كيفية التقديم وشروط التحويل فى تنسيق الثانوية

[mustafamm80]

وانا جايب 82% ومش عارف اعمل ايه اكمل رياضة ولا احول ادبى

بصراحة انا مش عايز ااخد تاريخ لانى مش بحبه

ياجماعة لو حد يقدر يفدنى ياريت بسرعة انا محتاج اى مساعدة وانا بدعى ربنا انى الاقى اى درجة من التظلم

اللى انا عمله فى الرياضة وانا رايح بكرة

[emo.katkota]

فعلا بدون احباط يعنى المجاميع مرتفعه كتيييييييييييييييييير مش زى اللى اتوقعناه
بس هنقول ايه الحمد لله انا برضه جايبه 90 مش عارفه اعمل ايه

[alnjm33]

المشاركة الأصلية كتبت بواسطة emo.katkota

فعلا بدون احباط يعنى المجاميع مرتفعه كتيييييييييييييييييير مش زى اللى اتوقعناه
بس هنقول ايه الحمد لله انا برضه جايبه 90 مش عارفه اعمل ايه

انا جايب 89 % وهكمل رياضه كملى بس موتى نفسك علشان تجيبى على الاقل 96 ومش صعبه طبعا
علم نفس + رياضه2 + فيزياء كلهم معتمدين على الفهم + الحل الكتير يعنى ان شاء الله نقفلهم
ودرجه عربى ودرجه انجليزى كده 99% المستوى الرفيع قولى هتاخدى 1 % مع ان سهل اوى تاخدى اكتر
من 1% كده قفلتى 100 % وان شاء الله ربنا يسهل

[hippara]

المشاركة الأصلية كتبت بواسطة king 99

هذه احصائية بشرائح المجاميع
من 95% الى 100% حوالى 27129 طالب بنسبة 7% من طلاب المرحلة الاولى
من 90% الى 95% 45312 طالب اى ان من حصل على اكثر من 90 % 72441 طالب بنسبة 18% من طلاب المرحلة الاولى
من 80% الى 90% 73044 طالب اى ان من حصل على اكثر من 80% من الطلاب حولى 37%
من 70%الى 80% حوالى 66963 طالب اى من حصل على اكثر من 70% من الطلاب 53%
من 60% الى 70% حوالى 612857 طالب اى من حصل على اكثر من 60% من الطلاب 68%

في حاجه بسيطه توضيح
انا شوفت ترتيب شخص جايب
66%
ترتيبه 3230 الف
بمعني ان 200حوالي الف جايبيين تحت 66%

[tomcruise_tito]

ربنا يسهل السنة الجاية

[فارسة صغيرة]

والله ياجماعة انا جايبة 80% بس مع انى بجيب فى الدروس ومستواى حتى الاستاذه مش مصدقين اكتر من كده الف مليون مرة
ومش عارفة ايه الحل الان انا بموت فى حاجة اسمها رياضة
ولا احب الاحياء
وانا فاشلة بدرجة امتياز مع مرتبة الشرف فى الحفظ يعنى الادبى

يعنى ما وراى الا الرياضة
بس ياترى هيكون ليا امل فيها بالمجموع ده
مع انى باذن الله هذاكر احسن مذاكره

بس لو حسبتم معاى انا لو جبت حتى 100% + الدرجة النهائية فى المستوى الرفيع
هجيب 91% بس
بمعنى ممكن ما اخش حاسبات ومعلومات كما كنت اتمنى
والله نفسى فى حل وما عارفة اعمل ايه

[emma.x92]

معتقدش ان فى حاجه تناسبه لان كان فى قرار بيقول مش هيدخل اى طالب اقل من 60% جامعه حكوميه فا احسن حا لاما حاجه خاصه لاما المفتوح

[emma.x92]

على حسب فى ب 6 وفى 8 وفى 11 وفى اكتر على حسب الكليه

[emma.x92]

بعد ما مليت الرغبات كلها اول يوم دخلت دلوقتى براجع لاقيته بيقولى ان مسحها علشان فى منها مش مناسبه الحد الادنى لمجموعى مع العلم انى 67% وان لازم ابدأ من جديد ولما جيت ابدأ من تانى لاقيته مش سامحلى بأى حاجه ولا حتى الحقوق ولا المحافظات ومش سامح غير بتربيه ودار علوم بس وانا كا رهه الاتنين اوى ومش عارفه اعمل ايه؟؟ ولا اكمل باقى الرغبات بـأيه؟؟؟

[hippara]

مافيش حل
.........

[tomcruise_tito]

تربية حلوه احلى من حقوق وهتعرفى قيمتها على العموم المقدر هيكون

[dr_mohsen]

قولى حسبي الله ونعم الوكيل

[Mostafa Ahmad]

فعلا مقدامكيش حل تانى

[medo_ali]

طيب انتى مسحتيهم ليه بس كنتى ممكن تسيبى شويه منهم وتكملى الباقى عادى للى هما مش متوافقين مع المجموع عموما ممكن تروحى مكتب التنسيق وهما هيساعدوكى ان شاء الله ربنا يوفقك

[Ghareeb-Al7la]

ازاي مش جايبة حقوق ؟؟؟

مع ان الحقوق من 55 %

اكيد خطأ برمجي في الموقع

الاحسن ليكي انك تروحي مكتب التنسيق وهتلاقي العطل اكيد من الموقع

وفي الحالة دي هتتدخلي اللى انتي عايزااه