|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#61
10-08-2009, 01:38 AM
|
||||
|
||||
سوري يا جماعه بجد ع التأخير .. بس النور كان قاطع ..
منوريـــــــــــــــــــــــــــــــــــــــن !! نكمل بقى شويه .. *يوم لما نيجي نخرج بقى .. او نروح السوبر ماركت مثلا ..نيجي نركب العربيه بقى ..اقول لماما الحريم بتركب ورا ..يلا يا حرمه انتي وبنتك اركبوا ورا .. وانا اللي هركب جمب بابا ..ومكنش حد بيقدر عليا وفعلا كنت بنفذ اللي في دماغي ..شرسه *نروح بقى السوبر ماركت ..لازم طبعا اركب في العربيه بتاعة الطلبات ..دي هوايه ..وطول ما احنا ماشيين في السوبر ماركت .. بشد اي حاجه وارميها في العربيه .. لحد ما يبقوا خلاص هيولعوا فيا .. *وفي يوم ماي مازر راحت تولد .. بعد حمل 9 شهور طبعا ..ههههه واخدونا معاها في مستشفى خاص كده ..المهم ان في هناك مكان لعب للاطفال وكده ..لقيت نفسي هنناك ..وحطوني انا واختي هناك وراحوا يولدوها ..وقعدنا نلعب ونسينا ان مامتنا بتولد اساسا ..لحد ما بابا جه خدنا وقالنا تعالوا شوفوا البيبي وكده ..وطبعا انا مكنتش طايقاه لانه مولود فوق دماغي بقى ..والدلع هيروح وكده  لدرجة اننا لما روحنا .. تاني يوم الصبح بقول لماما ده وحش وتخين وغبي روحي المستشفى رجعيه وهاتي واحد تاني ..قالتلي بس بابا نايم مين هيسوق العربيه بس ؟ قولتلها انا هاخدلك تاكسي ونروح نرجعه ونيجي قبل ما بابا يصحي .. (عسل عسل عسل) *لما كنت اعيط بقى ويزعلوني .. ادخل اي اوضه واقفل على نفسي .. مع العلم اني مبعرفش افتح الترباس .. بقفل بس .. واقعد اعيط .. ويقلولي افتحي يا بنتي .. اقوللهم لا انا هنام شويه بس ده بكل برود وهما هيموتوا عليا بره على اساس اني مش هعرف افتح وكده .. وكنت فعلا بروح في النوم وعــــــــــــــــــــــــــادي .. ولما اصحى عاوزه اخرج بقى بس مش عارفه افتح طبعا .. ومش عاوزه ابين بقى اني مدايقه من كده ..(طفله عندها عزة نفس).. اقوللهم يلا نلعب ان الاوضه دي بيتي وانتو بيتكم باقي الشقه .. يا بنتي انتي في ايه ولا في ايه انتي محبوسه .. ولما احس اني محبوسه فعلا اقعد اعيط وافتحولي حرام عليكو.. المهم كانت بترسى في الاخر على نجار زي الفل بيكسر الباب ..  كفايا دول .. عشان الاقي حاجه اكتبها بكره .. 
__________________
miss u buddies
|
|
#62
10-08-2009, 02:39 AM
|
||||
|
||||
|
اقتباس:
هههههههههههههههههههه
انتى يا بنتى انتى مصيبه و انا اللى بقول انا شرسه طلعت جمبك انتى و اللورد ملاك ملاك يا ربى قطه بريئه  يلا يلا كملى لما نشوف اخرتها فى رعايه الله
__________________
 In God's care HaPpiLy eVeR aFtEr |
|
#63
10-08-2009, 07:57 AM
|
||||
|
||||
|
كملى كملى دا انتى طلعتى نكتة
عاملة ليا سبع رجالة فى بعض وتقفلى الباب وبتردى عليهم ببرود ووقت الجد تعيطى ههههههههههههههه متابع دا انتى هتشوفى تريقة بكرة يالهوى اصبرى بس عليا بقى انا طفل متشرد  ماشى ماشى 
__________________
لا اله الا الله ... محمد رسول الله
آخر تعديل بواسطة MoHaMeD ELsHeRbEnY ، 10-08-2009 الساعة 08:00 AM |
|
#64
10-08-2009, 08:41 AM
|
||||
|
||||
|
ههههههه كملي يا بنتي بطني وجعتني من الضحك عليكِ بس تصدقي بفتكر نفسي في قصتك  اقتباس:
أنا كنت بشيل قسم الشيكولاتة كله في الترولي
