داخل فجوتها العصاريه اعلى من تركيز محلول التربة

[amothman123]

هاتشرحله كيفية امتصاص المياه خلال الجذر
لاحظ إن المياه تنتقل من خلية لخلية بالأسموزية و بالتالى يعتبر جهاز أسموزى

[Haytham Ali]

حيث أن الخاصية الأسموزية تعتمد على وجود محلولين مختلفين فى التركيز يفصل بينهما غشاء شبه منفذ للماء ، حيث ينتقل الماء من التركيز العالى إلى منطقة التركيز المنخفض وهو ما يتوافر فى تركيب الخلية حيث أنها:
1- تحتوى على غشاء بلازمى شبه منفذ.
2- داخل فجوتها العصارية محلول له تركيز معين.
3- خارج الخلية أو فى الخلايا المجاورة قد يكون المحلول ذو تركيز مختلف وهذا يعمل على مرور الماء من وإلى الخلية بالخاصية الأسموزية
ولذلك تعمل الشعيره الجذره كجهاز اسموزى

المثال مش واحد بالى قوى

[Haytham Ali]

بص الإجابة اللى كتبتها جاتلى فى امتحان عند المستر وعملهالى صح وهيا اصلا محلولة فى المذكرة بتاعته

[lally adel]

- العلاقة بين الضغط الاسموزى و تركيز المواد الذائبة ازاى علاقة طردية او ايه العلاقة اصلا بين الاتنين ؟؟

- خاصية الانتشار " هى حركة الجزيئات او الايونات من وسط ذا ضغط مرتفع الى وسط ذا ضغ منخفض نتيجة لحركة الجزيئات الذاتية المستمرة " انا فاهمة التعريف كويس بس مش عارفة اطبقه على المثال المكتوب " نقطة حبر فى كاس ماء " ايه علاقة دة بدة ؟؟

- النقل النشط امتى بيحصل وازاى بتكون التربة هى الوسط اللى تركيزه منخفض والخليه هى الوسط اللى تركيزة مرتفع ؟؟

[Haytham Ali]

اه العلاقة طردية كلما كان تركيز كبير المواد المذابة فى المحلول كلما زاد الضغط الأسموزى.
وتفسيرى انا: ان المواد المذابة ( زى السكر كدا ) يزود تركيز العصير الخلوى للشعيرة الجذرية فيبقى تركيزها كبير ومحلول التربة تركيزه قليل ( يعنى مخفف بالماء )
فهينتقل الماء من المحلول المخفف ( محلول التربة ) إلى المركز اللى هو العصير الخلوى
-------------
بالنسبة لتعريف الانتشار
هو حركة الأيونات أو الجزيئات من منطقة ذات تركيز عالى إلى منطقة ذات تركيز منخفض
بالنسبة لمثال نقطة حبر
بصى هى النقطة مركزة صح ؟ دى نقطة واحدة بس ( تركيز عالى ) هتنزل فى الماية ( تركيز المحلول منخفض يعنى الماية كتيرة والحبر قليل )
فتنتقل من نقطة الحبر وهو التركيز العالى إلى الماية وهى التركيز القليل
--------------
يحدث النقل النشط عندما ضد التدرج فى التركيز ( لما بتكون تركيز الأيونات فى الخلية أكتر من تركيزها فى محلول التربة
يعنى مثال
النبات فيه Na كتيييير والتربة فيها قليل والنبات طماع عاوز Na تانى برضو
فعاوز يدخل Na لنفسه فطبعا ده ضد التدرج فى التركيز
فهيضطر يبذل طاقة علشان يدخل Na
------------
والله أعلم
اتمنى أكون أفادتك ويرجى تأكيد المعلومات من مدرس المادة وشكرا

[lally adel]

المشاركة الأصلية كتبت بواسطة haytham ali

اه العلاقة طردية كلما كان تركيز كبير المواد المذابة فى المحلول كلما زاد الضغط الأسموزى.
وتفسيرى انا: ان المواد المذابة ( زى السكر كدا ) يزود تركيز العصير الخلوى للشعيرة الجذرية فيبقى تركيزها كبير ومحلول التربة تركيزه قليل ( يعنى مخفف بالماء )
فهينتقل الماء من المحلول المخفف ( محلول التربة ) إلى المركز اللى هو العصير الخلوى
-------------
بالنسبة لتعريف الانتشار
هو حركة الأيونات أو الجزيئات من منطقة ذات تركيز عالى إلى منطقة ذات تركيز منخفض
بالنسبة لمثال نقطة حبر
بصى هى النقطة مركزة صح ؟ دى نقطة واحدة بس ( تركيز عالى ) هتنزل فى الماية ( تركيز المحلول منخفض يعنى الماية كتيرة والحبر قليل )
فتنتقل من نقطة الحبر وهو التركيز العالى إلى الماية وهى التركيز القليل
--------------
يحدث النقل النشط عندما ضد التدرج فى التركيز ( لما بتكون تركيز الأيونات فى الخلية أكتر من تركيزها فى محلول التربة
يعنى مثال
النبات فيه na كتيييير والتربة فيها قليل والنبات طماع عاوز na تانى برضو
فعاوز يدخل na لنفسه فطبعا ده ضد التدرج فى التركيز
فهيضطر يبذل طاقة علشان يدخل na
------------
والله أعلم
اتمنى أكون أفادتك ويرجى تأكيد المعلومات من مدرس المادة وشكرا

طبعا افدتنى جدااا .. جزاك الله كل خييير