كيفية التقديم وشروط التحويل فى تنسيق الثانوية

[elham_hamdy]

مشيرا إلي عدم السماح لمن حصل علي أقل من‏90%‏ بتسجيل رغبته في القطاع الطبي أو الهندسي مثلا‏,‏ فالحاسب الآلي مقسم داخليا إلي شرائح لا يسمح معها بتسجيل الرغبات إلا في حدود المجاميع المرتفعة المعلن عنها من قبل‏.‏

دة مؤشر خطير معنى كدة ان التنسيق اتوضع قبل التسجيل وعاوزة اعرف ليييييييييية نقيب الاطباء دخل كلية طب ب 80% يعنى اية نقفل المجاميع على 90% على فكرة انا برفع صوتى للوزير وبقولة لو انتوا بتتهربو من الاقل من 90% ياريت تلغوا المجاميع الجايب اقل من 90% بعد كدة مايقدمشى فى تنسيق

[stoof]

انا مسجل في اليوم الأول و فتحت امبارح و الحمد لله لقيت رغباتي زي ما هي ............
بالنسبة لليوم الأول كان في طلبة مجاميعها قليلة ةفتحت معاها كل كليات القمة . و قدرت تختارها . اما اليوم التاني .. الوزارة دخلت الحدود الدنيا على موقع التنسيق ... و أنا أعرف إتنين أصحابي واحد سجل في أول يوم وكان جايب 82.5 أدبي و أختار كليات قمة زي اقتصاد وعلوم سياسة وإعلام و ألسن ... وواحد تاني سجل في اليوم التاني و مجموعه 83.4 بس مش فتحت معاه كليات القمة وقالوله : هذه الكلية لا تنساب مجموعك . وقد تتعرض لاستنفاذ رغباتك ....................
وبكدة الوزارة عملت الحدود الدنيا للكليات بس في الخفاء .. يعني الي مش تظهر له كليات معينة يبقى هو مش ينفع يدخلها ومكتوب في الجمهورية و الأهرام المسائي كدة والي عايز يتاكد يقراهم و يشوف ان الكلام ده صح


لكن اعذرني ... التنسيق مش اتلغي لجميع الطلبة ... بدليل ان في كتير من الطلبة مش اتلغت الرغبات عندهم ... ده كدة بيخلي كل الطلبة تقلق أكتر ما هي قلقانة

[mahmood1888]

اخى العزيز حرام عليك شد الاعصاب
انت اخطاءت ولم تسجل التسجيل الصحيح هل تعتبرده الغاء لكل الرغبات
اتحداك لو انت قمت بطباعه رغباتك بعد التسجيل
انت سجلت ولم يتم الحفظ او انت لم تقم بالحفظ او قمت بعمل حفظ والنت عندك ضعيف ولم يتم الحفظ
جميع الاخوه اطمنو اذا كنتم طبعتم الرغبات بهذا تكون اطمنت ان تسجيلك صحيح ومعك الدليل بالتسجيل
شكرا ومع دوام التوفيق

[stoof]

يا جمااااااااااعة الي سجل رغباته أول يووووم .. كان لسة الوزارة مش مش دخلت الحدود الدنيا للكليات .. اما في اليوم التاني الحدود الدنيا تم إدخالها الى الكمبيوتر المركزي ... و عشان كدة الي بدا يسجل رغباته من تاني ييووووم الموقع قالوه ان الكلية ده مش تناسب مجموعك و قد تتعرض لاستنفاذ الرغبات ......... فنرجو من الطلبة الي مجموعها قليل و سجلت اليوم الأول تفتح تاني عشان تشوف ايه الي مش ينفع يدخله و يختار كليات بدلا منها

[stoof]