و ما زلت باعمل كده و كنت بدخلهم قسم الشيكولاتة ده أول قسم بعد ما نخرج منه بابا .. بابا .. مش هنروح البيت بقى .. بقالنا كتيير تعبت ده هيتريقوا عليكِ تريقة
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#65
10-08-2009, 12:53 PM
|
||||
|
||||
|
اقتباس:
محسسني اني بحكيلك ميكي وسمير .. ده انا شكلي هتطحن ربنا يستر ..  ماشي .. هنكمل .. *مره في يوم من الايام .. من الايام اللي مبحبهاش في حياتي .. كانت ماي مازر بتغسل .. فـ روحت اجيبلها هدومي وكده ..لسه بفتح الدولاب لقيت الدرفتين بتوعه معاكسين لبعض وكده .. عملت فيها سبع الطرمبه وقولت لازم اعدلهم .. ولسه بشد واحده فيهم (وعينكم ما تشوف الا النور )..راح الدولاب كله على رجلي وخصوصا على صوباعي الكبير .. انا ببص لقيت بحيره من الدم .. اغم عليا بصراحه .. وجم بقى شالوني وغسلولي وكده .. وبابايا ساعتها مكنش موجود .. واحنا في بلد غريبه يعني مينفعش نخرج الا والاب معانا .. ومحدش من الجيران كان موجود.. وفضلت انزف من العصر لحد قرب العشا ..واخواتي يعيطوا حواليا ..حاسين اني خلاص بحتضر ..المهم لما بابايا بقى جه اخدني وروحت مستشفى كده ..وكان الدكتور سوداني انا فاكره .. المهم ظبطلي رجلي وميه ميه ..وحطلي شريحه كده ولف عليها الرباط .. واحنا مروحين قولتلهم انا عاوزه اكل بيتزا .. انتي في ايه ولا في ايه يختي .. بس جابولي طبعا ..مش تعبانه بقى ؟ (وعلى فكره طول ما انا بنزف كنت بقوللهم عاوزه سندوتش مربى .. وهما عارفين اني مبحبهاش .. فكانوا عارفين اني بخرف) المهم بقى انا مكسوره وكده .. يعني المفروض مش هروح المدرسه .. بس ازاي ؟؟ ..الالتزام نقح عليا بقى .. ولازم اروح .. لبسوني بقى وظبطوني وجينا نلبس الجزمه ..جزمة ايه دي بقى اللي هتدخل في الجبس .. قولتلهم مش مهم هلبس فرده واحده ..وفعلا روحت المدرسه ..انا كنت عمري ما غبت (ده في تالته ابتدائي).. المديره بنفسها لقيتها جيالي قالتلي والله يا اميره انا بنفسي سمحالك تغيبي براحتك لحد ما تخفي ..ساعتها بس اطمنت وغبت بقى لحد ما خفيت .. ورجعت تاني *وفي يوم برضو كان نفسي اعمل قصه.. نفسي اقص شعري ..يا ماما قصيلي ..مش فاضيه .. يا بابا قصلي مش فاضي .. العند والجنونه اشتغلوا .. وجبت المقص وعقدت العزم .. انا هعمل قصه يعني هعمل قصه .. ومسكت المقص بقى ..و ــــــــــــــــ بلاش نكمل الموقف ده احسن عشان الاحراج .. *كنت علطول بطلع الاولى على مدرستي في ابتدائي هناك .. وكان بيبقى في حفلة تكريم يوم النتيجه وكده .. وفي يوم من الايام بينادوا على الاوائل ..ملقيتش اسمي اول اسم ..كنت طالعه التانيه .. يا لهوي ع اللي حصل .. عياط عياط عياط .. والمدرسه كلها اتلمت عليا بتهدي فيا ..وعشان يرضوني راحوا قايلين دي اميره احسن واحده حفظت قرآن السنه دي ..وادوني بدل الجايزه جايزتين ..طفله بقى واقتنعت هبل رسمي ..يا اما الاولى يا اما بلاش فاصل ونواصل
__________________
miss u buddies
|
|
#67
10-08-2009, 10:09 PM
|
||||
|
||||
|
اقتباس:
هو ده أيام مكنتي محمد يعني ولا ايه اقتباس:
متعة الركوب في عربية الطلبات ده
كنا ساعات بنجيب عربيتين عشان واحدة مبتكفيناش مع الطلبات متابع متابع
__________________
It was over 3 years since my last visit  |
|
#69
11-08-2009, 01:02 AM
|
||||
|
||||
|
قرار رقم 162664 لسنة 2902
يعلن ديوان باريك ريافيه عن اعطاء مهلة للعضوة الشقية المتشردة دي اللي اسمها ريموندا إنها تكمل قصتها بكرة و ده كتير كتير أوي تلات أيام نرجع للقرار و ذلك نظراً لحالة المنتدى المبهدلة المبهدلة أوي أوى أوى  فقد قررنا نحن أنا و طنت ريموندا ذلك لأن المنتدى هيتنيل يقع الساعة 2 و حسبي الله و نعم الوكيل في داتابيز ايرور مش أنا .. مش عضوية داتابيز ايرور ده أشباح المنتدى
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
أكتر من رهيبه 
................|
#71
11-08-2009, 12:09 PM
|
||||
|
||||
|
حكاية الدرفة دى حصلتلى قبل كده
بس انا وقعت كليا فوق الركبة بشوية مكنتش بعرف اصلى خالص بس كنت بستحمل الالم بس مرات عمى قالت الحكاية مش محتاجة جبس يلا يا ميرو منتظرين التكلمة
__________________
الحمد لله على كل شئ |
|
#72
11-08-2009, 04:10 PM
|
||||
|
||||
|
هههههههههه
حلو الكلام دا اولا كتعليق على حكاية الورد انتو كنتو مقضينها بلطجة يبنى انتو مش اطفال دنتو شلة بلطجية والعجيب فى الامر انك كنتم دايما مسنودين واسطة فى كل حاجة والكوسة شغالة على ودنه معلش مكنتش اعرف انك بتحكى غير دلوقت عموما متعوضة ان شاء اتلله ازاى معرفش :::::::::::::::: بالنسبة ليكى يا اميرة فتمام اوى مش مشكلة مكوة والكلام دا عايزين بوتوجاز كدا او حاجات من دى علشاننخلص كنت جاى بس اقول تسجيل متابعة دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#74
11-08-2009, 05:04 PM
|
||||
|
||||
|
ســــــوري يا جماعه على التأخير ..بس ظروف النت عندي الحمد لله زي الـ ( ــــ ) نأسف لقطع الارسال !! نكمل بقى الجزء الاخير .. عشان حاسه ان اختكم مرموره هتولع فيا خلاص .. انا كان المفروض اخلص امبارح .. بس منتداكو هو اللي باظ بقى ,,اعمللكم ايه ؟ نكمـــــــــــل .. * لما جيت مصر بقى ..قالوا يودوني لشيخ عشان افضل احفظ قرآن يعني وكده ..روحت للشيخ كان جارنا ..وبدأت الحمد لله احفظ معاه وكده..بس لما المدارس جت بدأت استهبل ومروحش وساعات اروح متأخره ومش حافظه كمان ..لحد ما في يوم روحت ومسمعتش ولا كلمه ..قاللي قومي روحي يا اميره ..قولتله هو مفيش درس النهارده؟ قاللي لا النهارده ولا اي يوم ..فهمت بقى اني بتطرد بس بزوق  ..قولتله وانا اساسا كنت هسيبك واروح لشيخ تاني ..وقومت جري احسن يضربني ..ومن ساعتها كل ما اشوفه ماشي امشي من حته تانيه ..حتى جابوه البيت يحفظ اخواتي ..فدخلت عليهم مره ..فبيقوللي انتي تاني ..قولتله يا عم انا جايه اخد حاجه من الاوضه..  هههههههههههه *ولما جيت مصر برضو مكنتش اعرف حد هنا ..كان الواد احمد ابن الجيران هو الجايد بتاعي هنا ..احم احم هو اللي عرفني بقى على بنات وكده ..وعرفني على المدرسين اللي روحتلهم دروس بعد كده ..ربنا يكرمه ..كنت بشغله سيرفانت ..هههههه (كنا اطفال على فكره)  *مره في واحد صاحب بابايا كان كل يوم يتصل بينا ..شغل بقى وبتاع ..وسبحان الله كل يوم انا اللي برد..كل ما ارد عليه يقوللي ازيك يا احمد . الكلمه دي كانت بتموتني ..بس طبعا صوت الاطفال بيقى شبه بعضو الولاد والبنات وكده ..فكونت اقوله انا اميره يا عمو مش احمد ..