يا جماعة معلش لازم نفهم حاجة .. يعني مثلا لو طالب جايب 55 % أدبي و سجل اول يوم و قدر يختار الرغبات الي عايزها ... هو كدة مش هيقدر يدخل ولا جامعة حكومة ممكن تعليم مفتوح أصل الوزارة عملت تعديل مفاجئ و حطت الحدود الدنيا لكل الكليات على الكمبيوتر المركزي و ممكن بس يقدر يدخل حقوق والله أعلم أنا مش عارف برضو
ده حاااجة غريبة جدا انهم يفتحوا كل الكليات اول يوووم وبعدين يعملوا الموضوع ده بشكل مفاجئ

يعني مش يجي يختار اقتصاد وعلوم سياسة إعلام ألسن أثار اداب ... ( ده مش سخرية والله لكن برضو كل واحد يعرف قدراته )
... فلازم برضو الواحد يتاكد ويفتح تاني ويشوف هل رغباته زي ما هي ولا الموقع بيقوله ان في رغبات معينة لا تناسب المجموع بتاعه ...
أرجو للجميع التوفيق والنجاح ووفقنا الله وإياكم

وشكرا للتنبيه من صاحب الموضوع

[نهى مندى]

صح كلامك سورى على غلطى

وفعلا الاسنان بيفتح عياده علطول لانه بيتخرج اخصائى

انا اخويا فاتح عياده ومركز ولسه محضرش حاجه

وربنا يوفق الكل

[fuoozz]

للاسف معظم الجامعات اللى اتصلت بيها بتاخد من 62% بس الجامعه البريطانيه اتصلت بيهم قالوليلى قابله للتقريب
يعنى ممكن تنزل تانى بعد الدور التانى وهى دلوقتى بتاخد 62% مفيش غير جامعه النهضة اللى عرفت عنه بتاخد 57 % هاشوف اكتوبر وmsa وmti والمستقبل والاهرام الكنديه

[ZIKA*STAR]

المشاركة الأصلية كتبت بواسطة lovebarcelona

ازاي و بيقول هندسه حد ادنى 86% !!!!!!!!!

نفس الموضوع

مش فاهم

انا 89.88 % وكتبت هندسة شبرا بنها وهكذا

هقبل ولا لأ ؟؟؟؟

ربنا يستر...

()

[Mostafa Gabriel]

http://www.thanwya.com/vb/showthread.php?t=228582


وصرح السيد عبدالحميد سلامة الوكيل الأول بوزارة التعليم العالي‏,‏ والمشرف العام علي مكتب التنسيق بأن المؤشرات تؤكد أن الحد الأدني للقبول بكليات الطب سيصل إلي‏95%,‏ والصيدلة والأسنان‏93%,‏ والهندسة‏86%,‏ والاقتصاد والعلوم السياسية‏95%,‏ والإعلام‏94%,‏ والألسن‏93%,‏ بانخفاض يتراوح بين‏2%‏ و‏3%‏ عن الحد الأدني خلال السنوات الماضية‏

[ZIKA*STAR]

لما تكشف عن النتيجة بيكتبلك ترتيبك على الشعبة

انا جايب 89.88 % وكاتبلى ترتيبي 2400

وده على شعبة علمي (علوم ورياضة )

وبما ان كليات العلوم بتقبل من حاجة و90 ^^

يبقى ترتيبي بعد ال500 طب و 700 صيدلة وهلم جراا ، فى الالف وحاجة ^^

وهندسة عايزلها بتاع 2200 طالب ^^

يبقى هقبل ولا لأ ()

[eh2131987]

المشاركة الأصلية كتبت بواسطة kalefam

إذا الطالب لم يستخرج بطاقة الرقم حتى الأن كيف يحصل على الرقم السرى

علما بأن المشكله ليس فى الرقم القومى فهو موجود فى شهادة الميلاد الاليكترونية

بل المشكلة أن الموقع يطلب تاريخ صدور البطاقة

اكتب تاريج صدور شهادة الميلاد التى بها الرقم القومى

[السويفى]

انا خريج ثانوى عام السنة دى 2010

و كونت عايز اعرف هل ينفع ادخل التعليم المفتوح الجامعى ؟

و ارجو معرفة الشروط لدخول التعليم المفتوح !

شكرا

عاااجل :استبعاد الحاصلين على 90 % من الطب



فوجئ طلاب الثانوية العامة برفض تسجيل رغباتهم في عدد من كليات القمة، بسبب تحديد مكتب التنسيق الحد الأدنى للمجاميع التى يستجيب البرنامج الإلكتروني لتسجيل الرغبات لقبولها، فيما هدد أولياء الأمور باللجوء إلى القضاء لاقامة دعاوي قضائية ضد وزير التعليم العالي، لعدم اجراء تنسيق القبول هذا العام وفقا للمعايير المعمول بها


.


ورفض البرنامج تسجيل رغبات الطلاب الحاصلين على أقل من 90% فى كلية الطب، وتسجيل رغبات الحاصلين على 85% بكلية الطب البيطرى، كما رفض قبول طلاب الأدبى الحاصلين على أقل من 62% فى الكليات النظرية ، وكان مكتب التنسيق فى الأعوام الماضية لا يتدخل فى تحديد النسبة، ويوزع الطلاب حسب رغباتهم والأماكن المحددة في كل كلية.
من جانبه، قال الدكتور هاني هلال وزير التعليم العالي، أن الطلبة الحاصلين علي مجاميع لا تسمح لهم بالقبول بهذه الكليات سوف يستبعدهم الحاسب الآلي لضعف مجاميعهم، بحسب صحف محلية السبت.
وأشار هلال إلى عدم السماح لمن حصل على أقل من ‏90%‏ بتسجيل رغبته في القطاع الطبي أو الهندسي مثلا‏،‏ فالحاسب الآلي مقسم داخليا إلى شرائح لا يسمح معها بتسجيل الرغبات إلا في حدود المجاميع المرتفعة المعلن عنها من قبل‏.‏
والتعديل الجديد يعني الغاء التنسيق بالأسلوب التقليدي وتحديد الحدود الدنيا للقبول بالكليات والمعاهد، حسب مجاميع حددها الدكتور هاني هلال وزير التعليم العالي، دون الاحتكام لرغبات الطلاب وأعداد الناجحين والتراجع عن الالتزام بقرارات المجلس الأعلي للجامعات.


اخر فرصه لتعديل الرغبات

في غضون ذلك، يغلق مكتب التنسيق الإلكتروني للجامعات الباب أمام طلبة الثانوية العامة في السابعة مساء الأحد 18 يوليو/تموز 2010، وسوف يتم استبعاد من لم يتقدموا خلال الموعد المحدد‏،‏ وعدم ترشيحهم لأي كلية أو معهد عال‏.
وقد تقدم ‏18‏ ألف طالب حتى الجمعة، من بين ‏35‏ ألفا سوف تستوعبهم مرحلة القبول المستقلة، ويمكن للطلاب تعديل رغباتهم إلكترونيا طوال ‏24‏ ساعة يوميا‏.‏
وصرح عبدالحميد سلامة الوكيل الأول بوزارة التعليم العالي،‏ والمشرف العام علي مكتب التنسيق بأن المؤشرات تؤكد أن الحد الأدني للقبول بكليات الطب سيصل إلى‏95%، والصيدلة والأسنان‏93%، والهندسة‏86%، والاقتصاد والعلوم السياسية ‏95%،‏ والإعلام ‏94%، والألسن ‏93%، بانخفاض يتراوح بين‏2%‏ و‏3%‏ عن الحد الأدنى خلال السنوات الماضية‏.‏


المصدر

http://www.egymoe.com/2736/%D8%AA%D9...%D9%87-2010-3/

[ابن بلد]