وكل يوم يتكرر الموقف ده.. لحد ما في يوم بيقوللي ازيك يا احمد ..قولتله يخرب بيتك يا عمو هو حضرتك مبتفهمش ..كل يوم اقوللك انا مش احمد..ايه ده.. ولحسن الحظ مامتي راحت واخده مني السماعه مني بسرعه وقالتله معلش اطفال بقى ..المهم الحج مش موجود .. (خلي بالكم وانا بشتمه بقوله حضرتك ..اخر احترام والله..زوق من يومي) ههههههههههه *طبعا بقى في الاعدادي ..كنت انا الليدر بتاع فريق الموسيقى ..كنت بعزف اكسليفون..وكنت انا الـ singer برضو احم احم كنت علطول لما اجي اغني ..الفرقه تعزف حواليا بحيث اني مبقاش باينه وانا بغني ..يبقى الصوت بس هو اللي واصل للجمهور ..هههههههه..(كنت بتكسف انا) ويومها اتفقوا عليا الخونه ..كنت بغني ست الحبايب لسه فاكره ..وخلوني بغني واندمجت وراحوا قايمين فجأه ..كل المدرسه شافتني ..احمريت بقى واخضريت طبعا..بس كملت الاغنيه ..ومن ساعتها حلفت عليهم مش هغني تاني ..هعزف بس .. *كانت مامتي بتدرسني في المرسه ..كانت مدرسة الرياضه ..ومره وفي حصة هندسه ..اديتنا تمرين وقالت اللي هيحلوا يبقى جدع ..وتقريبا في جايزه وكده ..فطبعاً كل فراودة الفصل وعلى رأسهم انا استعدينا ..فحطت التمرين على السبوره وبتدينا نفكر طبعاً..والفصل كله كان ســـــــــــــاكت ..مفيش صوت خالص .. وانا حسيت ان في معطى ناقص ..قومت بأعلى صوتي قولتها (ماما)  ..خلي بالكم ماما دي واحنا في الفصل ..يالهوي الفصل كله انفجر في الضحك ..حتى هي ..وانا اتكسفت جداً..بتقوللي عاوزه ايه بقى ..قولتلها لا مفيش خلاص ..كمان شويه لقيت واحده سألت السؤال اللي كنت هسأله قولت الحمد لله..ويومها برضو محدش حل التمرين خالص ..عالم فشله !! اخــــــــر حاجه بقى عشان حاسه انكم خلاص هتولعوا فيا .. * كان المدير بتاعنا في اعدادي راجل رخم جدا ..كل ما حد يطلع اذاعه ..يقول ستوب ..ويجيب الطالب اللي بيقول الـ(هل تعلم )مثلاً .ويسأله في اللي كان بيقوله لحد ما يدوخه ..عشان كده محدش كان بيحب يطع الـ(هل تعلم )خالص ..انا كنت بطلع كل يوم والحمد لله.. بس احياناً مقدمه واحياناً كلمه واحياناً هل تعلم ..وسبحان الله في يوم اذاعة الرياضه كنت طالعه هل تعلم في الهندسه وكده ..راح مناديني ..وراح راسملي بالعصايه بتاعته تمرين ع الارض كده ..وقاللي اثبتي كذا كذا ..روحت انا باصه لمامتي .. قاللي ملكيش دعوه بماما ..وماسكلي العصايه كده ..وموترني خالص ..وانا مبعرفش افكر تحت ضغط .. بس الحمد لله اثبتها وعدت ..ولحد النهارده انا معرفش الفكره جت في دماغي ازاي لاني كنت متوتره جدا ..بس عدت الحمد لله !!خـــــــــــــــــلاص .. خلصت دي يعني اهم المواقف كده اللي ينفع تتقال ..من الولاده وحتى مرحلة الاعدادي ..الثانوي بقى عاوزله برناج لوحده .. اتمنى اني ما اكونش وجعت دماغكم وتكونوا ضحكتولكم شويه ..(ما هو ضحك ببلاش بقى ) في انتظار التريقات ..احم ..اقصد التعليقات دمتم في رعاية الله
__________________
miss u buddies
|
|
#75
11-08-2009, 06:35 PM
|
||||
|
||||
|
اقتباس:
هههههههه
لسة هتشوف ناس كتير تشرد يا مادو متقلقش هتتدبس ذات يوم في الموضوع ده و مافيش حد بيقول لأ شكراً يا مادو على مرورك يا رب يكون عجبك
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 08:32 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