يغلق مكتب التنسيق الإلكتروني للجامعات الباب أمام طلبة الثانوية العامة في السابعة مساء الأحد‏،‏ وسوف يتم استبعاد من لم يتقدموا خلال الموعد المحدد‏،‏ وعدم ترشيحهم لأي كلية أو معهد عال‏.
وكان قد تقدم حتي الجمعة ‏18‏ ألف طالب‏ من بين ‏35‏ ألفا سوف تستوعبهم مرحلة القبول المستقلة،‏ ويمكن للطلاب تعديل رغباتهم إلكترونيا طوال‏24‏ ساعة يوميا‏.‏
وصرح السيد عبدالحميد سلامة الوكيل الأول بوزارة التعليم العالي‏,‏ والمشرف العام علي مكتب التنسيق بأن المؤشرات تؤكد أن الحد الأدني للقبول بكليات الطب سيصل إلي‏95%،‏ والصيدلة والأسنان ‏93%،‏ والهندسة ‏86%،‏ والاقتصاد والعلوم السياسية‏95%،‏ والإعلام‏94%،‏ والألسن‏93%،‏ بانخفاض يتراوح بين ‏2%‏ و‏3%‏ عن الحد الأدني خلال السنوات الماضية‏.
وفي خطوة مفاجئة تم تعديل برنامج الحاسب الآلي الخاص بتسجيل رغبات طلاب الثانوية وفقا لقطاعات الكليات المختلفة.
وتقرر عدم قبول تسجيل رغبة الطالب الأقل من 90% لكليات قطاع الطب و85% للهندسة و65% للكليات النظرية.
والتعديل الجديد يعني الغاء التنسيق بالأسلوب التقليدي وتحديد الحدود الدنيا للقبول بالكليات والمعاهد حسب مجاميع حددها الدكتور هاني هلال وزير التعليم العالي والدولة للبحث العلمي دون الاحتكام لرغبات الطلاب وأعداد الناجحين والتراجع عن الالتزام بقرارات المجلس الأعلي للجامعات.
وهدد أولياء الأمور باللجوء إلي القضاء لاقامة دعاوي قضائية ضد وزير التعليم العالي لعدم اجراء تنسيق القبول هذا العام وفقا للمعايير المعمول بها.تؤكد الدلائل علي تراجع الوزير عن قراره الذي اتخذه مع أعضاء المجلس الأعلي للجامعات حيث تتضح النية بقلة الاعداد المقبولة هذا العام بصورة واضحة بجميع الكليات رغبة في أن يصبح الحد الأدني للقبول بالطب 95% والهندسة 90%.
‏
ومن جانبه أكد الدكتور هاني هلال وزير التعليم العالي والدولة للبحث العلمي‏,‏ أن الطلبة الحاصلين علي مجاميع لا تسمح لهم بالقبول بهذه الكليات سوف يستبعدهم الحاسب الآلي لضعف مجاميعهم‏.
وأشار إلى عدم السماح لمن حصل علي أقل من ‏90%‏ بتسجيل رغبته في القطاع الطبي أو الهندسي مثلا‏،‏ فالحاسب الآلي مقسم داخليا إلي شرائح لا يسمح معها بتسجيل الرغبات إلا في حدود المجاميع المرتفعة المعلن عنها من قبل‏.‏
علي جانب آخر أكد الدكتور حاتم البلك الأمين العام لمجلس الجامعات الخاصة والأهلية‏،‏ أن المجلس أرسل للجامعات الخاصة جميع شروط وقواعد القبول‏،‏ متضمنة الحد الأدني لكل قطاع‏،‏ وأعداد المقبولين‏.‏
المصدر: صحيفتا "الأهرام" و"الجمهورية

[ahmed1957]

اه طبعا ينفع تدخل التعليم المفتوح الجامعى ومافيش اى شروط غير انك بتكتب الكليه اللى انت عايزها والجامعه اللى انت عايزها كرغبه اولى وبتجيلك ان شاء الله بس فيه بعض البرامج فيها امتحان قدرات زى كلية الاعلام او الاداب اما الحقوق او التجاره عادى واى استفسار تانى انا تحت امرك